«Робі» (англ.: Robbie) — першае навукова-фантастычнае апавяданне Айзека Азімава пра робатаў, якое ён пачаў пісаць 10 чэрвеня 1939 года. Упершыню быў апублікаваны ў верасні 1940 года ў часопісе Super Science Stories пад назвай «Дзіўная нянька» (англ.: Strange Playfellow). Назву выбраў рэдактар часопіса Фрэдэрык Пол; сам Азімаў ахарактарызаваў назву «безгустоўнай». Адрэдагаваная версія Робі была выдадзена пад арыгінальнай назвай Азімава ў зборніках «Я, Робат» (англ.: I, Robot, 1950), «Дасканалы робат» (англ.: The Complete Robot, 1982) і «Мары робата» (англ.: Robot Visions, 1990). Робі стаў чатырнаццатым апавяданнем, напісаным Азімавым, і дзявятым апублікаваным. Таксама апавяданне ўвайшло ў цыкл апавяданняў пра робатаў «Дэтэктыў Элайдж Бейлі і робат Дэніэл Оліва» — першым сярод апублікаваных апавяданняў Азімава пра робатаў.

Дзеянне апавядання адбываецца ў 1998 годзе. У навінах (Таймс) абмяркоўваецца палёт Лефебра-Яшыды з месяцовай станцыі на Марс. Людзі перамяшчаюцца на аўтажырах (як прыватных, так і тых, што выкарыстоўваюцца ў якасці паветраных таксі) і самалётах, карыстаюцца падводнымі лодкамі і параходамі. Робі — нямы металічны робат-нянька аднаго з першых пакаленняў пазітронных робатаў, які прыглядае за маленькай Глорыяй. Дзяўчынка вельмі любіць сваю няньку і адносіцца да яго як да адушаўлёнай істоты. Пад ціскам настрояў супраць утрымання робатаў у сем’ях, што шырацца ў грамадстве, бацькі Глорыі Джордж і Грэйс Вестан, нягледзячы на яе пратэсты, пазбаўляюцца ад Робі, спрабуючы адцягнуць увагу дзяўчынкі шчанюком аўчаркі коллі.

У апавяданні згадаюць 1-ы закон робататэхнікі, паводле якога робат не можа прычыніць шкоду чалавеку.

Дзяўчынка не можа забыць пра свайго сябра і вельмі перажывае. Бацька Глорыі вырашае, што калі яна наведае зборачны цэх карпарацыі U.S. Robots and Mechanical Men, Inc. у Нью-Ёрку, то яна зразумее, што гэта ўсяго толькі кавалак жалеза. Падчас экскурсіі Глорыя выпадкова сустракае Робі і ён ратуе жыццё дзяўчынкі, якая кінулася да яго, дзякуючы рэакцыі, якая можа быць толькі ў робата. Маці не вытрымлівае і дазваляе жыць Робі ў іх у доме, пакуль яго не з’есць іржа.

• Звесткі пра твор «Робі (апавяданне)» на сайце «Лабараторыя Фантастыкі»

Творы Айзека Азімава
Я, робат	Робі Карагод Логіка Як злавіць труса Ілгун! Як згубіўся робат Выхад са становішча Доказы Вырашальная супярэчнасць
Элайдж Бейлі	раманы: Стальныя пячоры Аголенае сонца Робаты світанку Робаты і Імперыя апавяданні: Маці-Зямля Люстраны адбітак
Трантарыянская імперыя	Зоркі як пыл Касмічныя цячэнні Каменьчык у небе Тупік
Акадэмія (Фонд)	Прэлюдыя да Акадэміі Шлях да Акадэміі Акадэмія Акадэмія і Імперыя Другая Акадэмія Акадэмія на краю гібелі Акадэмія і Зямля
Рознае	У палоне ў Весты Прыход ночы Самі багі Канец Вечнасці Двухсотгадовы чалавек Выбар катастроф Прафесія Пра час, прастору і іншыя рэчы
Бібліяграфія Айзека Азімава