Ракіроўка — гэта асаблівы шахматны ход, пры якім рухаюцца адразу дзве фігуры: кароль і ладдзя.

Ракіроўка робіцца наступным чынам: кароль пераходзіць на дзве клеткі да ладдзі (гэта адзіны выпадак, калі ён ходзіць адразу на два палі), а ладдзя перамяшчаецца ў суседнюю клетку побач з каралём па іншую клетку ад караля. Калі ігрок пачынае ракіроўку з ладдзі, гэта парушенне правілаў, i ігрок абавязаны хадзіць толькі ладдзёй (кароль ужо не можа «пераскочыць» праз ладдзю).

Гістарычна ракіроўка нарадзілася як спрашчэнне стратэгічнага манеўру: уводу караля ў крэпасць і выхаду ладдзі ў бой. Паколькі гэта вельмі моцны ход, існуюць абмежаванні на яго:

• кароль можа ракіравацца, калі ён яшчэ не хадзіў;
• ён ракіруецца з ладдзёй, якая яшчэ не хадзіла;
• паміж імі мусіць не быць іншых фігур;
• кароль не можа перахадзіць праз шах;
• кароль не можа ракіравацца, калі ён пад шахам.

Ракіроўка з каралеўскай ладдзёй называецца кароткай, а з ферзевай — доўгай ракіроўкай (у гэтых выпадках ладдзя ходзіць на дзве альбо тры клеткі адпаведна). У міжнароднай алгебраічнай натацыі кароткая ракіроўка пазначаецца «0—0» (два нулі), а доўгая — «0—0—0» (тры нулі).