Пажарны аўтамабіль
![](https://upload.wikimedia.org/wikipedia/commons/thumb/e/e5/Fire_truck_ATs_5%2C0-50-4_on_MAZ-5337A2_-03.jpg/220px-Fire_truck_ATs_5%2C0-50-4_on_MAZ-5337A2_-03.jpg)
Пажарны аўтамабіль — аўтамабіль са спецыяльным абсталяваннем для тушэння пажараў, а таксама для выканання спецыяльных і дапаможных работ. Дастаўляе да месца пажару баявы разлік, вогнетушыльныя рэчывы, пажарна-тэхнічны, аварыйна-выратавальны і іншы рыштунак.
Класіфікацыя
[правіць | правіць зыходнік]Пажарныя аўтамабілі падзяляюцца на асноўныя, спецыяльныя і дапаможныя.
Асноўныя
[правіць | правіць зыходнік]Да асноўных адносяцца пажарныя аўтамабілі прызначаныя для непасрэднага тушэння пажару — падачы ў зону гарэння вогнетушыльных рэчываў (вады, пены, парашкоў, газаў і іншых).
Агульнага выкарыстання
[правіць | правіць зыходнік]Аўтацыстэрны абсталёўваюцца пажарнымі помпамі высокага і нізкага ціску, ёмістасцямі для вады і пенаўтваральніка, пажарна-тэхнічным і аварыйна-выратавальным абсталяваннем. Аўтапомпы і помпава-рукаўныя машыны выкарыстоўваюцца пры заборы вады з вадаёмаў разам з цыстэрнамі або асобна.
Мэтавага выкарыстання
[правіць | правіць зыходнік]- Пажарныя помпавыя станцыі
- Пеннага пажаратушэння
- Парашковага тушэння
- Камбінаванага тушэння
- Газавага пажаратушэння
- Газавадзянога тушэння
![](https://upload.wikimedia.org/wikipedia/commons/thumb/7/72/2010-06-11_Ziegler_L%C3%B6schfahrzeug_EDDB_02.jpg/220px-2010-06-11_Ziegler_L%C3%B6schfahrzeug_EDDB_02.jpg)
- Аэрадромныя. Бываюць стартавыя (базіруюцца паблізу ўзлётнай паласы) і асноўныя (выязджаюць па сігнале трывогі).
Спецыяльныя
[правіць | правіць зыходнік]Да спецыяльных пажарных аўтамабіляў адносяцца аўтадрабіны, аўтапад’ёмнікі, аўтамабілі газадымаахоўнай службы, сувязі і асвятлення, тэхнічнай службы, рукаўныя і штабныя.
Аўтадрабіны
[правіць | правіць зыходнік]![](https://upload.wikimedia.org/wikipedia/commons/thumb/b/bc/%C4%8Cyhuna%C4%8Dny_rajon%2C_Viciebsk%2C_Belarus_-_panoramio_%2831%29.jpg/220px-%C4%8Cyhuna%C4%8Dny_rajon%2C_Viciebsk%2C_Belarus_-_panoramio_%2831%29.jpg)
Аўтамабільныя пажарныя драбіны прызначаны для дастаўкі баявога разліку, падымання пажарнага абсталявання або грузаў на вышыню, эвакуацыі людзей. Могуць выкарыстоўвацца для падачы вогнетушыльных сродкаў у ачаг гарэння ручнымі або лафетнымі стваламі ад знешняй помпавай устаноўкі, асвятлення месца пажару пражэктарамі. На верхнім калене можа ўстанаўлівацца лафетны ствол ці трубаправод з пенагенератарам, на драбіне — ліфт (люлька) для хуткага падымання або спуску людзей.
Дапаможныя
[правіць | правіць зыходнік]Дапаможныя пажарныя аўтамабілі: аўтапалівазапраўшчыкі, перасоўныя рамонтныя майстэрні, аўтамабілі-лабараторыі, аўтобусы, грузавыя аўтамабілі, аўтамабілі хуткага рэагавання.
Гл. таксама
[правіць | правіць зыходнік]Літаратура
[правіць | правіць зыходнік]- Кузняцоў А. У., Лосік С. А., Місюкевіч М. С. Пажарны аўтамабіль // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 513—514. — 10 000 экз. — ISBN 985-11-0035-8. — ISBN 985-11-0188-5 (т. 11).
- Кузняцоў А. У., Лосік С. А., Місюкевіч М. С. Пажарныя драбіны // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 514. — 10 000 экз. — ISBN 985-11-0035-8. — ISBN 985-11-0188-5 (т. 11).
Text is available under the CC BY-SA 4.0 license; additional terms may apply.
Images, videos and audio are available under their respective licenses.