Абэ Набуюкі
阿部信行
36-ы Прэм’ер-міністр Японіі 30 жніўня 1939 — 1 студзеня 1940
Манарх	Сёва
Папярэднік	Хіранума Кіітыра
Пераемнік	Ёнай Міцумаса
9-ы Генерал-губернатар Карэі 21 ліпеня 1944 — 9 верасня 1945
Папярэднік	Каіса Куніякі
Пераемнік	пасада скасавана
Нараджэнне	24 лістапада 1875(1875-11-24) Канадзава, прэфектура Ісікава, Японія
Смерць	7 верасня 1953(1953-09-07) (77 гадоў) Токіа[d], Токіа, Японія
Жонка	Абэ Міцука
Нацыянальнасць	Японец
Партыя	Taisei Yokusankai[d] (1945) беспартыйны (1940)
Адукацыя	Ваенная акадэмія Імператарскай арміі Японіі Japanese Army Artillery School[d] Army War College[d]
Аўтограф
Род войскаў	Imperial Japanese Army[d]
Званне	генерал
Бітвы	Siberian Intervention[d]
Узнагароды
Медыяфайлы на Вікісховішчы

Абэ Набуюкі (яп.: 阿部信行, 24 лістапада 1875 — 7 верасня 1953) — генерал Імператарскай арміі Японіі, генерал-губернатар Карэі і 36-ы прэм’ер-міністр Японіі.

Абэ нарадзіўся ў сям’і былога самурая ў горадзе Канадзава. Ён вучыўся ў вышэйшай школе Хібія, а затым — у вышэйшай школе № 4. У студэнцкія гады ён запісаўся добраахвотнікам у армію і ўдзельнічаў у япона-кітайскай вайне 1894—1895 гадоў.

Пасля перамогі Абэ скончыў Ваенную акадэмію Імператарскай арміі, потым Вышэйшую ваенную акадэмію. Генерал Аракі Садаа вучыўся з ім у адным класе. З 1918 па 1921 гады Абэ быў камандуючым Трэцяга артылерыйскага палка. Полк быў пасланы ў Расію падчас грамадзянскай вайны, але не прымаў удзелу ў баявых дзеяннях.

У 1933 годзе Абэ стаў генералам арміі і галоўнакамандуючым Тайванскай арміі. У 1936 ён быў перакладзены ў рэзерв.

Пасля адстаўкі кабінета Хіранумы Кіітыра, чыноўнікі высунулі на вызваленую пасаду прэм’ера кандыдатуры Каноэ Фумімара і Хіроты Кокі, а ваенныя — генерала Угакі Кадзусігэ. Гэнро Саёндзі Кімоці не падтрымаў ніводнага з кандыдатаў. Неўзабаве Угакі захварэў і быў шпіталяваны. Новым кандыдатам ад ваенных стаў Абэ, які быў кампраміснай фігурай, з прычыны таго, што ён не належаў ні да адной групоўкі ўнутры арміі.

На пасадзе прэм’ер-міністра Абэ абвясціў нейтралітэт Японіі ў Другой сусветнай вайне. Ён быў перакананым праціўнікам саюза Японіі з Трэцім рэйхам і фашысцкай Італіяй.

Паколькі Абэ не карыстаўся падтрымкай японскіх палітычных партый, у студзені 1940 года ён быў вымушаны сысці ў адстаўку.

У 1942 годзе Абэ стаў членам Палаты Лордаў у японскім парламенце, а ў 1944 годзе змяніў Койса Куніякі на пасадзе генерал-губернатара Карэі. Пасля капітуляцыі Японіі ў Другой сусветнай вайне Абэ перадаў паўнамоцтвы камандуючаму войскамі ЗША ў Карэі Джону Ходжу.

Пазней Абэ быў звольнены з дзяржаўнай службы і арыштаваны акупацыйнай адміністрацыяй ЗША. На судзе ён быў цалкам апраўданы і неўзабаве выпушчаны на свабоду.

Прэм’ер-міністры Японіі
Перыяд Мэйдзі (1868—1912)	Іта Хірабумі Курода Кіятака Сандзё Санэтомі (в. а.) Ямагата Арытома Мацуката Масаёсі Іта Хірабумі Курода Кіятака (в. а.) Мацуката Масаёсі Іта Хірабумі Окума Сігэнобу Ямагата Арытома Іта Хірабумі Саёндзі Кімоці (в. а.) Кацура Тара Саёндзі Кімоці Кацура Тара Саёндзі Кімоці
Перыяд Тайсё (1912—1926)	Кацура Тара Ямамота Гомбэй Окума Сігэнобу Тэрауці Масатакэ Хара Такасі Уціда Косай (в. а.) Такахасі Карэкіё Ката Тамасабура Уціда Косай (в. а.) Ямамота Гомбэй Кіёура Кэйго Като Такаакі Вакацукі Рэйдзіро
Перыяд Сёва (1926—1989)	Танака Гііці Осаці Хамагуці Кідзюра Сідэхара (в. а.) Осаці Хамагуці Вакацукі Рэйдзіро Цуёсі Інукаі Такахасі Карэкіё (в. а.) Сайто Макато Кэйсукэ Окада Фуміо Гато (в. а.) Кэйсукэ Окада Кокі Хірота Сэндзюро Хаясі Фумімара Каноэ Хіранума Кіітыра Набуюкі Абэ Міцумаса Ёнай Фумімара Каноэ Хідэкі Тадзё Куніякі Каісо Кантаро Судзукі прынц Нарухіко Кідзюра Сідэхара Сігэру Ёсіда Тэцу Катаяма Хітосі Асіда Сігэру Ёсіда Іціро Хатояма Тандзан Ісібасі Нобусукэ Кісі Хаято Ікэда Эйсаку Сато Какуэй Танака Такэо Мікі Такэо Фукуда Масаёсі Охіра Масаёсі Іто (в. а.) Дзэнко Судзукі Ясухіро Накасонэ Набору Такэсіта
Перыяд Хэйсэй (1989—2019)	Сосукэ Уно Тосікі Кайфу Кііці Міядзава Марыхіро Хасокава Цутому Хата Тамііці Мураяма Рутара Хасімота Кэйдза Абуці Мікіо Аокі (в. а.) Ёсіра Моры Дзюн’іціра Каідзумі Сіндза Абэ Ясуа Фукуда Таро Асо Юкіа Хатаяма Наота Кан Ёсіхіка Нода Сіндза Абэ
Перыяд Рэйва (з 2019)	Ёсіхідэ Суга Фуміа Кісіда
Спіс прэм’ер-міністраў Японіі