Мікалай Макаравіч Пятрэнка
Дата нараджэння	19 снежня 1919(1919-12-19)
Месца нараджэння	Барбароў, Рэчыцкі павет, Гомельская губерня, РСФСР
Дата смерці	3 студзеня 1997(1997-01-03) (77 гадоў)
Месца смерці	Полацк, Віцебская вобласць, Беларусь
Альма-матар	Мінскі дзяржаўны педагагічны інстытут імя А. М. Горкага (1940)
Музычная дзейнасць
Прафесіі	кампазітар, музычны педагог
Узнагароды	Ганаровы грамадзянін Полацка

Мікала́й Мака́равіч Пятрэ́нка (нар. 19 снежня 1919, Барбароў Мазырскага раёна Гомельскай вобласці — 3 студзеня 1997) — беларускі дзеяч самадзейнага мастацтва, кампазітар, педагог. Заслужаны настаўнік БССР (1966). Ганаровы грамадзянін Полацка (1995).

Скончыў Мінскі педагагічны інстытут (1940).

Удзельнік Вялікай Айчыннай вайны. У мірны час працаваў на розных кіруючых пасадах на Гомельшчыне і Віцебшчыне. З 1960 года выкладчык, намеснік дырэктара Полацкага педвучылішча.

Узнагароджаны ордэнам Айчыннай вайны І ступені, медалямі.

Аўтар некалькіх падручнікаў. Самадзейны кампазітар, аўтар больш за 300 песень, з 1980 года кіраваў клубам самадзейных кампазітараў у Полацку. Лаўрэат конкурсаў самадзейных кампазітараў.

Песням Пятрэнкі характэрныя меладычнасць, выкарыстанне інтанацый беларускага песеннага фальклору. Найбольш папулярныя:

• «Ручнікі»,
• «Ой, старонка мая ты лясная»,
• «Вочы зямлі маёй»,
• «Слаўнае свята»,
• «Невядомы партызан»,
• «Пад калінай»,
• «Прыязджаў марак у госці»,
• «Расіі першы камуніст»,
• «Там, дзе хадзіў калісьці Ленін»,
• «Прыязджайце да нас на Полаччыну».

• Гальпяровіч Н. Я. Пятрэнка Мікалай Макаравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 174. — 10 000 экз. — ISBN 985-11-0035-8. — ISBN 985-11-0216-4 (т. 13).
• Пятрэнка Мікалай Макаравіч // Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1986. — Т. 4. Накцюрн — Скальскі. — С. 436. — 742 с. — 9 500 экз.

• Пятрэнка Мікалай Макаравіч (1919-1997). Сайт Полацкага краязнаўчага музея.