Горад-графства Лімерык Luimneach Герб Сцяг Краіна  Ірландыя Каардынаты 52°40′ пн. ш. 8°38′ з. д.HGЯO Першая згадка 812 Горад-графства з XII ст. Плошча 20,79 км² Вышыня цэнтра 10 ± 1 м Водныя аб’екты Рака Шанан Насельніцтва 90 757 чалавек (2006) Нацыянальны склад ірландцы (86,4 %) Канфесійны склад католікі (88,6 %) Часавы пояс UTC+0 Тэлефонны код 61 Афіцыйны сайт limerickcity.ie Лімерык на карце Ірландыі

Медыяфайлы на Вікісховішчы

Лімерык (англ.: Limerick; ірл.: Luimneach) — горад-графства ў Ірландыі, знаходзіцца на межах графстваў Лімерык (правінцыя Манстэр) і Клэр. Буйны гандлёвы і адміністрацыйны цэнтр, трэці па колькасці жыхароў (90 тыс.) горад у Ірландыі.

Першыя паселішчы на месцы сучаснага Лімерыка ўзніклі яшчэ 3 тыс. гадоў таму. У V стагоддзі ў гэтым раёне было пабудавана некалькі манастырскіх комплексаў. У IX стагоддзі сюды прыйшлі вікінгі і ў 812 годзе заснавалі калонію, якая пасля стала горадам Лімерык. З-за свайго выгаднага стратэгічнага становішча на рацэ Шанон пры Нармандскіх феадалах ён квітнеў.

Пасля бітвы на рацэ Бойн рэшткі войска якабітаў атуліліся ў Лімерыку, які лічыўся непрыступным. Далейшая аблога ўвайшла ў ірландскі фальклор як гераічнае паражэнне, замацаванае ў 1691 годзе ў Лімерыкскім пагадненні.

У другой палове XIX стагоддзя горад знаходзіцца ў эканамічным крызісе, але ўжо да пачатку XX стагоддзя адрадзіўся, стаўшы адным з найбуйнейшых чыгуначных вузлоў Ірландыі. 9 красавіка 1919 года горад быў абвешчаны ваеннай зонай. Прафсаюзы Лімерыка абвясцілі страйк супраць англійскага мілітарызму. У выніку бастуючыя захапілі ўладу, і 15-27 красавіка 1919 г. горад быў сталіцай рэспублікі Савецкі Лімерык.

Асноўным прадпрыемствам у горадзе з’яўлялася фабрыка па вытворчасці кампутараў кампаніі Dell, якая была зачынена ў 2009 годзе. Таксама ў горадзе развіты харчовая і швейная прамысловасць. Асабліва цэняцца знакамітыя лімерыкскія карункі.

Мясцовая чыгуначная станцыя была адкрыта 28 жніўня 1858 года, замяніўшы больш раннюю станцыю, адкрытую 9 мая 1848 года, якая знаходзілася за паўкіламетра на ўсход.

• Музей Хант
• Музей Лімерыка
• Замак Караля Іаана

Імя горада дало назву лімерыкам — жартоўным вершам з пяці радкоў. Гэта адбылося дзякуючы звычаю прыдумляць і спяваць на вечарынках жартоўныя песенькі, прыпевам якіх была фраза «Will you come up to Limerick?» («Вы прыедзеце ў Лімерык?»).

У горадзе дзейнічаюць два саборы: англіканскі Сабор Святой Панны Марыі і каталіцкі Сабор Святога Іаана Хрысціцеля.

Насельніцтва — 90757 чалавек (па перапісу 2006 года), у тым ліку насельніцтва ўнутры гарадской рысы (legal area) было 52539, насельніцтва прыгарадаў (environs) — 38218. У 2002 годзе насельніцтва складала 86998 чалавек.

• Патрык Раян (1881—1964) — амерыканскі лёгкаатлет ірландскага паходжання.

• На Вікісховішчы ёсць медыяфайлы па тэме Лімерык