Лебедзі
Лебедзь-шыпун садзіцца на ваду
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Гусепадобныя Падатрад:  Anseres Сямейства:  Качыныя Падсямейства:  Гусіныя Трыба:  Cygnini Род:  Лебедзі
Міжнародная навуковая назва
Cygnus Bechstein, 1803
Віды
гл. тэкст
Сістэматыка на Віківідах Выявы на Вікісховішчы ITIS   174984 NCBI   8867 EOL   20156 FW   83418

Ле́бедзі^[1] (Cygnus) — род вадаплаўных птушак з атраду гусепадобных сямейства качыных.

Пер'е лебедзяў — чыста белага, або шэрага ці чорнага колераў. Ад гусей іх адрознівае больш доўгая шыя, якая дазваляе на большай глыбіні абшукваць дно ў пошуках ежы, а таксама іх памеры — яны з'яўляюцца самымі буйнымі воднымі птушкамі.

Размах крылаў дасягае двух метраў, а маса можа перавышаць 15 кг. Лапы даволі кароткія, з-за чаго на зямлі яны выглядаюць даволі няўклюднымі. Затое лятальная мускулатура вельмі развітая і дазваляе пераадольваць тысячы кіламетраў пры штогадовых пералётах у вырай і назад.

Птушанятамі апекуюцца абодва бацькі цягам году пасля нараджэння. Манагамныя. Лебядзіная пара трымаецца разам да канца жыцця. Калі адзін з іх памірае, то другі больш не шукае сабе пару.

Існуе сем відаў (на тэрыторыі Беларусі 3: лебедзь-шыпун, лебедзь-клікун, лебедзь малы):

• Лебедзь чорны
• Лебедзь малы
• Лебедзь-трубач
• Лебедзь чарнадзюбы
• Лебедзь-клікун
• Лебедзь чарнашыйны
• Лебедзь-шыпун

Часам за лебедзя прымаюць каскаробу, аднак гэтая птушка адносіцца да роду Coscoroba і, хоць па сваіх памерах больш за гуся, усё ж бліжэй да качак, чым да лебядзёў^[2].

• 
  Марка Малдовы
• 
  Марка Фінляндыі

• 
  Герб «Лебедзь»