Курган Бессмяротнасці Адама Міцкевіча^[1] — штучны ўзгорак, насыпаны ў 1920-я гадах у гонар польскага паэта беларускага паходжання Адама Міцкевіча ў Навагрудку, дзе прайшлі яго дзіцячыя гады і ў ваколіцах якога адбываюцца многія падзеі яго твораў. Падобная практыка стварэння кургана ў гонар асобнага чалавека з’яўляецца ўнікальнай для Беларусі^[2].

Курган занесены ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны міжнароднага значэння.^[1].

Насыпаны па ініцыятыве Міцкевічаўскага камітэта на пляцы, які быў выкуплены за 6 тысяч злотых, што былі сабраны добраахвотнымі ахвяраваннямі. Урачыстая закладка кургана адбылася 27 мая 1924 года. Скончылі насыпаць курган у 1931 годзе. Каля яго падножжа была ўстаноўлена стэла з надпісам-прысвячэннем, якая ў 1998 годзе ў сувязі са святкаваннем 200-годдзя з дня нараджэння паэта была заменена на валун^[2].

Недалёка ад кургана ў 1992 годзе быў усталяваны таксама помнік Адаму Міцкевічу^[2].

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл. — С. 264

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 411Д000405

• На Вікісховішчы ёсць медыяфайлы па тэме Курган Бессмяротнасці Адама Міцкевіча
• Курган Бессмяротнасці Адама Міцкевіча на сайце «Архіварта»

Славутасці Навагрудка
Раёны і кварталы	Замкавая гара Малы замак Барысаглебскае ўзвышша Гара Міндоўга
Вуліцы і плошчы	Гродзенская Замкавая Малы Замак Леніна Мінская Савецкая Чырвонаармейская
Палацы і сядзібы	Новагародская вежа† Навагрудскі замак Сядзіба Міцкевічаў Палац Радзівілаў†
Грамадскія будынкі і збудаванні	Гандлёвыя рады Навагрудская беларуская гімназія Ваяводскае ўпраўленне Каменны млын Дом ваяводы Чыгуначны вакзал Ратуша† Езуіцкі калегіум† Дом Баярына†
Музеі	Дом-музей Адама Міцкевіча Навагрудскі гісторыка-краязнаўчы музей
Помнікі і мемарыялы	Курган Бессмяротнасці Адама Міцкевіча Помнік Адаму Міцкевічу Брацкая магіла
Манастыры, саборы і храмы	Свята-Мікалаеўскі сабор і кляштар францысканцаў Фарны касцёл Барысаглебская царква Міхайлаўскі касцёл Замкавая царква† Мячэць Сінагога† Кляштар дамініканак† Кляштар баніфратаў†
Сады і паркі, могілкі	Гарадскі парк Старыя могілкі Вайсковыя могілкі Татарскія могілкі Яўрэйскія могілкі Батароўка
† страчаныя аб’екты