Ліга чэмпіёнаў УЕФА UEFA Champions League
Заснаваны:	1955
Рэарганізаваны:	1992
Краіна:	Еўропа (УЕФА)
Кол-ць каманд:	32 (групавы этап) 79 (усяго)
Дзеючы чэмпіён:	Манчэстэр Сіці (1-ы тытул)
Найбольш тытулаваны:	Рэал Мадрыд (14 тытулаў)
Бягучы сезон
Ліга чэмпіёнаў УЕФА 2023/2024
www.uefa.com

Ліга чэмпіёнаў УЕФА (англ.: UEFA Champions League) — штогадовае футбольнае спаборніцтва паміж вядучымі еўрапейскімі клубамі пад эгідай УЕФА.

Са свайго першага сезона 1955/1956 і да сезона 1991/1992 спаборніцтва называлася Кубкам еўрапейскіх чэмпіёнаў (англ.: European Champion Clubs’ Cup). З сезона 1992/1993 спаборніцтва атрымала сваю цяперашную назву і змяніла фармат, адступіўшыся ад алімпійскай сістэмы на карысць групавога этапу. Цяпер спаборніцтвы ў Лізе чэмпіёнаў уключаюць 4 кваліфікацыйныя раўнды, групавы этап (8 груп па 4 каманды, з якіх у наступную стадыю выходзяць першыя дзве, а каманда, якая заняла трэцяе месца, трапляе ў 1/16 фіналу Лігі Еўропы УЕФА) і, пачынаючы са стадыі 1/8 фіналу, гульню па сістэме плэй-оф з матчамі на сваім і на чужым стадыёне з заканчэннем у выглядзе фіналу з аднаго матча на нейтральным стадыёне.

Пераможцамі турніру станавіліся 23 клубы, 13 з іх выйгравалі турнір больш за адзін раз. Іспанскія клубы атрымлівалі ў турніры 18 перамог. Рэкардсменам па колькасці выйграных тытулаў з’яўляецца іспанскі «Рэал Мадрыд», які перамагаў 14 разоў. Дзеючым чэмпіёнам з’яўляецца англійскі клуб «Манчэстэр Сіці», які 10 чэрвеня 2023 года ў фінале ў Стамбуле перамог італьянскі «Інтэрнацыянале» з лікам 1:0.

Кубак еўрапейскіх чэмпіёнаў быў заснаваны ў 1955 годзе па прапанове французскага спартыўнага журналіста і рэдактара «L'Équipe» Габрыэля Ано. Ідэя аб кантынентальным футбольным турніры наведала Ано пасля заяваў англійскай прэсы аб тым, што «Вулверхэмптан Уондэрэрс», які перамог восенню 1954 года «Спартак» і «Гонвед», з’яўляецца наймацнейшым клубам свету. У сваёй газеце Ано адказаў, што для выяўлення наймацнейшага клуба трэба правесці спаборніцтва, якое ўключае ў сябе і хатнія, і гасцявыя матчы. Ужо на наступны дзень Ано апублікаваў магчымы праект турніру, а ў студзені 1955 года прайшоў першы Кубак еўрапейскіх чэмпіёнаў.

У перыяд з 1960 па 2004 гады ўладальнік Кубка еўрапейскіх чэмпіёнаў ўдзельнічаў у цяпер адмененым Міжкантынентальным кубку супраць ўладальніка паўднёваамерыканскага Кубка Лібертадорэс. Зараз пераможца Лігі чэмпіёнаў удзельнічае ў клубным чэмпіянаце свету — турніры пад эгідай ФІФА.

У момант заснавання Лігі было вырашана, што фундатарам турніру не могуць быць больш за 8 кампаній. Па ўмовах пагаднення гэтыя кампаніі атрымліваюць 4 рэкламных шчыты па перыметры поля, пэўную колькасць квіткоў на кожны матч і прысутнасць лагатыпаў кампаній на перадматчавых і пасляматчавых інтэрв’ю. Таксама гэтыя кампаніі атрымліваюць рэкламны час у перапынках паміж таймамі матчаў Лігі чэмпіёнаў.

У цяперашні час афіцыйнымі фундатарамі Лігі чэмпіёнаў з’яўляюцца:

• Nissan
• Heineken
• MasterCard
• Sony Computer Entertainment
• UniCredit
• Gazprom
• PepsiCo
• PlayStation

Таксама з турнірам супрацоўнічаюць:

• Adidas (па кантракце з УЕФА, як пастаўшчык мячоў на ўсе спаборніцтвы пад яе эгідай)
• Konami (як стваральнік афіцыйнай відэагульні Лігі чэмпіёнаў)

Спіс найлепшых клубаў у гэтым турніры ўзначальвае іспанскі «Рэал Мадрыд», які атрымліваў перамогу ў Лізе чэмпіёнаў (уключна з перамогай у Кубку чэмпіёнаў) 14 разоў. Сем разоў турнір выйграваў італьянскі «Мілан», 6 разоў — англійскі «Ліверпул» і мюнхенская «Баварыя», 5 разоў — іспанская «Барселона», 4 разы — нідэрландскі «Аякс» з Амстэрдама.

Клуб	П	Ф	КФ	Выйграныя фіналы	Прайграныя фіналы
Рэал Мадрыд	14	3	17	1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018, 2022	1962, 1964, 1981
Мілан	7	4	11	1963, 1969, 1989, 1990, 1994, 2003, 2007	1958, 1993, 1995, 2005
Баварыя	6	5	11	1974, 1975, 1976, 2001, 2013, 2020	1982, 1987, 1999, 2010, 2012
Ліверпул	6	4	10	1977, 1978, 1981, 1984, 2005, 2019	1985, 2007, 2018, 2022
Барселона	5	3	8	1992, 2006, 2009, 2011, 2015	1961, 1986, 1994
Аякс	4	2	6	1971, 1972, 1973, 1995	1969, 1996
Інтэрнацыянале	3	3	6	1964, 1965, 2010	1967, 1972, 2023
Манчэстэр Юнайтэд	3	2	5	1968, 1999, 2008	2009, 2011
Ювентус	2	7	9	1985, 1996	1973, 1983, 1997, 1998, 2003, 2015, 2017
Бенфіка	2	5	7	1961, 1962	1963, 1965, 1968, 1988, 1990
Чэлсі	2	1	3	2012, 2021	2008
Нотынгем Форэст	2	0	2	1979, 1980	-
Порту	2	0	2	1987, 2004	-
Сэлтык	1	1	2	1967	1970
Гамбург	1	1	2	1983	1980
Сцяўа	1	1	2	1986	1989
Марсель	1	1	2	1993	1991
Барусія Дортмунд	1	1	2	1997	2013
Манчэстэр Сіці	1	1	2	2023	2021
Феенорд	1	0	1	1970	-
Астан Віла	1	0	1	1982	-
ПСВ Эйндхавен	1	0	1	1988	-
Црвена Звезда	1	0	1	1991	-
Атлетыка Мадрыд	0	3	3	-	1974, 2014, 2016
Рэймс	0	2	2	-	1956, 1959
Валенсія	0	2	2	-	2000, 2001
Фіярэнціна	0	1	1	-	1957
Айнтрахт	0	1	1	-	1960
Партызан	0	1	1	-	1966
Панатынаікос	0	1	1	-	1971
Лідс Юнайтэд	0	1	1	-	1975
Сент-Эцьен	0	1	1	-	1976
Барусія Мёнхенгладбах	0	1	1	-	1977
Бругэ	0	1	1	-	1978
Мальмё	0	1	1	-	1979
Рома	0	1	1	-	1984
Сампдорыя	0	1	1	-	1992
Баер Леверкузен	0	1	1	-	2001
Манака	0	1	1	-	2004
Арсенал	0	1	1	-	2006
Тотэнхэм Хотспур	0	1	1	-	2019
Пары Сен-Жэрмен	0	1	1	-	2020

№	Імя	Г	М	ГГ	Гады	Клубы
1	Крыштыяну Раналду	140	183	0.77	2003—2022	Манчэстэр Юнайтэд, Рэал Мадрыд, Ювентус
2	Ліянель Месі	129	163	0.79	2005—2023	Барселона, Пары Сен-Жэрмен
3	Роберт Левандоўскі	91	111	0.82	2011—…	Барусія (Дортмунд), Баварыя, Барселона
4	Карым Бензема	90	152	0.59	2006—2023	Алімпік Ліён, Рэал Мадрыд
4	Рауль Гансалес	71	142	0.50	1995—2011	Рэал Мадрыд, Шальке 04

№	Імя	М	Клубы
1	Крыштыяну Раналду	183	Манчэстэр Юнайтэд, Рэал Мадрыд, Ювентус
2	Ікер Касільяс	177	Рэал Мадрыд, Порту
3	Ліянель Месі	163	Барселона, Пары Сен-Жэрмен
4	Карым Бензема	152	Алімпік Ліён, Рэал Мадрыд
5	Хаві	151	Барселона

	Ліга чэмпіёнаў УЕФА на Вікісховішчы

• UEFA CHAMPIONS LEAGUE RANKINGS AND MORE…
• Афіцыйны сайт (англ.)
• Навіны Лігі Чэмпіёнаў Архівавана 2 лютага 2011.
• Ліга чэмпіёнаў УЕФА (нявызн.)(недаступная спасылка). УЕФА. Архівавана з першакрыніцы 24 жніўня 2011. Праверана 30 снежня 2011. (руск.)
• Гісторыя Лігі чэмпіёнаў УЕФА (нявызн.)(недаступная спасылка). УЕФА. Архівавана з першакрыніцы 2 верасня 2011. Праверана 30 снежня 2011. (руск.)
• 50 гадоў Кубку еўрапейскіх чэмпіёнаў (нявызн.)(недаступная спасылка). УЕФА. Архівавана з першакрыніцы 5 жніўня 2011. Праверана 30 снежня 2011. (англ.)
• Кубак еўрапейскіх чэмпіёнаў і Ліга чэмпіёнаў УЕФА (нявызн.). RSSSF. Архівавана з першакрыніцы 23 жніўня 2011. Праверана 30 снежня 2011. (англ.)

Турніры УЕФА
Футбол Зборныя Мужчынскія Чэмпіянат Еўропы да 21 да 19 да 17 Ліга нацый Кубак чэмпіёнаў КАНМЕБОЛ–УЕФА Кубак Мерыдыяна Жаночыя Чэмпіянат Еўропы да 19 да 17 Клубныя Мужчынскія Ліга чэмпіёнаў УЕФА Кубак уладальнікаў кубкаў УЕФА Ліга Еўропы УЕФА Ліга канферэнцый УЕФА Кубак Інтэртота Суперкубак УЕФА Міжкантынентальны кубак Юнацкія Юнацкая ліга Жаночыя Ліга чэмпіёнаў Аматарскія Мужчынскія Кубак рэгіёнаў УЕФА
Футзал Зборныя Мужчынскія Чэмпіянат Еўропы да 21 да 19 Клубныя Мужчынскія Ліга чэмпіёнаў Кубак уладальнікаў кубкаў
Табліца каэфіцыентаў Рэйтынг Fair Play УЕФА

Кубак еўрапейскіх чэмпіёнаў/Ліга чэмпіёнаў УЕФА
УЕФА
Сезоны	КЕЧ 1955/56 1956/57 1957/58 1958/59 1959/60 1960/61 1961/62 1962/63 1963/64 1964/65 1965/66 1966/67 1967/68 1968/69 1969/70 1970/71 1971/72 1972/73 1973/74 1974/75 1975/76 1976/77 1977/78 1978/79 1979/80 1990/81 1981/82 1982/83 1983/84 1984/85 1985/86 1986/87 1987/88 1988/89 1989/90 1990/91 1991/92 ЛЧ 1992/93 1993/94 1994/95 1995/96 1996/97 1997/98 1998/99 1999/00 2000/01 2001/02 2002/03 2003/04 2004/05 2005/06 2006/07 2007/08 2008/09 2009/10 2010/11 2011/12 2012/13 2013/14 2014/15 2015/16 2016/17 2017/18 2018/19 2019/20 2020/21 2021/22 2022/23 2023/24 2024/25
Статыстыка і ўзнагароды	Сезоны Пераможцы Бамбардзіры Хет-трыкі
Commons