«Дняпро» укр.: Дніпро
Святошынска-Броварская лінія
Кіеўскі метрапалітэн
Дата адкрыцця	6 лістапада 1960 года
Раён	Дняпроўскі
Акруга	Венецыянскі востраў
Тып	Эстакадная адкрытая
Тып платформаў	берагавая
Форма платформаў	па I пуці прамая, па II пуці выгнутая
Даўжыня платформаў, м	124,0 м
Узведзена	Кіеўметрабуд
Выхад да вуліц	Набярэжная шаша
Час адкрыцця	05:40
Код станцыі	122
Суседнія станцыі	Гідрапарк і Арсенальная
Медыяфайлы на Вікісховішчы

Г Р П Святошынска-Броварская лінія

умоўныя абазначэнні ЦЧ «Навабелычы» Навабілычы  Акадэмістэчка Жытомырска Святошын  Ныўкы Гаванскі шляхаправод Берасцейская  Шуляўска Політэхнічны інстытут Вакзальна +М      Унівэрсытэт Тэатральна +М Хрэшчатык +М Службовая галінка да Майдан Нэзалэжнасці Службовая галінка да Клоўскай Арсенальна Дніпро Мост Метро праз р. Дняпро Гідрапарк Русанаўскі мост Лівабэрэжна  +М  Шляхаправод над чыгункай ЦЧ-1 «Дарныця» Дарныця Чэрнігіўска Лісова

Дняпро (укр.: Дніпро́, вымаўленне^ⓘ) — станцыя Кіеўскага метрапалітэна, размешчаная на Святошынска-Броварскай лініі паміж станцыямі «Арсенальная» і «Гідрапарк».

Адкрыта 6 лістапада 1960 года ў складзе першай чаргі будаўніцтва; да 1965 года — канцавая станцыя. Пасажырапаток — 2,8 тыс. чал./суткі^[1]. Станам на 2016 год з’яўляецца найменш загружанай станцыяй Кіеўскага метрапалітэна.

З 2008 года станцыя мае статус «толькі што выяўлены аб’ект культурнай спадчыны», помнік архітэктуры і горадабудаўніцтва, навукі і тэхнікі^[2].

Станцыя размешчана каля падножжа стромкага схілу правага берага р. Дняпро. Ад станцыі «Дняпро» пачынаецца наземны ўчастак Святошынска-Броварскай лініі.

Першая станцыя Кіеўскага метрапалітэна берагавога тыпу, наземная і адкрытая. Бакавыя пасадачныя платформы размешчаны на эстакадзе над набярэжнай. Частка платформы на ІІ пуці размешчана па дузе. Платформы звязаны лесвіцай з наземным вестыбюлем, які размешчаны з боку берагавога схілу і мае два выхады на набярэжную. З боку ракі ад кожнай платформы адыходзяць масткі да пілонаў са шкла і бетону, у якіх размешчаны лесвіцы для высадкі і пасадкі пасажыраў (у цяперашні час гэтыя выхады не працуюць). Гэтыя пілоны служаць таксама п’едэсталам для дзвюх манументальных скульптур «Мір» у выглядзе жанчыны з галубамі і «Труд» у выглядзе фігуры працоўнага, устаноўленых у 1965 годзе.

Працягам эстакады служыць мост Метро арачнай канструкцыі, сумешчаны з аўтатранспартным мостам, пабудаваны ў 1965 годзе. Станцыя разам з мостам Метро стварае адзіны архітэктурны ансамбль.

Да 1965 года цягнікі прыбывалі з боку «Арсенальнай» на першы пуць, праводзілі высадку пасажыраў на левую платформу (калі стаяць тварам да Дняпра), якая ў той час знаходзілася на месцы другога пуці, пасля прымалі пасажыраў з правай платформы і адпраўляліся назад у бок «Арсенальнай».

Ствнам на 2012 год станцыя мае самую вялікую даўжыню платформы ў Кіеўскім метрапалітэне. Традыцыйная даўжыня платформы для Кіева — 100—104 м супраць 124 м на станцыі «Дняпро». Тэарэтычна станцыя разлічана на шасцівагонны састаў, аднак на практыцы яго не зможа прыняць аніводная станцыя на лініі.

Адкрыццё — 5:40, закрыццё — 00:12.

Адпраўленне першага цягніка ў накірунку:

• ст. «Лясная» — 6:03
• ст. «Акадэмгарадок» — 5:46

Адпраўленне апошняга цягніка ў накірунку:

• ст. «Лясная» — 0:32
• ст. «Акадэмгарадок» — 0:16

• 
  Станцыя, выгляд з моста
• 
  Вестыбюль станцыі
• 
  Вестыбюль станцыі
• 
  Вестыбюль станцыі
• 
  Вестыбюль станцыі
• 
  Лесвіца на платформу
• 
  Парталы тунэляў
• 
  Пасадачная платформа
• 
  Манументальная скульптура «Труд»
• 
  Манументальная скульптура «Мір»
• 
  Цягнік на мосце Метро

• электрадэпо Дняпро

• Звесткі на афіцыйным сайце Кіеўскага метрапалітэна(недаступная спасылка)
• Старонка станцыі на неафіцыйным сайце Кіеўскага метрапалітэна Архівавана 7 кастрычніка 2006.
• Станцыя «Дняпро» на сайце «Свет метро»
• Фота мантажу «Метраліфта» у анлайн-музеі Кіеўскага метрапалітэна Архівавана 9 студзеня 2012.
• Фатаграфіі станцыі
• Відэа са станцыі «Дняпро» на YouTube
• Мадэль «Метраліфта» на станцыі «Дняпро» з Музея Метрапалітэна ў Кіеве Архівавана 10 сакавіка 2009.