Дзмітрый Аляксандравіч Лукас
Дата нараджэння	16 чэрвеня 1911(1911-06-16)
Месца нараджэння	Свянцяны, Свянцянскі павет, Віленская губерня, Расійская імперыя
Дата смерці	13 кастрычніка 1979(1979-10-13) (68 гадоў)
Краіна	Расійская імперыя  СССР
Альма-матар	Гомельскі дзяржаўны каледж мастацтваў імя Н. Ф. Сакалоўскага (1936) Беларуская дзяржаўная кансерваторыя імя А. В. Луначарскага (1941)
Месца працы	Мінскі дзяржаўны педагагічны інстытут імя А. М. Горкага Першы Нацыянальны канал Беларускага радыё
Музычная дзейнасць
Прафесіі	кампазітар
Узнагароды

Дзмі́трый Алякса́ндравіч Лу́кас^[1] (16 чэрвеня 1911, Свянцяны, Віленская губерня — 13 кастрычніка 1979) — беларускі кампазітар і педагог.

Вучыўся ў Гомельскім музычным тэхнікуме па класе спеваў В. Зайцавай і класе кампазіцыі Г. К. Пукста (1932—1936), у 1941 годзе скончыў Беларускую кансерваторыю па класе кампазіцыі В. А. Залатарова. У 1941—1942 гадах у Чырвонай Арміі. У 1943—1944 гадах начальнік рэпертуарнага камітэта, 1945—1947 гадах кіраўнік аддзела музыкі Упраўлення па справах мастацтваў БССР, у 1948—1950 гадах адказны рэдактар музычнага вяшчання Беларускага радыё. У 1965—1972 гадах загадчык кафедры спеваў Мінскага педагагічнага інстытута імя М. Горкага.

Аўтар опер «Кастусь Каліноўскі» (Мінск, 1947), «Песня о счастье» (1951), «Дочь пограничника» (1969); твораў для салістаў, хора і сімфанічнага аpкестра — араторыя «Сказка о попе и работнике его Балде» (сл. А. Пушкіна, 1976); для сімфанічнага аpкестра — «Симфония» (1959); для голаса і сімфанічнага аpкестра — «Концерт» (1954); для духавога аркестра — 2 сюіты на тэмы песень удзельнікаў мастацкай самадзейнасці (1957); для 2 скрыпак, альта і віяланчэлі — квартэты: I (1939), II (1945), III (1966), IV (1974); для голаса і фартэпіяна — рамансы, песні, у т.л. цыклы: «Мелодии» (сл. Лесі Украінкі, 1954), «Времена года» (сл. Э. Агняцвет, 1958); музыкі да драматычных спектакляў і фільмаў («Человек не сдается» (1960), «Нестерка» (1954), «Дети партизана» (1954)); апрацовак беларускіх народных песень.

Заслужаны дзеяч мастацтваў БССР (1955).

• Лу́кас Дзмітрый Аляксандравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 436. — 800 с. — 5 000 экз. — ISBN 985-11-0026-9.
• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 362. — 10 000 экз. — ISBN 985-11-0035-8. — ISBN 985-11-0155-9 (т. 9).