Джэф Безас
Джэф Безас | |
---|---|
англ.: Jeff Bezos | |
![]() | |
Імя пры нараджэнні: | англ.: Jeffrey Preston Jorgensen[1] |
Дата нараджэння: | 12 студзеня 1964[2][3][…] (60 гадоў) |
Месца нараджэння: | |
Грамадзянства: | |
Адукацыя | |
Месца працы | |
Узнагароды і прэміі | |
Аўтограф |
![]() |
![]() |
Джэфры Прэстан «Джэф» Безас (англ.: Jeffrey Preston «Jeff» Bezos; нар. 12 студзеня 1964, Альбукерке, Нью-Мексіка, ЗША) — амерыканскі прадпрымальнік, кіраўнік і заснавальнік інтэрнет-кампаніі Amazon.com, заснавальнік і ўладальнік аэракасмічнай кампаніі Blue Origin і ўладальнік выдавецкага дому The Washington Post[5]. У 2018 годзе стаў найбагацейшым чалавекам па версіі Forbes, заняўшы першы радок спісу са $135,6 млрд.
Біяграфія
[правіць | правіць зыходнік]Калі Джэфу было чатыры гады, яго маці выйшла замуж за кубінскага мігранта Мігеля Безаса, які ўсынавіў хлопчыка.
Скончыў Прынстанскі ўніверсітэт (1986) са ступенямі па электраінжынерыі і камп’ютарных навуках. Да пачатку 1994 года працаваў па спецыяльнасці на Уол-стрыт на розных пасадах. Займаўся распрацоўкай сеткі для міжнароднага гандлю.[6] Пазней заняў пасаду віцэ-прэзідэнта ў кампаніі D. E. Shaw & Co, з якой сышоў летам 1994 года.[7]
У канцы 1994 года, падчас вандроўкі праз краіну з Нью-Ёрка ў Сіэтл, Безас засноўвае інтэрнэт-магазін Amazon.com, пачатковыя інвестыцыі склалі 300 тысяч долараў. Сайт быў запушчаны 16 ліпеня 1995 года, хоць на той момант ён не быў распрацаваны да канца: напрыклад, на ім можна было замовіць адмоўную колькасць кніг.[8] Безас матываваў гэта неабходнасцю апярэдзіць канкурэнтаў.[7] Кампанія пачыналася як кніжны анлайн-магазін і пашыралася да продажу вялікага асартыменту прадуктаў і сервісаў, уключаючы відэа і аўдыё-трансляцыі. Станам на 2019 год гэта найбуйнейшая ў свеце кампанія ў галіне інтэрнэт-гандлю, а таксама найбуйнейшы ў свеце пастаўнік воблачных паслуг праз «Amazon Web Services». У 1997 годзе кампанія Amazon.com выйшла на IPO. У 1999 годзе амерыканскі часопіс Time назваў Безаса чалавекам года.[9]
Безас пашырыў сферу сваіх бізнес-цікавасцей у 2000 годзе, заснаваўшы аэракасмічную кампанію Blue Origin. Blue Origin пачала тэставыя палёты ў космас у 2015 годзе і на той час планавала пачаць камерцыйныя субарбітальныя палёты з людзьмі ў канцы 2018 года. У 2013 годзе за 250 млн долараў прадпрымальнік набыў амерыканскі выдавецкі дом The Washington Post[5]. Безас кіруе іншымі бізнес-інвестыцыямі праз свой венчурны фонд Bezos Expeditions.
24 лістапада 2017 года стаў самым багатым чалавекам Зямлі з $100,3 млрд. На 10 студзеня 2018 года яго багацце складала $106 млрд. На другім месцы і далей Біл Гейтс ($93,3 млрд), Уорэн Бафет ($87,3 млрд), Марк Цукерберг ($77,3 млрд) і Амансіа Артэга ($76,6 млрд).[10]
Да чэрвеня 2018 года багацце Джэфры Безаса вырасла да $139,6 млрд — ён заняў першы радок у рэйтынгу Bloomberg Billionaires Index. Паводле версіі Forbes у рэйтынгу самых уплывовых людзей свету 2018 года Безас на 5-м месцы.[11]
16 ліпеня 2018 года Джэф Безас узначаліў спіс найбагацейшых людзей свету па версіі агенцтва Bloomberg; паводле якога багацце склала $150 млрд.[12]
Зняўся ў адной са сцэн фільма «Стартрэк: Бясконцасць» у ролі іншапланецяніна.[13]
9 студзеня 2019 года Джэф Безас абвясціў пра развод са сваёй жонкай Макензі Безас пасля 25 гадоў шлюбу. На той момант Джэф Безас быў самым багатым чалавекам у свеце. У красавіку 2019 года развод быў афіцыйна аформлены: Макензі Безас атрымае $37,5 млрд адступных.[14]
Зноскі
- ↑ а б https://www.bizjournals.com/albuquerque/news/2017/10/11/albuquerque-is-jeff-bezos-hometown-but-thats-not.html
- ↑ Person Profile // Internet Movie Database — 1990. Праверана 14 кастрычніка 2015.
- ↑ Jeff (Jeffrey) Bezos // Brockhaus Enzyklopädie
- ↑ https://www.abqjournal.com/1480770/bezos-speaks-of-albuquerque-roots-before-congress.html
- ↑ а б Основатель Amazon купил за 250 млн долларов The Washington Post . Cybersecurity. Архівавана з першакрыніцы 19 жніўня 2013.
- ↑ Jeff Bezos Biography . Архівавана з першакрыніцы 2 сакавіка 2012.
- ↑ а б Jeff Bezos of Amazon: Birth of a Salesman . Архівавана з першакрыніцы 2 сакавіка 2012.
- ↑ Amazon.bomb: How the internet's biggest success story turned sour . The Guardian (27 чэрвеня 2000). Архівавана з першакрыніцы 2 сакавіка 2012.
- ↑ Jeffrey Preston Bezos: 1999 PERSON OF THE YEAR . Time magazine. Архівавана з першакрыніцы 2 сакавіка 2012.
- ↑ "Jeff Bezos's Net Worth Just Broke $100 Billion". Bloomberg.com. 2017-11-24. Праверана 2017-11-25.
- ↑ Forbes — самые влиятельные люди мира 2018 .
- ↑ "Джефф Безос назван самым богатым человеком в современной истории: EADaily". EADaily(руск.). Праверана 2018-07-17.
((cite news))
: no-break space character у|title=
на пазіцыі 45 (даведка) - ↑ Основатель Amazon сыграл инопланетянина в новом «Стартреке» Архівавана (({2))}.
- ↑ @JeffBezos (9 студзеня 2019). Праверана 10 студзеня 2019.
Літаратура
[правіць | правіць зыходнік]- Brad Stone The Everything Store. Джефф Безос и эра Amazon = The Everything Store: Jeff Bezos and the Age of Amazon. — 2014. — 416 с. — 3 000 экз. — ISBN 978-5-389-08286-1.
Спасылкі
[правіць | правіць зыходнік]- Навіна Bloomberg пра багацце Безаса (англ.)
- Артыкул пра Джэфры Безаса ў часопісе Business Excellence. (руск.)
- Джэфры Безас на сайце TED.
- Джэфры Безас інфармацыя з адкрытых крыніц ЗША.
Фота, відэа і аўдыё | ||||
---|---|---|---|---|
Тэматычныя сайты | ||||
Слоўнікі і энцыклапедыі | ||||
Генеалогія і некрапалістыка | ||||
|
Людзі |
| ||||||||||||||
---|---|---|---|---|---|---|---|---|---|---|---|---|---|---|---|
Прадукты і сэрвісы |
| ||||||||||||||
Іншае |
| ||||||||||||||
Штогадовы прыбытак: ▲ $ 24.5 млрд. (2009) · Супрацоўнікаў: 31,200 (2010) · Лістынг на біржы: NASDAQ: AMZN · Вэбсайт: Amazon.com |
Text is available under the CC BY-SA 4.0 license; additional terms may apply.
Images, videos and audio are available under their respective licenses.