Джанкарла Фізікела
Джанкарла Фізікела | |
---|---|
![]() | |
Грамадзянства | |
Дата нараджэння | 14 студзеня 1973 (51 год) |
Месца нараджэння | |
![]() |
Джанкарла Фізікела (італ.: Giancarlo Fisichella, 14 студзеня 1973) — італьянскі аўтагоншчык, вядомы па выступах у чэмпіянаце Формула-1 і гонках на трываласць. Таксама быў уладальнікам аўтагоначнай каманды Fisichella Motor Sport International серыі GP2. Уладальнік Прэміі імя Ларэнца Бандзіні (1998).
Кар’ера
[правіць | правіць зыходнік]Формула-1 (1996—2009)
[правіць | правіць зыходнік]Гонкі на трываласць (2010—ц.ч.)
[правіць | правіць зыходнік]Пасля заканчэння кар’еры ў Формуле-1 з 2010 года стаў удзельнічаць на машынах GT у некалькіх серыях гонак на трываласць: ILMC (цяпер WEC), амерыканскай LMS (цяпер IMSA), серыі Le Mans (цяпер ELMS), а таксама 24 гадзінах Ле-Мана.
У свой першы старт у Ле-Мане, выступаючы за каманду AF Corse разам з Жанам Алезі і Тоні Віландэрам, стаў чацвёртым у класе LMGT2 і 16-м у агульным заліку. З гэтым экіпажам заняў другое месца па выніках сезону серыі Ле-Ман.
У 2011 годзе разам з Джанмарыа Бруні стаў чэмпіёнам серыі Ле-Ман у класе GTE Pro, з пяці гонак выйграўшы дзве і заняўшы яшчэ два подыумы. У Ле-Мане 2011 года заняў другое месца ў класе GTE Pro (13-е месца ў агульным заліку). Сваю першую гонку «12 гадзін Себрынга» скончыў на пятым месцы ў класе GT.
![](https://upload.wikimedia.org/wikipedia/commons/thumb/e/e2/Ferrari_458_GTC_AF_Corse_Le_Mans_2012.jpg/220px-Ferrari_458_GTC_AF_Corse_Le_Mans_2012.jpg)
У 2012 годзе ў Ле-Мане экіпаж перамог у класе GTE Pro. У сезоне WEC 2012 года Фізікела, Бруні і Віландэр пяццю перамогамі і агулам сямю подыумамі забяспечылі камандны тытул у класе GTE Pro. У ЗША выступы былі не такімі ўдалымі: толькі 54 месца на «24 гадзіны Дайтоны» і сход у «12 гадзінах Себрынга».
У сезоне WEC 2013 года разам з Бруні, Віландэрам і Матэа Малючэлі ўдалося абараніць камандны тытул з дзвюма перамогамі і трыма подыумамі, аднак на Ле-Мане сталі толькі шостымі ў класе, а 24 гадзіны Дайтоны скончыліся сходам.
У 2014 годзе разам з Бруні і Малючэлі выступаў у чэмпіянаце IMSA United SportsCar за каманду Risi Competizione ў класе GTLM. З 11 гонак яны двойчы выйгравалі, чатыры разы падымаліся на подыум і занялі 13-е месца ў турнірнай табліцы. У 24 гадзінах Ле-Мана перамог у класе GTE Pro (13-ы ў агульным заліку).
На Ле-Мане 2015 года стаў трэцім у класе GTE Pro, яшчэ двойчы фінішаваў другім — у 2016 у класе GTE Pro і 2018 годзе ў класе GTE Am.
У 2018—2021 гады Фізікела выступаў у экіпажы з Томасам Флорам і Франчэска Кастэлачы ў класе GTE Am.
У сезоне WEC 2022 года перайшоў у каманду Iron Lynx, далучыўшыся да Клаўдзіа Ск’явоні і Матэа Крэсоні[1].
Зноскі
- ↑ Fisichella joins Iron Lynx Ferrari squad for 2022 WEC season (англ.). motorsport.com (16 лютага 2022). Праверана 12 чэрвеня 2022.
Спасылкі
[правіць | правіць зыходнік]- Jan Sergeant. Racing Life after F1: Giancarlo Fisichella (англ.). motorsport.com (26 мая 2020). Праверана 12 чэрвеня 2022.
Text is available under the CC BY-SA 4.0 license; additional terms may apply.
Images, videos and audio are available under their respective licenses.