Георгій Сяргеевіч Скрыпнічэнка
Георгій Скрыпнічэнка. Фота Яўгена Колчава.
Дата нараджэння	12 лістапада 1940(1940-11-12)
Месца нараджэння	Мікалаеў, Мікалаеўскі гарадскі савет[d], Мікалаеўская вобласць, УССР, СССР
Дата смерці	12 жніўня 2015(2015-08-12) (74 гады)
Месца смерці	Мінск, Беларусь
Месца пахавання	Паўночныя могілкі
Грамадзянства	Беларусь
Род дзейнасці	мастак, дзеяч выяўленчага мастацтва
Жанр	пейзаж, партрэт, тэматычная карціна
Вучоба	Мінскае мастацкае вучылішча (1966)
Мастацкі кірунак	сюррэалізм
Вядомыя працы	серыя «Выдатныя дзеячы беларускай культуры» (1979), серыя «Мастакі Айчыне» (1994—1997)
Уплыў	Іосіф Эйдэльман, Альгерд Малішэўскі, Леанід Шчамялёў
Медыяфайлы на Вікісховішчы

Георгій Сяргеевіч Скрыпнічэ́нка^[1] (12 лістапада 1940, Мікалаеў, УССР — 12 жніўня 2015, Мінск) — беларускі мастак.

Нарадзіўся 12 лістапада 1940 года ў Мікалаеве (УССР). У 1966 годзе скончыў Мінскае мастацкае вучылішча. У 1970—1974 гадах працаваў ва Усесаюзным НДІ тэхнічнай эстэтыкі.

Творам уласціва сюррэалістычная скіраванасць. Метафарычнасцю мастацкай мовы, стылізатарскай разнастайнасцю, кампазіцыйнай завершанасцю, колеравай насычанасцю вылучаюцца трыпціхі: «Мірная зямля», «Вобразы мілыя роднага краю» (абодва 1981), карціны «Адчуванне Радзімы» (1969), «Жакей» (1982), «Алегорыя свету» (1984), «Прысвячэнне М. Селяшчуку» (1986), «Экалагічная раўнавага» (1989), «Скарына на Радзіме», «Як справы ў Чарнобылі?» (1990), «Страчаныя мары» (1991), «Смутак» (1990—1995), «Апошнія гульні» (1995), «Памяркоўны», «Час майго жыцця» (абедзве 1996), «Забруджаная зямля» (1997), «Да 200-годдзя А. Міцкевіча» (1998), «Суіснаванне» (1980—2000), «Ланцуг жорсткасці» (2000), «Гальшаны», «Радзіма Ф. Рушчыца — Вішнева, Багданава» (абедзве 2001), серыя «Мастакі Айчыне» (1994—1997). Аўтар графічных работ «Выдатныя дзеячы беларускай культуры» (1979), «Метамарфозы» (паводле твораў В. Дуніна-Марцінкевіча; 1983).

Памёр 12 жніўня 2015 года ў Мінску^[2].

Да гадавіны смерці мастака ў Нацыянальным мастацкім музеі экспанавалася выстаўка «Метамарфозы»^[3].

• Салавей Л. Ф. Скрыпнічэнка Георгій Сяргеевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 474. — 10 000 экз. — ISBN 985-11-0035-8. — ISBN 985-11-0238-5 (т. 14).

• «Гульня ўпоцемках Георгія Скрыпнічэнкі». Інтэрв’ю з мастаком.
• Скрыпнічэнка Георгій Сяргеевіч на сайце анлайн-энцыклапедыі «Беларусь у асобах і падзеях»
• Шаранговіч Н. Гармония веков Архівавана 23 лютага 2022. (руск.) // Нацыянальны мастацкі музей Рэспублікі Беларусь