Галавачы (Ляхавіцкі раён)
Вёска
Галавачы
|
Галавачы́[1] (трансліт.: Halavačy, руск.: Головачи) — вёска ў Ляхавіцкім раёне Брэсцкай вобласці. Уваходзіць у склад Конькаўскага сельсавета.
Гісторыя
[правіць | правіць зыходнік]У 1836 годзе Галавачы — вёска маёнтка Дарава Харунжэўскае Навагрудскага павета Гродзенскай, з 1842 года Мінскай губерні, уласнасць Керсноўскіх, 1 двор, 7 жыхароў. У 1844 годзе ў вёсцы 2 двары, 15 сялян. У 1846 годзе вёска маёнтка Дарава, уласнасць Г. І. Чарноўскага, 5 двароў, 50 жыхароў. У 1897 годзе Дараўскай воласці, 16 двароў, 110 жыхароў. У 1909 годзе — 24 двары, 150 жыхароў.
З 1921 года ў складзе Польшчы, у Дараўскай гміне Баранавіцкага павета Навагрудскага ваяводства, 24 двары, 137 жыхароў (1921).
З 1939 года ў БССР, з 15 студзеня 1940 года ў Ляхавіцкім раёне Баранавіцкай вобласці. З 12 кастрычніка 1940 года ў Федзюкоўскім сельсавеце.
У Вялікую Айчынную вайну з чэрвеня 1941 года да ліпеня 1944 года акупіравана нямецка-фашысцкімі захопнікамі.
З 8 студзеня 1954 года ў Брэсцкай вобласці. У 1959 годзе было 175 жыхароў, у 1970 годзе 127 жыхароў. У 2002 годзе 22 двары, 35 жыхароў, у складзе калгаса «Кастрычнік» (цэнтр — в. Конькі). З 16 сакавіка 1987 года ў Конькаўскім сельсавеце.
Вядомыя асобы
[правіць | правіць зыходнік]- Віктар Антонавіч Малышка (нар. 1936) — Герой Сацыялістычнай Працы
Зноскі
- ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
Літаратура
[правіць | правіць зыходнік]- Галавачы // Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2007. — 608 с.: іл. — 2 000 экз. — ISBN 978-985-11-0388-7. — С. 263.
Спасылкі
[правіць | правіць зыходнік]- На Вікісховішчы пакуль няма медыяфайлаў па тэме, але Вы можаце загрузіць іх
Цэнтр | |
---|---|
Аграгарадкі | |
Вёскі |
Text is available under the CC BY-SA 4.0 license; additional terms may apply.
Images, videos and audio are available under their respective licenses.