Вікепе-тан (яп.: ウィキぺたん) — увасабленне Вікіпедыі у выглядзе персанажа-талісмана.

Вікіпе-тан ніколі не з’яўлялася і не з’яўляецца агульнапрызнаным сімвалам Вікіпедыі (праўда, намінавалася на яго ў 2006 годзе). Стварэнне анімэ-персанажаў (амаль заўсёды — дзяўчат) і іх выкарыстанне ў якасці неафіцыйных сімвалаў праграм і вэб-рэсурсаў — даволі распаўсюджаная з’ява ў сучаснай інтэрнэт-субкультуры Японіі. Так, падобныя персаніфікацыі ёсць ва ўсёй лінейкі аперацыйных сістэм Windows, а таксама ў MS-DOS, OS/2, Linux (так званыя АС-тан), у браўзераў Firefox, Chrome, Internet Explorer, Safari, Opera.

Вікіпе-тан упершыню з’явілася на іміджбордзе (англ.: imageboard, форум для абмену выявамі) Futaba Channel 8 студзеня 2006 года, яе намаляваў японскі вікіпедыст Kasuga^[1]. Першае яе з’яўленне ў самой Вікіпедыі адбылося ў студзені 2006 года, калі малюнак удзельнічаў у конкурсе на афіцыйны талісман Вікіпедыі^[2]. Хоць у конкурсе выйграў маскот Вікіпедзе, былі зроблены новыя выявы з Вікіпе-тан і яна атрымала вядомасць. У 2007 годзе заснавальнік Вікіпедыі Джымі Вэйлз назваў Вікіпе-тан сімвалам супольнасці Вікіпедыя^[3], хоць з тых часоў ён адзначыў, што асабіста яму не падабаецца гэты маскот^[4].

У чэрвені 2006 года Вікіпе-тан стала афіцыйным талісманам англамоўнага Вікіпраекта па анімэ і манге, пасля таго як папярэдні талісман (фанарт-малюнак Мідоры Касугана з анімэ-серыяла «Midori Days») быў выдалены з Вікісховішча з-за праблем з аўтарскімі правамі. Пасля гэтага персанаж атрымаў пэўнае распаўсюджванне сярод карыстальнікаў MediaWiki.

Карыстальнікі браўзэра Firefox могуць выкарыстоўваць userChrome.css, каб дадаць Вікіпэ-тан ў свае браўзэры.

Дзве дзяўчыны-касплееры, якія адлюстроўвалі Вікіпе-тан, былі заўважаныя на выставе косплея ва Універсітэце Ганконга. Адна з іх дала інтэрв’ю часопісу Hong Kong Easy Finder; у інтэрв’ю яна зрабіла ілжывае сцвярджэнне, што аўтар Вікіпе-тан Kasuga і нарвежскі «адміністратар» GunnarRene прапанавалі ёй стаць персаніфікацыяй Вікіпе-тан ў рэальным жыцці^[5][6]. Затым ганконская газета Apple Daily пагоршыла памылку, паведаміўшы, што гэтая дзяўчына стала прадстаўніком Вікіпедыі^[7].

У сакавіку 2007 года Міністэрства замежных спраў Швецыі апублікавала артыкул^[8] пра японскую мангу і анімэ, выкарыстоўваючы тэкст з артыкула шведскай Вікіпедыі і малюнак Вікіпе-тан ўдзельніка Kasuga ў парушэнне Ліцэнзіі GFDL. Шведскія СМІ паведамілі пра гэта парушэнне ў красавіку^[9], і ў лістападзе 2010 канцлер юстыцыі пастанавіў, што гэта было парушэнне аўтарскіх правоў^[10].

• 
  Адзін з першых (чорна-белых) малюнкаў Вікіпе-тан, датаваны 18 студзеня 2006 года
• 
  «Шоу сокпапетаў» — магчыма, намёк на віртуалаў
• 
  Верагодная, намёк на тое, што Вікіпедыя павінна падтрымлівацца ўзнёскамі дабраахвотнікаў...
• 
  ... і што іх гадзінам не хапае
• 
  Вікіпе-тан у колеры
• 
  Тое ж, анфас
• 
  «Ёй патрэбна ваша дапамога!», каляравая версія
• 
  Персаніфікацыя значка адміністратара Вікіпедыі
• 
  Персанаіфікацыя «сокпапетаў» (віртуалаў) у Вікіпедыі
• 
  «Тролбат-тан», намаляваная ў адрас на жартоўную спробу перайменаваць персанажа ў чэрвені 2006 года
• 
  Вавілонская бібліятэка
• 
  Вікіпе-тан з падарункам
• 
  Вікіпе-тан з валянцінкай
• 
  Вікіпе-тан з гваздзікай (малюнак да Дня маці)
• 
  Вікіпе-тан з сёстрамі, якія ўвасабляюць Вікісховішча і Вікіцытатнік
• 
  Дарослая Вікіпе-тан
• 
  Тры ўзросты Вікіпе-тан
• 
  Вікіпе-тан з таблічкай
• 
  «Не называйце Вікіпедыю Вікі!»
• 
  Вікіпе-тан у японскай школьнай форме
• 
  Вікіпе-тан у паўсядзённым адзенні
• 
  Вікіпе-тан у школьным купальніке
• 
  Вікіпе-тан у бікіні
• 
  Вікіпе-тан з неко-ушамі і хвастом
• 
  У адзенні гатычнай лаліты
• 
  У ваенна-марской уніформе
• 
  У вобразе «чалавек у чорным»
• 
  У вобразе міка
• 
  У касцюме Санта-Клауса
• 
  У аазае
• 
  У вобразе Клеапатры
• 
  У адзенні трэнера
• 
  У філіпінскай сукенцы «баро’т сая»
• 
  У хэлаўінсім адзенні
• 
  У вобразе вядзьмаркі з RPG
• 
  Малюнак 2014 года
• 
  Піксельная цібі-версія Вікіпе-тан

• 
  Вікіпе-тан на пляжы
  
  (ад 陈少举)
• 
  Трохвымерная мадэль Вікіпе-тан ад FUSHIMI-DOLLS
• 
  Вікіпе-тан на вокладцы DVD
• 
  Вікіпе-тан у візуальнай навеле
• 
  Тое ж самае
• 
  The End of Wikipedia (пародыя на постар «Канца Евангеліёна»)
• 
  Вікіпе-тан як стаб
• 
  Піксель-арт (ад Cpro)
• 
  Вікіпе-тан у хіджабе
• 
  Вікіпе-тан ва ўкраінскім нацыянальным адзенні
• 
  Тое ж
• 
  Малюнак ад SigurdHosenfeld
• 
  Малюнак ад Cpro
• 
  Вікіпе-тан на Капсуле часу (ат Печальный демон)