Аграгарадок Высокае Краіна Беларусь Вобласць Віцебская Раён Аршанскі Сельсавет Высокаўскі Каардынаты 54°38′ пн. ш. 30°27′ у. д.HGЯO Насельніцтва ▼224 чал. (2009) Часавы пояс UTC+3 Тэлефонны код +375 216[1] Паштовы індэкс 211024[2] Аўтамабільны код 2 СААТА 2236811021 Высокае на карце Беларусі ±

Высокае на Вікісховішчы

Высо́кае^[3] (трансліт.: Vysokaje, руск.: Высокое) — аграгарадок у Аршанскім раёне Віцебскай вобласці, за 10 км на поўнач ад Оршы, каля ракі Аршыца. Уваходзіць у склад Высокаўскага сельсавета.

У 1645 годзе згадваецца як маёнтак у Аршанскім павеце Вялікага Княства Літоўскага^[4]. У 19 — пач. 20 стст. цэнтр воласці Аршанскага павета. Побач знаходзіўся фальварак Высокае, які належаў Ронікерам. Дзейнічалі папяровая фабрыка, цукровы, медзеплавільны, вапнавы, шкляны, вінакурны і сіропны заводы, млын, карчма, існавалі бальніцы, хлебазапасны магазін, праваслаўная царква. У 1867 г. адкрыта земскае народнае вучылішча. У 1883 г. у ім вучыліся 40 хлопчыкаў і 2 дзяўчынкі. У пачатку 20 ст. тут пабудавана панская сядзіба. У цэнтры сядзібы быў размешчаны аднапавярховы драўляны жылы дом з двухпавярховай драўлянай прыбудовай. Паблізу дома знаходзіліся два аднапавярховыя флігелі: адзін мураваны, другі драўляны. Вакол дома і флігеляў быў разбіты пейзажны парк з сажалкай. Яго заснавальнік Макшыцкі прывёз з розных краін і пасадзіў тут шмат дрэваў і кустоў. Да нашага часу захавалася каля 150 іх відаў.

У 1910 г. налічвалася 92 двары, 623 жыхары. Сялу належала 20 дзесяцін лесу, 813 дзесяцін зямлі. Пасля рэвалюцыі адкрыты саўгас «Высокае», адкрыты народны дом, хата-чытальня, бібліятэка, земскае вучылішча, якое пазней ператворана ў працоўную школу першай ступені. У 1923 г. там вучылася каля 80 дзяцей.

У 1928 г. у былой панскай сядзібе адбыўся першы з’езд Камуністычнай партыі Заходняй Беларусі. Падчас Другой сусветнай вайны ў наваколлі дзейнічала партызанская брыгада «Граза», у Высокім — падпольная група (кіраўнік — Пахомчык П. А.).

На 1 студзеня 1970 г. у Высокім налічвалася 220 двароў, 1190 жыхароў.

У вёсцы размешчаны механічныя майстэрні, сярэдняя школа, яслі-сад, сельскае прафтэхвучылішча, сталовая, ветэрынарны пункт, аддзяленне сувязі, ашчадная каса, комплексны прыёмны пункт бытавога абслугоўвання.

Праз вёску праходзяць рэспубліканская аўтадарога Віцебск—Орша Р87 і аўтамагістраль Санкт-Пецярбург—Адэса E95 (у межах Беларусі — магістраль М8). На поўдзень ад Высокага праходзіць аўтамагістраль Корк—Омск E30 (у межах Беларусі — магістраль М1).

• Ільінская царква (1913—1917) —  Гісторыка-культурная каштоўнасць Беларусі, шыфр 213Г000129шыфр 213Г000129
• Сядзібна-паркавы ансамбль Макшыцкіх — помнік сядзібна-паркавай архітэктуры неакласіцызму, створаны на мяжы XIX—XX стст. —  Гісторыка-культурная каштоўнасць Беларусі, шыфр 213Д000901шыфр 213Д000901
• Помнік К. С. Заслонаву
• Брацкая магіла савецкіх воінаў і партызан, якія загінулі ў Вялікую Айчынную вайну (1941—1944) —  Гісторыка-культурная каштоўнасць Беларусі, шыфр 213Д000130шыфр 213Д000130

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).
• 20.) Wysokie, pow. orszański, dziedzictwo Ronikierów // Słownik geograficzny Królestwa Polskiego i innych krajów słowiańskich. Tom XIV: Worowo — Żyżyn (польск.). — Warszawa, 1895. — S. 133.

• На Вікісховішчы ёсць медыяфайлы па тэме Высокае (аграгарадок, Аршанскі раён)
• Высокае (аграгарадок, Аршанскі раён) на сайце Глобус Беларусі (руск.)
• Высокое. Усадебно-парковый ансамбль Макшицких (руск.)
• Сайт Дзяржаўнай ўстановы адукацыі «Высокаўская сярэдняя школа Аршанскага раёна» Архівавана 3 ліпеня 2014.

Высокаўскі сельсавет
Цэнтр	Высокае
Пасёлкі	Высокае Хлусава
Вёскі	Абухава Барсукі Вусы Вялікае Бабіна Грышаны Дзевіна Замасточча Іванькова Клюкаўка Купёлка Людкаўшчына Малое Бабіна Пісаршчына Сармацк Сафіёўка Селішча Селякта Сімахі Сядрычына Чапеліна