Вокарухальны нерв — 3-я пара чэрапнамазгавых нерваў. Валокны, якія складаюць яго, з'яўляюцца атожылкамі клетак, якія ляжаць у ядрах сярэдняга мозгу. Рухальнае ядро размешчана на ўзроўні верхняга двухбугорыя ў рэчыве мозгу, паблізу ад яго - вегетатыўнае ядро. Нервовыя валокны выходзяць з мазгавога ствала на ўнутраныя паверхні ножак мозгу і ўтвараюць параўнальна буйны нерв, які ідзе наперад у вонкавай сценцы кавернознага сінуса. Па шляху да яго далучаюцца нервовыя валокны сімпатычнага спляцення унутранай соннай артэрыі. Вокарухальны нерв праходзіць праз верхнюю вачніцавую шчыліну ў вачніцу, дзе дзеліцца на меншую верхнюю галіну, якая інервуе верхнюю прамую цягліцу вока і мышцу, якая ўздымае верхняе павека, і ніжнюю галіну, якая змяшчае рухальныя валокны для медыяльнай і ніжняй прамой і ніжняй касой мышц вока. Ад ніжняй галіны аддзяляецца нервовы пучок, які змяшчае вегетатыўныя парасімпатычныя валокны, які ідзе да вейкавага вузла, размешчанага паміж глядзельным нервам і латэральнай прамой цягліцай вока. Ад клетак вузла пачынаюцца парасімпатычныя валокны, якія інервуюць гладкія мышцы цыліярнага цела (функцыя акамадацыі вока) і радужкі (цягліца, якая звужае зрэнкі).

Чарапныя нервы
I пара	Нюхальны нерв (лац.: Nervus olfactorius)
II пара	Глядзельны нерв (лац.: Nervus opticus)
III пара	Вокарухальны нерв (лац.: Nervus oculomotorius)
IV пара	Блокавы нерв (лац.: Nervus trochlearis)
V пара	Трайчасты нерв (лац.: Nervus trigeminus)
VI пара	Адводны нерв (лац.: Nervus abducens)
VII пара	Нерв твару (лац.: Nervus facialis)
VIII пара	Пераддзверна-ўліткавы нерв (лац.: Nervus vestibulocochlearis)
IX пара	Языкаглотачны нерв (лац.: Nervus glossopharyngeus)
X пара	Блукаючы нерв (лац.: Nervus vagus)
XI пара	Дадатковы нерв (лац.: Nervus accessorius)
XII пара	Пад'язычны нерв (лац.: Nervus hypoglossus)