Вандомская калона
Славутасць | |
Вандомская калона | |
---|---|
![]() | |
48°52′03″ пн. ш. 2°19′46″ у. д.HGЯO | |
Краіна | |
Месцазнаходжанне | |
Архітэктар | Жан-Батыст Лепер[d] і Жак Гандуан[d] |
Дата заснавання | 1800-я |
Вышыня | 44,3 м |
Матэрыял | бронза |
![]() |
Вандомская калона[2] (фр.: Colonne Vendôme) на Вандомскай плошчы (фр.: Place Vendôme) у 1-ай муніцыпальнай акрузе Парыжa ў гонар перамогі Напалеона I пад Аўстэрліцам.
Гісторыя
[правіць | правіць зыходнік]Калона, адлітая з аўстрыйскіх і рускіх гармат на ўзор калоны Траяна па жаданні Напалеона ў 1807 г., са статуяй імператара і 76 скульптурнымі рэльефамі працы мастака Давіда па эскізах Бержэрэ была ўсталяваная на месцы бронзавай статуі Людовіка XIV працы скульптара Жырардо, які прастаяў там роўна сто гадоў з 12 жніўня 1692 года па 12 жніўня 1792.
Вышыня калоны 44 м, наверсе знаходзіцца статуя Напалеона I. Гэта ўжо трэцяя статуя, якая ўпрыгожвае калону. Пасля ўзяцця саюзнікамі Парыжа ў 1814 першая статуя Напалеона была знятая і заменена на белы сцяг Бурбонаў з лілеямі. У 1818 яе расплавілі і зрабілі статую Генрыха IV на Новым мосце. У 1833 Луі-Філіп I загадаў зрабіць новую статую Напалеона і ўзняць яе на калону. У 1850-я гады Напалеон III, асцерагаючыся, што высокамастацкая статуя можа пацярпець ад непагадзі, распарадзіўся зняць яе і выставіць у Доме Інвалідаў ля грабніцы Напалеона I, а для калоны зрабіць копію.
Зноскі
- ↑ а б base Mérimée — ministère de la Culture, 1978.
- ↑ Літ.: БЭ ў 18 тамах. Т.3., Мн., 1996, С.501.
Text is available under the CC BY-SA 4.0 license; additional terms may apply.
Images, videos and audio are available under their respective licenses.