Бібліятэка герцага Аўгуста
| Бібліятэка герцага Аўгуста ням.: Herzog August Bibliothek | |
|---|---|
 | |
| Краіна | |
| Адрас | Вольфенбютэль, Германія |
| Заснавана | 1572 |
| Код ISIL | DE-23 |
| Фонд | |
| Аб'ём фонду | каля 1 млн (у тым ліку 12 тыс. рукапісаў ад антычнасці да Сярэднявечча, 5 тыс. кніг эпохі пачатку кнігадрукавання, 1 тыс. марскіх і сухапутных карт, 40 тыс. партрэтаў) |
| Іншая інфармацыя | |
| Дырэктар | Helwig Schmidt-Glintzer[d] і Peter Burschel[d] |
| Супрацоўнікі |
|
| Вэб-сайт | www.hab.de |
 Медыяфайлы на Вікісховішчы | |
Бібліятэка герцага Аўгуста (ням.: Herzog August Bibliothek) — гістарычная бібліятэка ў нямецкім горадзе Вольфенбютэль (зямля Ніжняя Саксонія, Германія). Першапачаткова — збор кніг асвечанага герцага Аўгуста Браўншвайг-Вольфенбютэльскага, які стаў публічным пасля яго смерці ў 1666 годзе.
Герцаг Аўгуст быў заўзятым бібліяфілам. Ён збіраў кнігі з дзяцінства; яго агенты ездзілі па Еўропе, адусюль прывозячы кнігі і рукапісы. Свае бібліятэчныя багацці ён размяшчаў у прыстасаваным для гэтых мэт будынку былой стайні, якая размяшчалася непадалёк ад Вольфенбютэльскага замка. Пры ім пачалося складанне каталога, і з 7 200 яго старонак (шэсць фаліянтаў) ён уласнаручна запоўніў больш за палову. Гадзіны, праведзеныя ім за чытаннем кніг, забываючы пра ежу і сон, ён лічыў лепшымі ў сваім жыцці. За час свайго жыцця ён сабраў такую колькасць кніг, якая стала называцца «восьмым цудам свету». Многія навукоўцы Еўропы імкнуліся папрацаваць у гэтай бібліятэцы. Калі герцаг сканаў, у вольфенбютэльскім зборы Bibliotheka Augusta налічвалася 134 000 адзінак захоўвання.
Пры сыне герцага Аўгуста — Антоне Ульрыху захавальнікам бібліятэкі быў запрошаны Готфрыд Вільгельм Лейбніц (1690—1716), а яе фонды істотна ўзбагаціліся. Непадалёк ад замка захаваўся дом іншага куратара бібліятэкі — Г. Э. Лесінга.
Будынак, дзе размяшчаецца бібліятэка, быў узведзены ў 1887 годзе на месцы ратонды 1705—1710 гадоў, у праектаванні якой браў удзел Лейбніц.
У пачатку XXI стагоддзя ў фондах бібліятэкі налічваецца каля мільёна найменняў кніг, у тым ліку 12 000 рукапісаў за час ад антычнасці да Сярэднявечча, 5 000 кніг эпохі пачатку кнігадрукавання, і тысячы марскіх і сухапутных карт.
У спецыяльным памяшканні захоўваецца збор глобусаў зямлі і неба. Калекцыя партрэтаў налічвае 40 000 асобнікаў (астатнія мастацкія скарбы Вельфаў захоўваюцца ў Музеі герцага Антона Ульрыха ў Браўншвайгу).
Найбольш каштоўныя рукапісы і кнігі
[правіць | правіць зыходнік]- Кліменціны (II ці III стагоддзе) — хрысціянскі грэчаскі раман, выключна рэдкі помнік апокрыфічнай літаратуры ранняга хрысціянства
- Вольфенбютэльскі кодэкс (VI стагоддзе) — рэдкі ўзор рукапісу Гоцкай Бібліі
- Вольфенбютэльскі кодэкс A (4 евангеллі; VI стагоддзе)
- Вольфенбютэльскі кодэкс B (евангеллі паводле Лукі і Яна; V стагоддзе)
- Капітулярый пра маёнткі (каля 800 года) — інструкцыя Карла Вялікага па кіраванні каралеўскімі маёнткамі
- Вольфенбютэльскія аналы (пачатак IX стагоддзя)
- Cod. Guelf. 334 Gud. lat. (каля 1100 г.) — ілюмінаваны рукапіс, які змяшчае ўсе працы Гвіда Арэцінскага
- Евангелле Генрыха Льва (XII стагоддзе)
- Саксонскае зярцала (1221—1225 гады) — найстарэйшы прававы зборнік Германіі, складзены суддзёй (шэфенам) Эйке фон Рэпкавым
- Вялікая кніга арганума (XIII стагоддзе) — два нотныя рукапісы, якія змяшчаюць рэпертуар парыжскай школы Нотр-Дам (найстаражытны слой — другая палова XII ст.)
- 9 кніг з Бібліятэкі Корвіна
Літаратура
[правіць | правіць зыходнік]- Izabella Gavin, Dieter Schulze. Brunschwig und Umgebung. Bremen: Edition Temmen, 2002. ISBN 3-86108-491-0
Спасылкі
[правіць | правіць зыходнік]
На Вікісховішчы ёсць медыяфайлы па тэме Бібліятэка герцага Аўгуста- Афіцыйны сайт
Фота, відэа і аўдыё | ||||
|---|---|---|---|---|
| Слоўнікі і энцыклапедыі | ||||
| ||||
- ↑ Corpus of Baroque Ceiling Painting in Germany
Text is available under the CC BY-SA 4.0 license; additional terms may apply.
Images, videos and audio are available under their respective licenses.
