Будынак аўстрыйскага парламента ў Вене (ням.: Hohes Haus, раней Reichsratsgebäude) — будынак, у якім з 1918 года да сённяшняга дня засядаюць нацыянальны і федэральны саветы парламента Аўстрыі. Да гэтага часу ў будынку размяшчалася Палата дэпутатаў двуадзінай манархіі Аўстра-Венгрыі.

Будынак парламента знаходзіцца на вуліцы Рынгштрасэ, у венскім раёне Унутраны горад побач з палацавым комплексам Хофбург. Адкрыты для наведвання турыстаў.

Будынак быў пабудаваны ў 1874—1883 гадах у стылі неагрэк па праекце архітэктара Тэафіла фон Хансена. Нягледзячы на моцныя разбурэнні ў перыяд Другой сусветнай вайны, вялікая частка арыгінальнага інтэр'ера была адноўленая пры рэстаўрацыі ў 1955—1956 гадах.

Будынак парламента займае плошчу больш за 13 500 м². Ён змяшчае больш за 100 пакояў, самымі важнымі з якіх з'яўляюцца палаты Нацыянальнага Савета, Федэральнага Савета і ранейшай імперскай Палаты прадстаўнікоў (Abgeordnetenhaus). У будынку таксама размешчаны шматлікія перагаворныя пакоі, бібліятэкі, лобі, гасціныя, бары і спартыўныя пакоі. У гэтым будынку праходзяць розныя важныя дзяржаўныя цырымоніі, у асаблівасці цырымонія прыняцця прысягі прэзідэнта Аўстрыі і штогадовая афіцыйная размова на Нацыянальнае свята 26 кастрычніка.

Найбольш вядомай славутасцю будынка з'яўляецца скульптурная кампазіцыя Афіны-Палады з фантанам, створаная паміж 1893 і 1902 годам скульптарамі Карлам Кундманам , Джозэфам Тотэнхайнам і Х'юга Хэрдльтам. Чатыры постаці, якія ляжаць ля ног Афіны, з'яўляюцца алегарычным прадстаўленнем чатырох найбольш важных рэк Аўстра-Венгерскай імперыі: Дунай і Ін спераду, Эльба і Влтава ззаду. Па баках размешчаны купідоны на дэльфінах. Жаночыя статуі, размешчаныя вышэй, уяўляюць заканадаўчыя і выканаўчыя органы ўлады. Вышэй за ўсіх размешчана Афіна, багіні мудрасці, апранутая ў браню з пазалочаным шлемам, яе левая рука трымае дзіду, правая - Ніку.

	Будынак аўстрыйскага парламента на Вікісховішчы

• Афіцыйны сайт парламента (ням.), (англ.)
• http://www.parlament.gv.at/EN/BE/PGEB/RUNDGANG/show.psp?P_TEXT=1 Архівавана 23 кастрычніка 2008.
• Венскі парламент на Nice-places.com

Славутасці Вены
Раёны і кварталы	Унутраны горад
Вуліцы, плошчы і бульвары	Рынгштрасэ Грабен Кольмаркт Кернтнерштрасэ Штэфансплац Карлсплац Шварцэнбергплац Хельдэнплац Ам-Гоф Ноер-Маркт Шток-Ім-Айзэн-Плац Шэнлатэрнгасэ Фляйшмаркт
Палацы і сядзібы	Амаліенбург Бельведэр Шонбрун Гофбург Палац Ліхтэнштэйнаў Гарадскі палац Ліхтэнштэйнаў Палац Тадэска Палац Ферстэля Палац Палавічыні
Грамадскія будынкі і збудаванні	Ратуша Дом сецэсіона Дом Хундэртвасэра Дунайская вежа Парламент Карл-Маркс-Гоф Фрайунг-Пасаж Венская дзяржаўная опера Арсенал
Музеі і помнікі	Музеўмскварцір Акадэмія выяўленчых мастацтваў Галерэя Альберціна Галерэя Бельведэр Кайзергруфт Музей Леапольда Музей прыродазнаўства Музей гісторыі мастацтваў Скарбніца Дом сецэсіёна Выстава Сальвадора Далі Ваенна-гістарычны музей Музей Зігмунда Фрэйда Дом Моцарта Чумная калона
Манастыры, саборы і храмы	Сабор Святога Стэфана Капуцынэркірхэ Карлскірхэ Рупрэхтскірхэ Шатландскі манастыр Царква Ам-Штайнгоф Міхаэлеркірхэ Аўгусцінеркірхэ Воціўкірхэ Мальтыйская царква Марыя ам Гештадэ
Кафэ, рэстараны, вар’етэ	Атэль «Захер» Кафэ «Доммаер» Кафэ «Музеўм» Кафэ «Моцарт» Кафэ «Фіакр» Кафэ «Цэнтраль» Кафэ «Меланж» Кафэ «Дэмэль» Кафэ «Ландтман»
Сады і паркі	Батанічны сад Пратэр Лайнцэр Тыргартэн Цэнтральныя могілкі Донаўінзэль Могілкі Святога Марка