Славутасць
Браўншвайгскі сабор
52°15′51″ пн. ш. 10°31′27″ у. д.HGЯO
Краіна	Германія
Месцазнаходжанне	Браўншвайг[1]
Канфесія	лютэранства
Епархія	Evangelical Lutheran Church in Brunswick[d]
Архітэктурны стыль	раманскі стыль
Заснавальнік	Генрых Леў
Дата заснавання	1173
Сайт	braunschweigerdom.de
Медыяфайлы на Вікісховішчы

Браўншвайгскі сабор (ням.: Braunschweiger Dom) — лютэранскі сабор нямецкага горада Браўншвайга.

Сабор быў закладзены як калегіяцкая царква ў 1173 годзе герцагам Баварыі і Саксоніі Генрыхам Львом, прысвечаны Святому Уласію і Іаану Хрысціцелю і бфў прызначаны стаць месцам апошняга спачыну самога герцага і яго жонкі Мацільды Англійскай. Узвядзенне храма пачалося пасля вяртання Генрыха Льва з паломніцкай паездкі ў Святую зямлю. У 1188 годзе прайшло асвячэнне захаванага дагэтуль алтара Дзевы Марыі, мяркуецца, што ў гэты ж час была ўзведзена ўсходняя частка будынка. У 1189 годзе ў яшчэ недабудаваным храме была пахавана другая жонка Генрыха Мацільда. Генрых Леў быў пахаваны ў царкве побач з ёй у 1195 годзе. Асвячэнне царквы адбылося 29 снежня 1226 года, і трэцім яе заступнікам стаў Томас Бекет. Царква стала называцца саборам у XIV—XV стагоддзях з-за наяўнасці епіскапальнай кафедры, а з-за прыналежнасці да кляштара.

У вялікай крыпце Браўншвайгскага сабора знаходзіцца пахавальня Вельфаў браўншвайгскай лініі. У прыватнасці ў ёй пахаваны:

• Гертруда (пам. 1077), маркграфіня
• Эгберт II Мейсенскі (пам. 1090), маркграф
• Гертруда II Браўншвайгская, сястра Эгберта
• Генрых Леў (1129—1195), герцаг Саксоніі і Баварыі,
• Мацільда Плантагенет (1157—1189), другая жонка Генрыха Льва, дачка англійскага караля Генрыха II
• Фердынанд Альбрэхт I Браўншвайг-Вольфенбютэль-Бевернскі (1636—1687)
• Крысціна Гесэн-Эшвегская (1648—1702), жонка Фердынанда Альбрэхта I
• Аўгуст Фердынанд Браўншвайг-Вольфенбютэль-Бевернскі (1677—1704)
• Фердынанд Альбрэхт II Браўншвайг-Вольфенбютэльскі (1680—1735)
• Антуанэта Амалія Браўншвайг-Вольфенбютэльская (1696—1762), дачка Людвіга Рудольфа Браўншвайг-Вольфенбютэльскага
• Карл I Браўншвайг-Вольфенбютэльскі (1713—1780)
• Філіпіна Шарлота Пруская (1716—1801), сястра Фрыдрыха Вялікага
• Карл Вільгельм Фердынанд, герцаг Браўншвайгскі (1735—1806)
• Караліна Браўншвайгская (1768—1821), жонка караля Вялікабрытаніі Георга IV
• Фрыдрых Вільгельм Браўншвайг-Вольфенбютэльскі (1771—1815), «чорны герцаг», загінуў у бітве пры Катр-Бра
• Вільгельм Браўншвайгскі (1806—1884)
• Людвіг Эрнст Браўншвайг-Вольфенбютэльскі (1718—1788)
• Фердынанд, прынц Браўншвайгскі (1721—1792) і інш.
• Фрыдрых Франц Браўншвайг-Вольфенбютэльскі (1732—1758)

Побач з саборам на плошчы ўсталявана бронзавая фігура Браўншвайгскага льва — сімвала горада Браўншвайга.

• На Вікісховішчы ёсць медыяфайлы па тэме Браўншвайгскі сабор