Браніслаў Багатырэвіч
польск.: Bronisław Bohatyrewicz
герб Астоя
Нараджэнне	24 лютага 1870(1870-02-24) ці 24 красавіка 1870(1870-04-24) Грандзічы, Гродна
Смерць	6 красавіка 1940(1940-04-06) Катынь, Смаленскі раён, Смаленская вобласць, РСФСР, СССР
Род	Багатырэвічы
Бацька	Казімір Багатырэвіч
Маці	Марыя з Каваліцкіх
Дзеці	Віктар, Казімір
Веравызнанне	каталік
Адукацыя	Віленскае ваеннае вучылішча[d]
Ваенная служба
Прыналежнасць	Расійская імперыя
Род войскаў	пяхота Другой Польскай Рэспублікі[d]
Званне	брыгадны генерал
Бітвы	Першая сусветная вайна польска-савецкая вайна
Узнагароды
Медыяфайлы на Вікісховішчы

Браніслаў Багатырэвіч (польск.: Bronisław Bohatyrewicz; герба Астоя (1870, Гродна — 1940, Катынь) — беларуска-польскі ваенны, адзін з двух ідэнтыфікафаных генералаў войска польскага, якія былі забіты падчас катынскага расстрэлу.

Нарадзіўся 24 лютага ці 24 красавіка 1870 года ў Гродне ў шляхецкай сям’і. Служыў у царскай арміі, атрымаў афіцэрскі тытул. У верасні 1918 года далучыўся да польскага войска, у 1918—1919 гадах кіраваў аддзелам мясцовай самаабароны ў Гродне, які потым быў перафарміраваны ў беларуска-літоўскую пяхотную дывізію.

У 1919 годзе ён узначаліў 81-ы пяхотны полк. Пасля заканчэння польска-савецкай вайны прайшоў навучанне ў Вышэйшай ваеннай школе ў Варшаве. Паміж 1923 і 1926 гадамі кіраваў пяхотай у 18-й польскай пяхотнай дывізіі, а ў 1927 годзе быў падвышаны да брыгаднага генерала і адышоў ад актыўнай вайсковай службы.

Пасля савецкага нападу на Польшчу ў 1939 годзе арыштаваны органамі НКУС і вывезены ў Казельск на тэрыторыі СССР.

Увесну 1940 года расстраляны ў Катыні разам з некалькімі тысячамі польскіх афіцэраў і генералам Мечыславам Смаравіньскім. Цела Багатырэвіча было знойдзена немцамі ў 1943 годзе падчас эксгумацыі на месцы расстрэлу.

• Сярэбраны крыж ордэна «Virtuti Militari» (№ 6843)
• Крыж Храбрых— чатырохразова
• Сярэбраны крыж Заслугі

• На Вікісховішчы ёсць медыяфайлы па тэме Браніслаў Багатырэвіч