Бойніцы
Горад
Бойніцы
Bojnice
| ||||||||||||||||||||||||||||||||||
Бо́йніцы (славацк.: Bojnice, венг.: Bajmóc, ням.: Weinitz) — горад у цэнтральнай Славакіі ў верхавінах ракі Нітра, побач з Пр’евідзай. Насельніцтва — 4983 чалавекі (2005). Бойніцы добра вядомыя турыстычнымі славутасцямі: найстарэйшым заапаркам у Славакіі, найбольш наведваным замкам і адным з найстарэйшых курортаў у Славакіі.
Бойніцкі замак, які стаіць па-над горадам, пабудаваны на траверцінавай скале з натуральнай пячорай. У замку здымаліся шматлікія міжнародныя фільмы, і штогод у ім ладзіцца міжнародны фестываль прывідаў.
Геаграфія
[правіць | правіць зыходнік]Бойніцы знаходзяцца ў верхнім цячэнні ракі Нітра, пад Стражаўскімі гарамі. Іх блізкасць да Пр’евідзы (4 км) дазваляе мець супольную транспартную сістэму. Сярод іншых найбольшых гарадоў — Жыліна (60 км на поўнач) і Трэнчын (65 км на захад).
Гісторыя
[правіць | правіць зыходнік]Першыя пісьмовыя згадкі пра Бойніцы датаваныя 1113 годам, калі ў Зобарскіх актах згаданы Бойніцкі замак і яго ваколіцы. Акты пішуць і пра будаўніцтва фары. Пад 1244 сустракаюцца дакументаваныя згадкі пра касцёл, што пацвярджае палажэнне горада як цэнтру рэлігійнага жыцця Верхняй Нітры. У 1366 годзе кароль Людовік I надаў Бойніцам гарадскія прывілеі.
У Сярэднявеччы дзеля абароны горада Турзоны і Пальфі ўзвялі вакол Бойніцаў абарончы мур, скончаны ў 1663 годзе. Значэнне Бойніцаў павысіла і пабудова Каралеўскага тракту з Вены да Сяміграддзя. З 1613 да 1823 года Бойніцы былі адной з паштовых станцый на гэтым тракце.
Развіццё гандлю і рамёстваў стала прычынай утварэння цэхаў, з якіх у 1653 згаданыя цэх шаўцоў, муляраў, сапожнікаў, краўцоў, ткачоў, маляроў, гарбароў і бандароў. На чале горада стаяў рыхтар з 12 сенатарамі, яму дапамагаў пісар і гайдук.
Да 1872 Бойніцы былі гаспадарчым, адміністрацыйным і ваенным цэнтрам рэгіёна; з пачатку XX стагоддзя гэтая роля перайшла да Пр’евідзы. Гарадскія правы былі вернуты ў 1966 годзе.
Насельніцтва
[правіць | правіць зыходнік]Паводле перапісу 2001 года, у горадзе пражывала 5006 чалавек. Нацыянальны склад выглядае наступным чынам:
Паводле рэлігійнага складу:
Славутасці
[правіць | правіць зыходнік]![](https://upload.wikimedia.org/wikipedia/commons/thumb/1/1b/Slovakia_Bojnice_Castle_2004_hires.jpg/300px-Slovakia_Bojnice_Castle_2004_hires.jpg)
- Бойніцкі замак XI стагоддзя, зняты ў мностве фільмаў і серыялаў, штогод у ім ладзіцца Фестываль прывідаў і жахаў
- Касцёл Святога Марціна XIV стагоддзя, першапачаткова гатычны, з цікавым барочным інтэр’ерам
- барочная капліца Святога Яна Непамуцкага XVI стагоддзя
- рэнесансныя і барочныя жылыя дамы на плошчы
- Бойніцкі заапарк, найбуйнейшы ў Славакіі
- Ліпа караля Мацея, 700-гадовая вялікалістная ліпа, адно з найстарэйшых дрэваў у Славакіі[1].
- Пячоры
Гарады-пабрацімы
[правіць | правіць зыходнік]Зноскі
- ↑ Bojnická lipa (славацк.)(недаступная спасылка). Katalóg chránených stromov (9 мая 2013). Архівавана з першакрыніцы 12 лютага 2012. Праверана 26 кастрычніка 2014.
Спасылкі
[правіць | правіць зыходнік]На Вікісховішчы ёсць медыяфайлы па тэме Бойніцы
- Афіцыйная старонка (славацк.) (ням.) (англ.)
- Бойніцкі замак (славацк.) (англ.) (ням.)
- Бойніцкі курорт (славацк.) (ням.) (англ.) (руск.)
- Фотаздымкі Бойніцаў
Text is available under the CC BY-SA 4.0 license; additional terms may apply.
Images, videos and audio are available under their respective licenses.