| Баршчэўнік звычайны |
 |
| Навуковая класіфікацыя |
|---|
|
|
| Міжнародная навуковая назва |
|---|
|
Heracleum sphondylium L., 1753
|
| Падвіды |
|---|
- Heracleum sphondylium subsp. chloranthum (Borbás) Neumayer
- Heracleum sphondylium subsp. elegans (Crantz) Schübl. & G. Martens
- Heracleum sphondylium subsp. glabrum (Huth) Holub
- Heracleum sphondylium subsp. orsinii (Guss.) H. Neumayer
- Heracleum sphondylium subsp. pyrenaicum (Lam.) Bonnier & Layens
- Heracleum sphondylium subsp. sibiricum (L.) Simonk.
- Heracleum sphondylium subsp. sphondylium L.
- Heracleum sphondylium subsp. trachycarpum (Soják) Holub
|
|
Баршчэўнік звычайны (Heracleum sphondylium) — травяністая расліна сямейства парасонавых.
Двух-, радзей шматгадовая травяністая расліна з галінастым коранем і прамастойным баразнаватым апушаным сцяблом вышынёй 60-150 см. Лісце трайчастае, зверху апушанае, знізу па буйназубчастым краі шурпатае ад дробных шыпаватых валаскоў; бакавыя сегменты лісця на чаранках. Ліставая похва моцна выцягнутая. Суквецце — складаны шматпрамянёвы парасонік. Кветкі белыя. Пялёсткі краявых кветак вельмі выцягнутыя і глыбока надрэзаныя, лопасці іх моцна разыходзяцца. Плады адваротнаяйкападобныя.
Сярэднееўрапейскі горна-таежны від. Пашырэнне: Скандынавія, Сярэдняя і Атлантычная Еўропа. Знаходзіцца ў Беларусі ў асобным лакалітэце за ўсходняй мяжой пашырэння. Месцы росту: зараснікі хмызняку і закуставаныя лугавіны.
Цвіце ў чэрвені-ліпені. Пладаносіць у ліпені-жніўні. Размнажаецца насеннем.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5
