Аўрам
Род дзейнасці	пастух, заснавальнік рэлігіі, прарок
Дата нараджэння	не раней за 2167 да н.э. і не пазней за 1792 да н.э.
Дата смерці	не раней за 2050 да н.э. і не пазней за 1638 да н.э.
Месца пахавання	Cavern of the Patriarchs[d]
Бацька	Terah[d][1]
Маці	Amasla[d][2]
Жонка	Sarah[d], Hagar[d] і Keturah[d]
Дзеці	Ishmael[d], Ісак, Zimran[d], Jokshan[d], Medan[d], Midian[d], Ishbak[d], Shuah[d] і Bakol[d]
Медыяфайлы на Вікісховішчы

Аўрам, пасля Аўраам, Абрам, Ібрагім (іўр.: אַבְרָהָם) — старазапаветны патрыярх, паводле біблейскіх паданняў родапачынальнік яўрэяў і арабаў.

Нарадзіўся ў Месапатаміі ў халдзейскім горадзе Ур і з’яўляўся малодшым сынам Фары, дзесятага патрыярха па прамой лініі ад Сіма, сына Ноя. Жывучы сярод паганцаў, гаворыцца ў Бібліі, Аўрам пазнаў ілжывасць іх службы паганскім ідалам і верыў ў адзінага бога, апосталам якога ён стаў. Праследуемы за гэта сваімі суайчыннікамі, ён на 75-м годзе жыцця мусіў пакінуць радзіму і цераз Еўфрат накіраваўся ў зямлю Ханаанскую, абяцаную богам яму і яго нашчадкам. Там Аўрам быў празваны «га-гіўры», што азначала: прыбылы з таго берага ракі, адкуль і пайшла назва — яўрэй. Разам з ім сюды перасялілася яго жонка і пляменнік Лот. Доўга ён качаваў па розных краях, пакуль не пасяліўся ў Хеўроне.^[3]

У біблейскім паданні Аўрам падаецца як узор чалавекалюбства, лагоднасці, цярплівасці, міралюбства, бескарыслівасці, цвёрдай і непахіснай веры ў бога, пакоры і глыбокай павагі да яго. Доўгі час ён не меў ад шлюбу з Сарай нашчадкаў. Толькі пад старасць, калі Сары было ўжо 90, а яму 100 гадоў у іх нарадзіўся сын Ісак, які, па сцверджанню Бібліі, стаў прадаўжальнікам роду яўрэйскага племені. Гэткую дамову Бог уклаў з Аўрамам яшчэ да нараджэння Ісака, знешняй праявай дамовы стаў абрад абразання. Пры гэтым Бог змяніў імя Аўрама на Аўраам. Калі Сара памерла, Аўрам ажаніўся ў другі раз і меў яшчэ 6 сыноў, якія разам з Ізмаілам, яго пазашлюбным сынам ад служанкі Агар, сталі родапачынальнікамі розных арабскіх плямён. Сам жа Аўрам, як падаецца ў Бібліі, пражыў 175 гадоў і памёр у Хеўроне, дзе і быў пахаваны.^[3]

Мусульмане — арабы, якія лічаць Аўрама сваім родапачынальнікам і ў Каране называюць яго Ібрагімам, яшчэ ў старажытнасці пабудавалі над яго магільным склепам мячэць і аберагалі яе як святыню. Вобраз старазапаветнага патрыярха Аўрама (Ібрагіма) карыстаўся асаблівай павагай і папулярнасцю ў хрысціян і мусульман, для якіх служыў прыкладам найвялікшай набожнасці і праведнасці і аброс самымі разнастайнымі міфічнымі паданнямі і легендамі. Паводле іх, Аўрам займаўся прыродазнаўствам, ведаў хімію, астраномію і іншыя навукі, якія ён вывучыў ад халдзеяў яшчэ на радзіме, а потым распаўсюджваў сярод хананеяў (фінікійцаў) і егіпцян. Сцвярджалі нават, што ён быў вынаходнікам літарнага шрыфту і каляндарных вылічэнняў. У сувязі з гэтымі паданнямі некаторыя старажытныя багасловы атаясамлівалі асобу Аўрама (Ібрагіма) з Зараастрам.^[3]

• Аўрамічныя рэлігіі

• Скарына Ф. Творы: Прадмовы, сказанні, пасляслоўі, акафісты, пасхалія / Уступ. арт., падрыхт. тэкстаў, камент., слоўнік А. Ф. Коршунава, паказальнікі А. Ф. Коршунава, В. А. Чамярыцкага. — Мн.: Навука і тэхніка, 1990. — С. 150. — 207 с.: іл. ISBN 5-343-00151-3.

• На Вікісховішчы ёсць медыяфайлы па тэме Аўрам
• Артыкул «Аўрам» у Электроннай яўрэйскай энцыклапедыі

Генеалогія ад Адама да Давіда ў Старым Запавеце
ад Адама да Сіма	Адам Сіф Енас Каінан Малелеіл Іарэд Енах Мафусаіл Ламех Ной Сім
ад Арфаксада да Якава	Арфаксад Сала Евер Фалек Рагаў Серух Нахор Фара Аўраам Ісак Якаў
ад Іуды да Давіда	Іуда Фарэс Есром Арам Амінадаў Наасон Салмон Ваоз Авід Іесей Давід

Біблейскія прарокі
Прарокі ў Пяцікніжжы	Ной Евер Валаам Іоў Аўрам Сара Ісак Якаў Майсей Аарон Марыя Ісус Навін Фінеес
Прарокі ў Эпоху Судзяў і аб’яднанага царства	Дэвора Ілій Ганна Самуіл Давід Саламон Гад Нафан Ахія Сіламлянін
Пісьмовыя прарокі	Вялікія прарокі Езекііль Ерамія Ісая Данііл Меншыя прарокі Авакум Агей Амос Асія Аўдзей Захарыя Іаіль Іона Малахія Міхей Навум Сафоній
Іншыя прарокі Ізраіля і Іўдзеі	Самей Ілья Елісей Алдама

Аўрам — продкі
Terah[d] Nahor[d] Serug[d] Reu[d] Аўрам Amasla[d] Karnivo[d]

Слоўнікі і энцыклапедыі	Біблейская · Вялікая каталанская · Вялікая кітайская · Вялікая нарвежская · Вялікая расійская (старая версія) · Вялікая савецкая (1 выд.) · Бракгаўза і Эфрона · Яўрэйская Бракгаўза і Эфрона · Кароткая яўрэйская · Кругасвет · Малы Бракгаўза і Эфрона · Праваслаўная · Праваслаўная багаслоўская · Універсальная літоўская энцыклапедыя · Britannica (11-th) · Britannica (онлайн) · Catholic (1907—13) · Catholic (1997—…) · Notable Names Database · Pauly-Wissowa · Treccani · Universalis
Генеалогія і некрапалістыка	Geni.com · Rodovid · Rodovid · Rodovid
Нарматыўны кантроль BNF: 165820767 · GND: 118500201 · ISNI: 0000000096500173 · LCCN: n79065663 · NKC: jn20010525296 · NLA: 35925193 · LIBRIS: 292616 · VIAF: 89660956