Г Р П Апалон-12
Палётныя даныя карабля
Ракета-носьбіт	Сатурн-5 SA-507
Стартавая пляцоўка	Касмічны цэнтр Кенэдзі комплекс 39А, Фларыда, ЗША
Запуск	14 лістапада, 1969 16:22:00 GMT
Пасадка	24 лістапада, 1969 20:58:24 GMT
Працягласць палёту	10 дзён 4 гадзіны 25 хвілін 24 секунды
Маса	камандны модуль 28838 кг месяцавы модуль 15235 кг
NSSDC ID	1969-099A
NORAD ID	04225
Палётныя даныя экіпажа
Членаў экіпажа	3
Пазыўны	«Янкі Кліпер» / «Інтрэпід»
Фатаграфія экіпажа
злева направа: Чарлз Конрад, Рычард Гордан, Алан Бін
Звязаныя экспедыцыі
Папярэдняя Наступная Апалон-11 Апалон-13

«Апалон-12» (англ.: Apollo 12) — пілатуемы касмічны карабель серыі «Апалон», падчас палёту якога ў 1969 годзе людзі другі раз у гісторыі здзейснілі пасадку на паверхню іншага нябеснага цела — Месяца.

• Камандзір — Чарлз Конрад (3-і палёт);
• Пілот каманднага модуля — Рычард Гордан (2-і палёт);
• Пілот месяцавага модуля — Алан Бін (1-ы палёт)

Конрад і Гордан — вопытныя астранаўты, якія прайшлі праграму «Джэміні». Першапачаткова з імі ў тройцы трэніраваўся Кліфтан Уільямс, аднак ён загінуў у авіякатастрофе. Па асабістай прапанове Конрада, пачынаючы з экіпажа-дублёра Апалон-9, Уільямса замяніў навічок Алан Бін (Конрад добра ведаў Біна з пачатку 60-х, калі працаваў інструктарам у школе лётчыкаў-выпрабавальнікаў, а Бін быў яго вучнем). Усе члены экіпажа былі афіцэрамі ВМС ЗША, што аказала ўплыў на назву карабля і сімволіку місіі.

Карабель уключаў у сябе камандны модуль (узор 108) і месяцавы модуль (узор LM-6).

Для каманднага модуля астранаўты выбралі пазыўны «Янкі Кліпер», для месяцавага модуля — «Інтрэпід» — назвы караблёў амерыканскага ваенна-марскога флоту, якія вызначыліся ў баях. Эмблема палёту — паруснік (кліпер) на фоне Месяца. Чацвёртая зорка ў эмблеме палёту, была дададзеная ў памяць пра Кліфтана Уільямса.

Маса карабля 43,9 т. Для запуску выкарыстоўвалася ракета «Сатурн-5» (узор AS-507). Мэта палёту — высадка на Месяцы з правядзеннем даследаванняў па больш шырокай праграме, чым пры палёце карабля «Апалон-11».

Прадугледжвалі пасадку на Месяц у Акіян Бур прыкладна ў 1540 км на захад ад месца пасадкі карабля «Апалон-11», збор узораў месяцавага грунту, фатаграфаванне на паверхні Месяца, ўстаноўку на Месяцы навуковых прыбораў, фатаграфаванне паверхні Месяца з селенацентрычнай арбіты (у прыватнасці, некаторых участкаў, выбраных для наступных пасадак караблёў серыі «Апалон», пошук аўтаматычнага касмічнага апарата «Сервеер-3» (здзейсніў пасадку на Месяц 20 красавіка 1967 года), дэмантаж некаторых дэталяў названага апарата і дастаўка іх на Зямлю для вывучэння ўплыву працяглага знаходжання ў месяцавых умовах, правядзенне тэлевізійных сеансаў з борта карабля і з паверхні Месяца.

Праграма палёту была выканана амаль цалкам (з-за няспраўнасці тэлевізійнай камеры не ўдалося правесці два запланаваныя сеансы каляровага тэлебачання з Месяца).

• На Вікісховішчы ёсць медыяфайлы па тэме Апалон-12
• Раздзел пра палёт «Апалона-12» на сайце NASA Архівавана 27 красавіка 2006.
• Карта перасоўванняў экіпажа «Апалона-12» па паверхні Месяца Архівавана 28 кастрычніка 2011.
• Артыкул з крытыкай «тэорыі фальсіфікацыі» палётаў на Месяц
• Нататка пра выстаўленне на аўкцыён геалагічнай інструкцыі для месяцавай экспедыцыі на «Апалоне-12»
• Геалагічная інструкцыя для месяцавай экспедыцыі на «Апалоне-12»

Запускі па праграме «Апалон»
Ракетныя выпрабаванні	SA-1 · SA-2 · SA-3 · SA-4 · SA-5 · AS-203
Няўдалыя выпрабаванні	QTV-1 · Pad Abort Test-1 · A-001 · A-002 · A-003 · Pad Abort Test-2 · A-004
Выпрабаванні макета	A-101 · A-102 · A-103 · A-104 · A-105
Беспілотныя запускі	AS-201 · AS-202 · Апалон-4 · Апалон-5 · Апалон-6 · Skylab 1
Палёты на нізкай калязямной арбіце	Апалон-7 · Апалон-9 · Скайлэб-2 · Скайлэб-3 · Скайлэб-4 · Апалон (ЭПАС)
Месяцовыя місіі	Апалон-8 · Апалон-10 · Апалон-11 · Апалон-12 · Апалон-13 · Апалон-14 · Апалон-15 · Апалон-16 · Апалон-17
Няўдалыя місіі	Апалон-1 (AS-204) · Апалон-13
Адмененыя місіі	Апалон-18 · Апалон-19 · Апалон-20 · Скайлэб-выратавальнік · Скайлэб-5