Аляксандраўскі сельсавет
Краіна	Беларуская ССР
Уваходзіў у	Мёрскі раён
Уключаў	29 населеных пунктаў
Адміністрацыйны цэнтр	Александрына
Дата ўтварэння	12 кастрычніка 1940
Дата скасавання	16 верасня 1960

Алякса́ндраўскі сельсавет — былая адміністрацыйна-тэрытарыяльная адзінка ў складзе Мёрскага раёна Віцебскай вобласці. Цэнтр — вёска Александрына.

У пагаспадаркавай кнізе вёскі Александрыны за 1949—1951 гады, у завераных пячаткай і подпісам кіраўніка сельсавета дакументах мясцовых жыхароў^[1], у спісе выбарчых камісій Мёрскага раёна па выбарах у Вярхоўны Савет СССР у раённай газеце «Большэвіцкая трыбуна» за 26 студзеня 1950 года назва сельсавета^[2] — Александрынскі. Прычынай розначытання з сучаснай афіцыйнай назвай, магчыма, было ўтварэнне назвы Аляксандраўскі сельсавет, у тым ліку змяшчэннем націску, ад перакладу на рускую мову назвы вёскі Александрова, якая знаходзіцца ад Александрыны больш як за 10 км і цэнтрам сельсавета ніколі не была.

Утвораны 12 кастрычніка 1940 года ў складзе Мёрскага раёна Вілейскай вобласці БССР. З 20 верасня 1944 года ў складзе Полацкай вобласці, з 8 студзеня 1954 года — Маладзечанскай вобласці, з 20 студзеня 1960 года — Віцебскай вобласці. 16 верасня 1960 года скасаваны, тэрыторыя далучана да Павяцкага (5 населеных пунктаў: Каснарэўшчына, Міжрэчча, Паршэлева, Сташулі і Суромшчына) і Лявонпальскага (24 населеныя пункты: Александрына, Аніські, Багданава, Бакшы, Белева, Бліжняе, Букава, Вята, Грузды, Дарожкі, Дземскія, Навіна, Навінкі, Надмірэчча, Надрэчча, Паташня-I, Паташня-II, Рыбакі, Тараракі, Чамяры, Чурылава, Чурылава Дальняе, Янопаль і Ясцьянава) сельсаветаў^[3].

На момант скасавання ў склад сельсавета ўваходзілі 29 населеных пунктаў.

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Занальны дзяржаўны архіў у г. Глыбокае. — Ф. 1617. Воп. 2. Спр. 109, 167, 204.
• Аб утварэнні выбарчых участкаў па выбарах у Вярхоўны Савет СССР па Мёрскаму раёну. 156—177. Александрынскі выбарчы ўчастак // Большэвіцкая трыбуна. — 1950 г. — 26 студз.

Аляксандраўскі сельсавет у Мёрскім раёне (1940—1960)

Мёрскі раён існуе з 1940 года Гарады Дзісна (з 1959) Мёры (з 1972) Гарадскія пасёлкі Друя (1940—1963) Мёры (1957—1972) Шаркаўшчына (1962—1966) Сельсаветы Аляксандраўскі (1940—1960) Барсукоўскі (1940—1954) Буйкаўскі (1962—1966) Валькоўскі (1940—1954) Воўкаўшчынскі (1940—1954) Германавіцкі (1962—1966) Глінаўскі (1954—1959) Даўгінаўскі (1965—2010) Дварнасельскі (1940—1954, 1971—2004) Дворнаўскі (1962—1963) Дзедзінаўскі (1954—1973) Дулінаўскі (1962—1965) Жукоўскі (1940—1954) Жукоўшчынскі (1962) Завуццеўскі (з 1962) Камянполлеўскі (1954—1974) Лебедзеўскі (1940—1954) Лужкоўскі (1962—1966) Лявонавецкі (1940—1954) Лявонпальскі (1940—1965) Мальцаўскі (1940—1962) Мёрскі (1940—1957, з 2004) Мікалаёўскі (з 1959) Наўгародскі (1940—1971) Новакрукоўскі (1940—1954) Новапагосцкі (з 1940) Павяцкі (з 1940) Перабродскі (з 1940) Празароцкі (1962—1965) Пяліцкі (1962—1966) Ручайскі (1962—1966) Старынкаўскі (1962—1965) Сцефанполлеўскі (1959—1960) Туркоўскі (з 1959) Узмёнскі (1954—2004, з 2010) Урбанаўскі (1940—1959) Чэраскі (1940—1959, 1992—2004) Шкунціцкі (1962—1965) Язненскі (з 1962) Якубаўшчынскі (1959—1992) Янчонкаўскі (1940—1954)