Агайскі дзяржаўны ўніверсітэт
| Агайскі дзяржаўны ўніверсітэт | |
|---|---|
| англ.: Ohio State University | |
 | |
 | |
| Арыгінальная назва | англ.: Ohio State University |
| Заснаваны | 1870 |
| Студэнты | 46 820[1] і 61 419[2] |
| Размяшчэнне | Калумбус, Агая, ЗША |
| Узнагароды |
Сярэбранае кавадла[d] (1975) |
| Сайт | osu.edu |
 Медыяфайлы на Вікісховішчы | |
Агайскі дзяржаўны ўніверсітэт (англ.: Ohio State University) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Калумбус у штаце Агая, ЗША.
Агульная характарыстыка
Вучэльня была заснавана ў 1870 годзе. Яна класіфікуецца як доктарскі ўніверсітэт з вельмі высокай даследчай актыўнасцю. У 2023 годзе аб'ём фінансавання ўніверсітэта ў памеры 7,4 мільярда долараў з'яўляецца адным з найбольшых у свеце. Гэта трэцці ўніверсітэт у ЗША па колькасці студэнтаў (пасля Арызонскага і Цэнтральна-Фларыдскага ўніверсітэтаў).
Першапачаткова ён быў вядомы як Агайскі сельскагаспадарча-механічны каледж і спецыялізаваўся на розных сельскагаспадарчых і тэхнічных дысцыплінах, але пад кіраўніцтвам губернатара і пазнейшага прэзідэнта ЗША Ратэрфорда Хейса ён ператварыўся ў комплексны класічны ўніверсітэт.
Ва ўніверсітэце налічваецца больш за тысячу студэнцкіх арганізацый, клубных і спартыўна-аздараўленчых праграм, студэнцкіх медыйных арганізацый і выданняў, брацтваў і жаночых таварыстваў, тры студэнцкія самакіраванні. Галоўны кампус універсітэта ў Калумбусе стаў пятым па велічыні ўніверсітэцкім кампусам у Злучаных Штатах, дзе вучацца амаль 50 000 студэнтаў бакалаўрыяту і амаль 15 000 магістрантаў.
Былыя і цяперашнія выпускнікі і выкладчыкі ўніверсітэта ўключаюць шэсць лаўрэатаў Нобелеўскай прэміі, дзевяць стыпендыятаў Родса, сем стыпендыятаў Чэрчыля, аднаго лаўрэата Філдса, сем лаўрэатаў Пулітцэраўскай прэміі, 64 стыпендыята Голдуотэра, сем сенатараў ЗША, 15 кангрэсменаў ЗША і 104 алімпійскіх медаліста.
Структура
- Каледж стаматалогіі
- Каледж адукацыі і экалогіі чалавека
- Каледж інжынерыі
- Каледж харчовых, сельскагаспадарчых і экалагічных навук
- Каледж медыцыны
- Каледж медсястрынства
- Каледж оптаметрыі
- Каледж фармацыі
- Каледж грамадскага здароўя
- Каледж сацыяльнай працы
- Каледж ветэрынарнай медыцыны
- Каледж мастацтваў і навук
- Каледж грамадскіх спраў
- Каледж бізнесу
- Каледж права
Гл. таксама
Заўвагі
- ↑ https://www.usnews.com/education/best-colleges/the-short-list-college/articles/colleges-with-the-most-undergraduates
- ↑ U.S. and Canadian 2022 NTSE Participating Institutions Listed by Fiscal Year 2022 Endowment Market Value, Change in Market Value from FY21 to FY22, and FY22 Endowment Market Values Per Full-time Equivalent Student (Excel) — National Association of College and University Business Officers, 2023. Праверана 22 мая 2023.
Спасылкі
На Вікісховішчы ёсць медыяфайлы па тэме Агайскі дзяржаўны ўніверсітэт- Афіцыйная інтэрнэт-старонка ўстановы
| Фота, відэа і аўдыё | ||||
|---|---|---|---|---|
| Слоўнікі і энцыклапедыі | ||||
| ||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
