Іван Васільевіч Гайшун
Дата нараджэння	29 верасня 1946(1946-09-29)
Месца нараджэння	Пятровічы, Гарохаўскі сельсавет, Бабруйскі раён, Бабруйская вобласць, БССР, СССР
Дата смерці	24 красавіка 2018(2018-04-24) (71 год)
Месца смерці	Мінск, Беларусь
Грамадзянства	СССР  Беларусь
Род дзейнасці	навуковец
Навуковая сфера	матэматыка
Месца працы	Інстытут матэматыкі НАН Беларусі БДУ
Навуковая ступень	доктар фізіка-матэматычных навук
Навуковае званне	прафесар[d] (1992) акадэмік НАН Беларусі (1991)
Альма-матар	БДУ
Навуковы кіраўнік	Яўген Аляксеевіч Барбашын
Вядомы як	буйны спецыяліст у вобласці дыферэнцыяльных раўнанняў
Прэміі
Узнагароды

Іван Васільевіч Гайшун (29 верасня 1946, в. Пятровічы, Бабруйскі раён, Магілеўская вобласць — 24 красавіка 2018) — беларускі матэматык. Доктар фізіка-матэматычных навук (1984), прафесар (1992), акадэмік (1991) НАН Беларусі.

Нарадзіўся 29 верасня 1946 года ў вёсцы Пятровічы. Скончыў Беларускі дзяржаўны ўніверсітэт (1969). З таго часу працаваў у Інстытуце матэматыкі НАН Беларусі: з 1984 — загадчык лабараторыі мадэлявання і аналізу сістэм, з 1985 — намеснік дырэктара па навуковай рабоце, з 1992 — дырэктар. Адначасова ў 1997—2002 гадах віцэ-прэзідэнт, з 2002 года член Прэзідыума НАН Беларусі, з 2012 па 2014 год акадэмік-сакратар Аддзялення фізікі, матэматыкі і інфарматыкі НАН Беларусі^[1].

Навуковыя працы па дыферэнцыяльных ураўнаннях, тапалагічнай дынаміцы і ўстойлівасці абстрактных дынамічных сістэм. Распрацаваў тэорыю мнагамерных дыферэнцыяльных ураўнанняў, многапараметрычных дыферэнцыяльна-рознасцевых і дыскрэтных сістэм, якія ўзнікаюць у квантавай тэорыі поля, статыстычнай гідрадынаміцы.

Аўтар больш за 250 навуковых прац, у т.л. 5 манаграфій і падручніка.

• Вполне разрешимые многомерные дифференциальные уравнения. — Мн., 1983.
• Линейные уравнения в полных производных. — Мн., 1989.
• Многопараметрические системы управления. — Мн., 1996.
• Введение в теорию линейных нестационарных систем. — Мн., 1999.
• Матэматыка // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 211. — 10 000 экз. — ISBN 985-11-0035-8. — ISBN 985-11-0169-9 (т. 10).
• Системы с дискретным временем. — Мн., 2001.

Лаўрэат Дзяржаўнай прэміі Рэспублікі Беларусь у галіне навукі і тэхнікі (2000, у сааўтарстве) — за цыкл прац «Даследаванне асімптатычных уласцівасцей дыферэнцыяльных і дыскрэтных сістэм». Узнагароджаны медалём Францыска Скарыны (2017). Лаўрэат прэміі Савета Міністраў СССР (1981), прэміі Акадэмій навук Украіны, Беларусі і Малдовы (2012).

• Гайшу́н Іван Васільевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 202. — 800 с. — 5 000 экз. — ISBN 985-11-0026-9.

• Памяти учёного: ГАЙШУН Иван Васильевич (руск.) // Нацыянальная акадэмія навук Беларусі
• Іван Васільевіч Гайшун у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Гайшун Іван Васільевіч на сайце анлайн-энцыклапедыі «Беларусь у асобах і падзеях»
• Гайшун Иван Васильевич (руск.) // Партал «Выдающиеся математики Беларуси»