Іванкіў Герб Сцяг Краіна  Украіна Каардынаты 50°55′58″ пн. ш. 29°54′17″ у. д.HGЯO Плошча 8 км² Вышыня цэнтра 138 м Насельніцтва 10 439 чал. (1 студзеня 2019)[1] Часавы пояс UTC+2 Паштовыя індэксы 07200 Афіцыйны сайт ivankiv.com.ua Іванкіў на карце Украіны

Медыяфайлы на Вікісховішчы

Іва́нкіў (укр.: Іванків), Іва́нкаў^[2] — пасёлак гарадскога тыпу на поўначы Кіеўскай вобласці, раённы цэнтр Іванкіўскага раёна. Размешчаны на левым беразе ракі Цецераў. Іванкаўскі раён мяжуе з Жытомірскай і Чарнігаўскай абласцямі, Рэспублікай Беларусь, Барадзянскім, Палескім і Вышгарадскім раёнамі Кіеўскай вобласці. Адлегласць да бліжэйшай чыгуначнай станцыі Цецераў — 40 км, да Кіева — 80 км, да Чарнобыля — 50 км, да мяжы з 30-кіламетровай зонай адчужэння Чарнобыльскай АЭС — 25 км. Адлегласць да міжнароднага аэрапорта «Барыспаль» — 130 км.

У старажытнасці Іванкаў называўся Зямлёй Трудзінаўскай. Трудзінава пераходзіла ад аднаго ўладальніка да іншага. У 1589 годзе гэтыя землі сталі называць Месцам Іванавым — ад імя тагачаснага ўладальніка маёнтка Івана Праскуры. Пасля з’явілася назва Іванкаў.

Жыхары Іванкава прымалі ўдзел у вызваленчай вайне ўкраінскага народа 1648—1654 гадоў. Многія з іх у складзе Кіеўскага палка абаранялі паўночна-заходнія межы ад нападаў шляхты. Мясцовае насельніцтва актыўна падтрымлівала паўстанне сялян і казакоў супраць польскай шляхты, якое ў 1664—1665 гг. ахапіла Правабярэжную Украіну. У Іванкаве паўстанцы разграмілі шляхецкі маёнтак.

Паводле Андрусаўскага перамір’я 1667 года Іванкаў застаўся за Польшчай (у складзе Рэчы Паспалітай).

У 1743 годзе была пабудавана царква ў імя Прасвятой Багародзіцы.

Пасля далучэння Правабярэжнай Украіны да Расіі ў 1793 годзе Іванкаў стаў валасным мястэчкам Радамысльскага павета. У пачатку XIX стагоддзя ў ім пражывала 1300 чалавек, сярод якіх было 10 рамеснікаў. У гарадку ладзілі кірмашы, на якіх гандлявалі лесам, бандарнымі вырабамі, смалой, дзёгцем, ільном, быдлам, рыбай і іншым. У пачатку ХХ стагоддзя. кірмашы адбываліся 6 студзеня, 25 сакавіка, 29 чэрвеня і 8 верасня. Рыначным днём была нядзеля.

У 1887 годзе па рашэнню сходу грамадзян была створана першая бібліятэка і адкрыта царкоўна-прыхадская школа.

У канцы 1897 года адкрыты тэлеграф. Першую тэлеграму з Іванкава ў Кіеў адпраўлена 14 (26) лістапада. Штат паштова-тэлеграфнага аддзялення складаўся ўсяго з чатырох чалавек — начальніка, наглядчыка, паштальёна і вартаўніка.

У пачатку XX стагоддзя ў мястэчку Іванкаў налічвалася 396 двароў, пражывала 3138 чалавек. Значную частку насельніцтва складала сельская бедната. На мясцовых прадпрыемствах — гарбарным і цагельным заводах, у 4 кузнях і на 5 млынах — працавала невялікая колькасць рабочых.

Таксама ў мястэчку была праваслаўная царква, каталіцкі касцёл і 2 сінагогі. Адукацыя была прадстаўлена аднакласнаю міністэрскаю школай. У Іванкаве былі бальніца і аптэка, лекар, фельчар і павітуха.

У Вялікую Айчынную вайну 808 дзён і начэй Іванкаў быў акупіраваны нямецкімі войскамі.

• Помнік ахвярам аварыі на ЧАЭС пры ўездзе ў пасёлак з боку Кіева па трасе «Кіеў-Оўруч».

• Яйка на кальцавой дарозе з паўночнага боку да мястэчка. У 2000 годзе на клумбе, што на акруговай дарозе каля аўтастанцыі «Іванкаў», была ўстаноўлена незвычайная бетонная скульптура ў выглядзе гіганцкага яйка. Яе падарыў пасёлку нямецкі дойлід Армін Кольбі як сімвал жыцця і ўрадлівасці зямлі, якая павінна адрадзіцца пасля цяжкай «чарнобыльскай хваробы».

• Гісторыка-краязнаўчы музей. Адрас: п. Іванкаў, вул. Шаўчэнкі, 13. Заснаваны ў 1980 г. Экспазіцыйныя раздзелы музея: выстаўка партрэтаў і карцін, фаўна і флора раёна, даваенны перыяд, Другая Сусветная вайна, Чарнобыльская катастрофа, Іванкаў сучасны.

• Помнік «Звон Чарнобыля». Помнік адкрыты 26 красавіка 1989 г.

• Памятны знак у гонар 400-годдзя пасёлка Іванкаў. Устаноўлены 21 верасня 1989 г. у цэнтральным парку па рашэнні Іванкаўскага пасялковага савета. Выраблены з мармуру па праекце мясцовага мастака.

• Помнік Герою Савецкага Саюза В. Кібянку^be_ru. Усталяваны 26 красавіка 1987 г. у парку па рашэнні Кіеўскага абласнога савета. Бюст зроблены з бронзы, пастамент абкладзены мармуровымі плітамі. Архітэктар Ю. Д. Підгарадэцкі, скульптар П. Ф. Кальніцкі.

• Музей удзельнікам ліквідацыі наступстваў аварыі на Чарнобыльскай АЭС. Адкрыцце музея адбылося 26 красавіка 2001 года.

• Уязны помнік.

• Помнік ліквідатарам аварыі на ЧАЭС

• Украінскі кінарэжысёр Фешчанка Валянцін Андрэевіч;
• Украінскі дыпламат Джыджора Мікалай Пятровіч.

• Иванков // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

• Сайт, портал, форум Іванківа Архівавана 5 красавіка 2010.
• Уліковая картка на сайце Вярхоўнай Рады Украіны (укр.)
• Афіцыйны вэб-сайт Кіеўскай абласной дзяржаўнай адміністрацыі Архівавана 5 сакавіка 2016. (укр.)
• Іванкаў // Інфармацыйна-пазнавальны партал пра гісторыю Кіева і Кіеўскай вобласці (На аснове матэрыялаў энцыклапедычнага выдання пра гісторыю гарадоў і сёл Украіны, тамы:
  • Історія міст і сіл Української РСР: Київ. — К.: Гол. ред. УРЕ АН УРСР, 1968.
  • Історія міст і сіл Української РСР. Київська область / Ф. М. Рудич (голова ред. колегії) та ін. — К.: Гол. ред. УРЕ, 1971. — 792 с.)

Населеныя пункты Іванкіўскага раёна
Горад	Чарнобыль
Пгт	Іванкіў
Вёскі	Абуховычы Алыва Алізарыўка Аранэ Асавэць Балотня Білы Бэрэг Блідча Буда-Палідарыўска Варапаіўка Варыўск Вэрхалісся Гарнастайпіль Губын Даманіўка Дымарка Дыцяткы Жмііўка Жэрэва Жэрэўпілля Запрудка Заруддзя Захарыўка Зорын Зымовышчэ Каваліўка Калэнці Калэнціўскэ Карпыліўка Калынавэ Красыліўка Крапыўня Кухары Лапуцькы Лэаніўка Людвыніўка Макарыўка Мала Макарыўка Мэдвын Мокра Карма Мусійкы Нові Макалэвычы Нові Сокалы Палідарыўка Паталііўка Підгайнэ Піскы Потакы Прыбірск Пыраговычы Разважыў Ракытна Слабада Рахваліўка Рудня-Лэўкіўска Рудня-Сыдарыўска Рудня-Тальска Рудня-Шпыліўска Русакы Сасніўка Слабада-Кухарска Стаўрыўка Станішыўка Старавычы Стары Сокалы Стары Міст Страхалісся Стэпаніўка Сукачы Сыдаравычы Тэрмахіўка Тэтэрыўскэ Фрузыніўка Фэдарыўка Фэнэвычы Хочэва Чкалаўка Шэўчэнкавэ Шэўчэнкавэ Шпылі Яхніўка
Гл. таксама горад абласнога значэння Прып’яць (нежылы, у склад раёна не ўваходзіць)

Кіеўская вобласць
Раёны	Абухіўскі Барыспільскі Бучанскі Білацэркаўскі Браварскі Вышгарадскі Фасціўскі
Гарады	Абухіў Багуслаў Барыспіль Белая Царква Боярка Бравары Буча Бэрэзань Васылькіў Вышгарад Вышнэвэ Ірпінь Кагарлык Мыроніўка Пераяслаў Прып’яць Ржышчыў Сквыра Славутыч Тарашча Тэцііў Узын Украінка Фасціў Чарнобыль Ягатын
Пгт	Бабынці Барава Барадзянка Барышыўка Валодарка Ворзэль Вэлыка Дымэрка Гастомэль Глэваха Грэбінкы Даслідныцкэ Дымэр Згурыўка Іванкіў Казын Калыніўка (Браварскі раён) Калыніўка (Фасціўскі раён) Калыта Кацюбынскэ Клаўдзіева-Тарасавэ Кодра Кожанка Красятычы Макарыў Нэмішаевэ Піскіўка Ракытнэ Ставышчэ Тэрэзынэ Чабаны