Эўрапейскі пікнік
Эўрапейскі пікнік — дэманстрацыя міру на аўстрыйска-вугорскай граніцы каля гораду Шопрану 19 жніўня 1989 году. Са згоды абедзьвюх краінаў пагранічную браму на старой Браціслаўскай дарозе паміж вёскамі Санкт-Маргарэтэн і Шопранкёхіда сымбалічна адчынілі на тры гадзіны. На гэтым жа месцы аўстрыйскі міністар замежных справаў Алаіз Мок і яго вугорскі калега Дзьюла Хорн 27 чэрвеня 1989 году сумесна разрэзалі пагранічны плот, каб падкрэсьліць распачатую Вугоршчынай 2 траўня 1989 году ліквідацыю ахоўных збудаваньняў.
Больш за 600 грамадзян НДР скарысталіся гэтым кароткім адкрыцьцём жалезнай заслоны, каб бегчы праз Аўстрыю ў ФРН. Вугорскія пагранічнікі ім не перашкаджалі, хоць па дамоўленасьці паміж НДР і Вугоршчынай яны не павінны былі іх пускаць на Захад.
Сёньня Эўрапейскі пікнік лічыцца адной з важных падзеяў, што прывяла да скананьня НДР і заканчэньня халоднай вайны, падзеньня жалезнай заслоны і аб’яднаньня дзьвюх нямецкіх дзяржаваў.
Вонкавыя спасылкі
[рэдагаваць | рэдагаваць крыніцу]- Сайт Панэўрапейскага саюзу(недаступная спасылка)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
