Помнік сакральнай архітэктуры
Царква Сьвятой Параскевы Ναός Αγίας Παρασκευής
Царква Сьвятогой Параскевы
Краіна	Кіпр
Вёска	Гераскіпу
Каардынаты	34°45′34.3″ пн. ш. 32°27′10.6″ у. д. / 34.759528° пн. ш. 32.452944° у. д. / 34.759528; 32.452944Каардынаты: 34°45′34.3″ пн. ш. 32°27′10.6″ у. д. / 34.759528° пн. ш. 32.452944° у. д. / 34.759528; 32.452944
Канфэсія	Кіпрская праваслаўная царква
Эпархія	Pafos Metropolis[d]
Архітэктурны стыль	Бізантыйская архітэктура
Першае згадваньне	844
Дата заснаваньня	844
Статус	Ахоўная зона
Царква Сьвятой Параскевы на мапе Кіпру Царква Сьвятой Параскевы
Царква Сьвятой Параскевы на Вікісховішчы

Царква сьвятой Параскевы ў Гераскіпу — праваслаўны храм у Гераскіпу, асьвячоны ў гонар сьвятой Параскевы, які належыць да мэтраполіі Пафасу Кіпрскай праваслаўнай царквы. Трохнэфная царква мае пяць купалоў і зьяўляецца прыкладам сакральнай архітэктуры IX стагодзьдзя ў бізантыйскім стылі. Яна лічыцца адным з найцікавейшых бізантыйскіх храмаў на Кіпры.

Існуе здагадка, што царква была пабудаваная на месцы храма, прысьвечанага Афрадыце, якая асабліва шанавалася на Кіпры (назва Гераскіпу зьвязваецца са сьвятымі садам багіні і перакладаецца з грэцкай як «сьвяты сад»).

Магчыма таксама, што спачатку царква была асьвечаная ў гонар Сьвятога Крыжа.

Царква мае форму базылікі з трыма нэфамі і зводам у форме калыскі. Пяць купалоў разьмешчаныя ў форме крыжа: тры знаходзяцца над галоўным нэфам, два — над бакавымі нэфамі, на поўнач і поўдзень ад цэнтральнага, найбольшага купала. Падобную структуру мае царква сьвятога Барнабы і Ілярыёна ў Пэрыстэроне, а таксама, у меншай ступені, царква сьвятога Лазара ў Лярнацы.

У паўднёва-ўсходнім куце разьмяшчаецца невялікая квадратная капліца з чатырма апсыдамі, таксама накрытая купалам (апсыды ня бачныя з вонкавага боку, бо яны абкладзеныя мурам).

Мяркуецца, што ў XIX стагодзьдзі была разбураная заходняя сцяна, і царква была пашыраная, а таксама дабудаваная вежа-званіца.

• 
  Галоўны фасад
• 
  Вежа-званіца
• 
  З боку апсыды
• 
  Скляпеньні і фрэскі