Тампа Бэй Лайтнінг
Дывізіён	Атлянтычны
Канфэрэнцыя	Усходняя
Краіна	ЗША
Горад	Тампа, Флорыда
Заснаваны	1992
Стадыён	Tampa Bay Times Forum
Колеры	сіні, белы і чорны
Гісторыя	Тампа Бэй Лайтнінг (1992 — цяпер)
Афіцыйны сайт	lightning.nhl.com (анг.)

Тампа Бэй Лайтнінг (па-ангельску: Tampa Bay Lightning) — прафэсійны хакейны клюб, які гуляе ў Нацыянальнай хакейнай лізе. Клюб знаходзіцца ў горадзе Тампа, штат Флорыда, ЗША. «Лайтнінг» тройчы здабываў Кубка Стэнлі, апошні зь якім скарыўся клюбу ў 2021 годзе. Наступная спроба здабыць яго ў наступным годзе скончылася няўдачаў, бо тампаўцы ў фінале зьведалі паразу ад «Каларада Эвэланш».

У канцы 1980-х гадоў кіраўніцтва НХЛ абвесьціла аб далейшым пашырэньні. Дзьве суперніцкія групы з рэгіёну Тампа-Бэй вырашылі падаць заяўку на франшызу. Першая з групаў месьцілася ў Сэнт-Пітэрзбэргу і ўлучала будучых уладальнікаў «Караліны Гарыкейнз» Пітэра Карманаса і Джыма Ратэрфорда. Другая група, якая базавалася ў Тампе, ачольвалася колішнімі хакеістамі братамі Філам і Тоні Эспазыта, якія абодва ўключаныя да Залі хакейнай славы. Сям’я Прыцкер, якая была адной з ключавых партнэраў групы Эспазыта, адмовілася ад удзелу за некалькі месяцаў да падачы заяўкі. У выніку сям’я была замененыя кансорцыюмам японскіх прадпрыемстваў на чале з Какусай Грынам. Зважаючы на тое, што група Карманаса і Ратэрфорда здавалася мела больш фінансавых рэсурсаў, яны былі гатовыя заплаціць толькі 29 мільёнаў даляраў у якасьці першапачатковага ўнёска. Група Эспазыта і Какусая магла дазволіць сабе сплаціць адразу 50 мільёнаў даляраў^[1]. У выніку група колішніх хакеістаў атрымала франшызу 6 сьнежня 1990 году^[2]. Новая каманда атрымала назву «Тампа Бэй Лайтнінг» паколькі рэгіён Тамба-Бэй лічыцца маланкавай сталіцай Паўночнай Амэрыкі.

Філ Эспазыта прызначыў сябе прэзыдэнтам клюбу, а ягоны брат Тоні ачоліў скаўцкі аддзел. Тэры Крысп, які некалі яшчэ хакеістам абараняў колеры «Філадэлфіі Флаерз» ў сярэдзіне 1970-х гадоў, а таксама здабываў з «Калгары Флэймз» у якасьці трэнэра Кубак Стэнлі ў 1989 годзе, быў прызначаны першым галоўным трэнэрам каманды. Эспазыта падцягнуў свайго былога партнэра па «Бостан Бруінз» Ўэйна Кэшмана на пасаду памочніка Крыспа.

Сваю першую гульню «Тампа Бэй Лайтнінг» у НХЛ згуляла 7 кастрычніка 1992 году на маленькай арэне Экспа-Хол у Іст-Лэйк-Орыент-Парк. У гэтай сустрэчы тампаўцы перамаглі «Чыкага Блэкгокс», выйграўшы зь лікам 7:3. Чатыры шайбы закінуў у той гульні Крыс Контас. Дружына трымалася на вяршыні табліцы свайго дывізіёну ажно месяц, дзякуючы шыкоўнаму пачатку сэзону Контаса і добрай гульні Браяна Брэдлі. Аднак, у выніку «Лайтнінг» скончыў сэзон на апошнім месцы, зарабіўшы 53 пункты. На той час гэта быў адзін з найлепшых паказьнікаў камандаў-навакоў у НХЛ. «Маланкі» была перамешчаныя ў Атлянтычны дывізіён Усходняй канфэрэнцыі, а таксама каманда зьмяніла сваю хатнюю арэну, пераехаўшы ў Флорыда-Санкоаст-Дом у Сэнт-Пітэрзбэрг, які быў пераўладкаваны на прыдатнасьць ладжаньня хакейных матчаў^[3]. Клюб набыў брамніка Дарэна Пупа, а таксама нападнікаў Пэтра Клімы і Дэні Савара. Пупа значна палепшыў статыстыку ў колькасьці прапушчаных шайбаў, але клюб зноў апынуўся апошнім у сваім дывізіёне.

Паводле стану на 4 лютага 2024 году

Брамнікі
31		Юнас Югансан	19.09.1995	88		Андрэй Васілеўскі	25.07.1994
Абаронцы
7		Гайдн Флёры	08.07.1996	43		Дарэн Радыш	28.02.1996
44		Кэлвін дэ Гаан	09.05.1991	48		Нік Пэрбікс	15.06.1998
77		Віктар Гэдман	18.12.1990	78		Эміль Лілебэрг	02.02.2001
81		Эрык Чэрнак	28.05.1997	98		Міхаіл Сергачоў	25.06.1998
Нападнікі
11		Люк Глендэнінг	28.04.1989	12		Алекс Барэ-Буле	21.05.1997
20		Нік Пол	20.03.1995	21		Брэйдэн Пойнт	13.03.1996
23		Майкл Эйсымонт	09.09.1996	38		Брэйдан Гэйгел	27.08.1998
51		Остын Ўотсан	13.01.1992	64		Тайлер Мот	10.03.1995
71		Энтані Сырэльлі	15.07.1997	73		Конар Шэры	08.06.1992
84		Танэр Жано	29.05.1997	86		Мікіта Кучараў	17.06.1993
91		Стывэн Стэмкас	07.02.1990

• Афіцыйная старонка