Рыгор Сарока
| Рыгор Сарока | ||||
 | ||||
| Нарадзіўся |
28 лістапада 1944 (79 гадоў) в. Турэц-Баяры | |||
|---|---|---|---|---|
| Прэміі |
| |||
- Вікіпэдыя мае артыкулы пра іншых асобаў з прозьвішчам Сарока (неадназначнасьць).
Рыго́р Сямё́навіч Саро́ка (28 лістапада 1944, вёска Турэц-Баяры, Маладэчанскі раён Менскай вобласьці БССР) — Заслужаны дзяяч культуры Беларусі, кавалер ордэна Францішка Скарыны, дырэктар Маладэчанскага музычнага коледжа імя Міхала Клеафаса Агінскага, дырыгент сымфанічнага аркестру коледжу, Ганаровы грамадзянін Маладэчна і Маладэчанскага раёну.
Жыцьцяпіс
[рэдагаваць | рэдагаваць крыніцу]Выпускнік Маладэчанскай музычнай вучэльні і Беларускай дзяржаўнай кансэрваторыі імя А. В. Луначарскага. З 1969 року працаваў выкладчыкам па клясе баяну ў Маладэчанскай музычнай вучэльні, з 1974 року ўзначаліў аддзяленьне народных інструмэнтаў вучэльні, з 1980 прызначаны дырэктарам вучэльні. На працягу многіх гадоў кіраваў баянным аркестрам вучэльні, камэрным аркестрам рускіх народных інструмэнтаў, які праіснаваў 19 гадоў, атрымаў званьне «народнага» ў 1982, гастраляваў па гарадох Беларусі, Латвіі, Летувы, Вугоршчыны, Нямеччыны, Гішпаніі, запісаў 3 аўдыёкасэты.
З 1979 року Рыгор Сарока зьяўляецца сталым мастацкім кіраўніком і дырыгентам сымфанічнага аркестру Маладэчанскай музычнай вучэльні (з 2011 року — коледжу). За гэты час калектыў атрымаў званьне «народнага» (1987), «Заслужанага аматарскага калектыву Рэспублікі Беларусь» (2005), Гран-пры спэцыяльнага фонда прэзыдэнта Рэспублікі Беларусь па падтрымцы таленавітай моладзі (2007), неаднаразова станавіўся ляўрэатам і дыплямантам рэспубліканскіх і міжнародных конкурсаў і фэстываляў.
Узнагароджаны шматлікімі Ганаровымі граматамі Міністэрства культуры і БРК, ЦК КПСС, Савета Міністраў СССР, ВЦСПС, ЦК ВЛКСМ, Савета Міністраў Рэспублікі Беларусь, Нацыянальнага сходу Беларусі. Мае дыплёмы пераможцы Рэспубліканскіх аглядаў мэтадычных і творчых работ выкладчыкаў ССНУ Беларусі (1980, 1982, 1984, 1996), Ганаровы знак Міністэрства культуры Рэспублікі Беларусь (1999), ганаровае званьне «Заслужаны дзяяч культуры БССР» (1988). Ляўрэат спэцыяльнай прэміі прэзыдэнта Беларусі ў намінацыі «За ўнёсак у разьвіцьцё міжнародных культурных сувязяў Рэспублікі Беларусь» (за 2004 рок), узнагароджаны Ордэнам Францішка Скарыны — найвышэйшай узнагародай Рэспублікі Беларусь у галіне культуры (2008), зь лютага 2009 зьяўляецца Ганаровым грамадзянінам гораду Маладэчна і раёну.
Рыгор Сарока стаў ініцыятарам прысваеньня імя Міхала Клеафаса Агінскага Маладэчанскай музычнай вучэльні (1995); адкрыцьця на базе вучэльні аддзяленьня дэкаратыўна-прыкладнога мастацтва (1995); усталяваньня мэмарыяльнай дошкі памяці М. К. Агінскага на будынку вучэльні (1995); усталяваньня помніка М. К. Агінскага (2001, скульптар — Валяр’ян Янушкевіч); стварэньня Маладэчанскага маладзёвага музычнага народнага тэатру (2005—2006), які з 2007 року паставіў у Маладэчне опэры «Яланту» П. Чайкоўскага, «Яўгена Анегіна», «Травіяту» Дж. Вэрдзі, канцэртны варыянт опэры «Кармэн» (2012), «Міхал Клеафас Агінскі. Невядомы партрэт»[1].
У 2008 року на базе музычнай вучэльні з ініцыятывы Рыгора Сарокі была адкрытая філія катэдраў «Фартэпіяна», «Сьпевы» і «Харавое дырыгаваньне» Беларускай дзяржаўнай акадэміі музыкі.
Крыніцы
[рэдагаваць | рэдагаваць крыніцу]- ^ Роўда, Настасься (21 сьнежня 2013) Рыгор Сарока паставіў другі помнік Агінскаму Культура. Рэгіянальная газета. Праверана 28 кастрычніка 2015 г.
Літаратура
[рэдагаваць | рэдагаваць крыніцу]- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2002. — Т. 14: Рэле — Слаявіна. — 512 с. — ISBN 985-11-0238-5
Вонкавыя спасылкі
[рэдагаваць | рэдагаваць крыніцу]Text is available under the CC BY-SA 4.0 license; additional terms may apply.
Images, videos and audio are available under their respective licenses.
