Міхаэль Баляк
Пэрсанальная інфармацыя
Нарадзіўся	26 верасьня 1976(1976-09-26)[1][2][3][…] (47 гадоў) Гёрліц, НДР
Рост	189 см
Вага	85 кг
Пазыцыя	паўабаронца
Моладзевыя клюбы
1983—1995	Кемніцэр
Клюбы
Гады	Клюб	Гульні (галы)¹
1995—1997 1995—1997 1997—1999 1999—2002 2002—2006 2006—2010 2010—2012	Кемніцэр-2 Кемніцэр Кайзэрсьляўтэрн Баер Левэркузэн Баварыя Мюнхэн Чэлсі Баер Левэркузэн	18 (3) 49 (10) 46 (4) 79 (27) 107 (44) 105 (17) 35 (2)
Зборныя
1999—	Нямеччына	98 (42)

Міхаэ́ль Ба́ляк (па-нямецку: Michael Ballack; нарадзіўся 26 верасьня 1976 году ў горадзе Гёрліц, былая НДР) — былы нямецкі футбаліст, паўабаронца й капітан зборнай Нямеччыны. Вядомы выступамі за клюбы «Баер», «Баварыю», «Чэлсі». Пасьля чэмпіянату сьвету 2006 году падпісаў трохгадовы кантракт зь лёнданскім «Чэлсі».

• Чэмпіён Нямеччыны: 1998, 2003, 2005, 2006
• Фіналіст Чэмпіянату сьвету 2002 году
• Фіналіст Лігі чэмпіёнаў УЭФА: 2002
• Гулец году Нямеччыны: 2002, 2003, 2005
• Паўабаронца году УЭФА: 2002
• Уладальнік Кубка Нямеччыны: 2003, 2005, 2006
• Уладальнік Кубка Ангельшчыны: 2007
• Уладальнік Кубка Ангельскай лігі: 2007
• Віцэ-чэмпіён сьвету 2002 году.
• Трэці прызёр Чэмпіянату сьвету 2006 году.
• Уваходзіць у сьпіс ФІФА 100

Баляк вядомы як рознабаковы гулец з выдатнай фізычнай падрыхтоўкай. Ён аднолькава добра ўдзельнічае ў нападзеньні й абароне, можа гуляць на любой пазыцыі ў цэнтры поля. Абедзьве яго нагі — працоўныя, г. зн., ён аднолькава добра праводзіць удары й левай, і правай нагой. З 2004 году зьяўляецца капітанам нямецкай зборнай. Першы самавіты клюб у кар’еры — «Кайзэрсьляўтэн». Тагачасны трэнэр «чырвоных д’яблаў» Ота Рэхагель выкарыстаў маладога футбаліста ў ролі джокера, закрываючы ім праблемныя пазыцыі ў сярэдзіне поля. У адным матчы Міхаэль мог гуляць дыспэтчара, у наступным — пераўвасабляцца ў цьвёрдага апорніка. Іншы раз і зусім ссоўваўся на фланг. А ў сэзоне 2001/2002 гадоў ужо за «Баер» забіў 17 мячоў. Атрымаўшы вялікую волю дзеяньняў, Баляк прапанаваў уласнае амплюа зоркі-шматстаночніка.

Жыве ў грамадзянскім шлюбе са сваёй даўняй сяброўкай Сымонай Лямбэ, зь якой сумесна выхоўвае траіх дзяцей — Люіс (нарадзіўся 16 жніўня 2001), Эміліё (19 верасьня 2002) і Ёрдзі (17 сакавіка 2005).

Міхаэль Баляк — сховішча мультымэдыйных матэрыялаў

• Афіцыйны сайт
• Профіль гульца на сайце «Баварыі»
• Профіль гульца на сайце Левэркузэна

1. ^ ^{а б в} Michael Ballack — 2010.
2. ^ ^{а б в} Michael Ballack // Transfermarkt (мн.) — 2000.
3. ^ ^{а б в} Michael Ballack // filmportal.de — 2005.