Леанід Захлеўны
Леанід Захлеўны | |
| Дата нараджэньня | 16 студзеня 1947 (77 гадоў) |
|---|---|
| Месца нараджэньня | |
| Месца вучобы | |
| Занятак | кампазытар |
| Узнагароды | |
Леані́д Канстанці́навіч Захле́ўны (нар. 16 студзеня 1947, Горадня, Беларуская ССР) — беларускі кампазытар. Ляўрэат прэміі Ленінскага камсамолу Беларускай ССР (1980), Заслужаны дзяяч мастацтваў Беларускай ССР (1985), ляўрэат Дзяржаўнай прэміі Рэспублікі Беларус (1994), Народны артыст Рэспублікі Беларусі (1998). Сябра Саюзу кампазытараў Беларускай ССР (1974).
Жыцьцяпіс
[рэдагаваць | рэдагаваць крыніцу]Нарадзіўся 16 студзеня 1947 року ў Горадні. Скончыў дзіцячую музычную школу, Гарадзенскую музычную вучэльню па клясе баяна, Беларускую дзяржаўную кансэрваторыю імя Луначарскага па клясе кампазыцыі прафэсара Анатоля Багатырова (1972).
У 1972 року — выкладчык Мазырскай музычнай вучэльні. Служыў у войску на Далёкім Усходзе. У 1975—1976 роках працягваў адукацыю асыстэнтам-стажэрам Беларускай кансэрваторыі пад кіраўніцтвам прафэсара Яўгена Глебава.
Сябра Саюзу кампазытараў Беларускай ССР (1974). У 1978—1989 — музычны рэдактар кінастудыі «Беларусьфільм». З 1990 року — мастацкі кіраўнік музычных калектываў Беларускага радыё, заснавальнік і мастацкі кіраўнік ансамблю народнай музыкі «Бяседа»[1].
Творчасьць
[рэдагаваць | рэдагаваць крыніцу]Аўтар эстраднай, камэрнай, сымфанічнай і харавой музыкі. Працуе ў песенным жанры. Зь ягоных твораў фармуецца рэпэртуар ВІА «Сябры», ансамблю народнай музыкі «Бяседа», Віктара Вуячыча, Якава Навуменкі, Яраслава Еўдакімава, Ірыны Дарафеевай. Піша музыку на вершы беларускіх і расейскіх паэтаў Максіма Багдановіча, Канстанцыі Буйло, Уладзімера Карызны, Леаніда Пранчака, Уладзімера Пецюкевіча, Міхаіла Ясеня. Набылі вядомасьць нізка песьняў «Памяць» («Поле памяці», «Насіць ордэны», «Міласэрнасьць», «Песьня Перамогі»), «Азёры дабрыні», «Зямля моя», калыханка «Баю-бай, дачушка, баю-бай, сынок…».
Творы
[рэдагаваць | рэдагаваць крыніцу]- кантаты «Вянок» (словы народныя, 1972), «Муха-Цакатуха»
- для аркестру — сымфонія (1971)
- для габою і фартэпіяна — саната (1970)
- для голасу з фартэпіяна — цыкль на словы Максіма Багдановіча, 1969)
- фартэпіянныя п’есы
- песенны цыкль «Памяць» (1989)
- зборнік песень для дзяцей «Верасьнёвы вальс» (1994)
- песьні на словы Вадзіма Левіна («Героям Берасьця»), Г. Ціханава, Аляксандра Харчыкава, А. Чуркіна.
- музыка да драматычных спэктакляў і кінафільмаў.
Кампазытарская фільмаграфія
[рэдагаваць | рэдагаваць крыніцу]- 1977 — «Мілавіца» (мультыплікацыйны фільм)
- 1977 — «Сьветлячок і расінка» (мультыплікацыйны фільм)
- 1980 — «Казка пра вясёлага блазна» (мультыплікацыйны фільм)
- 1980 — «Загадай сабе» (тэлефільм)
- 1981 — «Дзядзька Якуб» (тэлефільм)
- 1982 — «Песьня пра зубра» (мультыплікацыйны фільм)
- 1983 — «Канец бабінага лета»
- 1983 — «Як Васіль гаспадарыў» (мультыплікацыйны фільм)
- 1984 — «Астравы на далёкіх азёрах»
- 1985 — «Халады ў пачатку вясны»
- 1985 — «Ты мяне ня бойся» (мультыплікацыйны фільм)
- 1987 — «Дзяржаўная мяжа. За парогам перамогі»
- 2013 — «Прыгоды Несьцеркі»
Прэміі і ўзнагароды
[рэдагаваць | рэдагаваць крыніцу]- Прэмія Ленінскага камсамолу Беларускай ССР (1980)
- Заслужаны дзяяч мастацтваў Беларускай ССР (1985)
- Дзяржаўная прэмія Рэспублікі Беларусі (1994)
- Народны артыст Рэспублікі Беларусі (1998)
- спэцыяльная прэмія прэзыдэнта Рэспублікі Беларусі (2011)
- Ордэн Францішка Скарыны (2011)[2][3]
- Мэдаль Францішка Скарыны (2011)[4]
- прэмія Фэдэрацыі прафсаюзаў Беларусі (2017)
Крыніцы
[рэдагаваць | рэдагаваць крыніцу]- ^ Мдзівані, Т. Г., Сергіенка, Р. І. Кампазітары Беларусі / Т. Г. Мдзівані, Р. І. Сергіенка. — Минск : Беларусь, 1997.
- ^ БелаПАН. (24 лістапада 2011) Лукашэнка ўзнагародзіў Захлеўнага й Бандарчук Грамадства. Наша Ніва. Праверана 15 студзеня 2022 г.
- ^ Захлеўны Леанід Канстанцінавіч Узнагароды Беларусі Праверана 15 студзеня 2022 г.
- ^ БелаПАН. (11 кастрычніка 2012) У Нясвіжскім палацы Жураўлю, Бандарчук, Захлеўнаму прысвоены ганаровыя званні Культура. Рознае. Наша Ніва. Праверана 15 студзеня 2022 г.
Літаратура
[рэдагаваць | рэдагаваць крыніцу]- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 7: Застаўка — Кантата. — 604 с. — ISBN 985-11-0130-3
- Культура Беларусі: энцыклапедыя / рэдкал.: У. Аляксандраў (гал. рэд.) [і інш.]. — Менск: Беларус. Энцыкл. імя П. Броўкі, 2013. — Т. 4. — 660с.:іл. с. — 2000 ас. — ISBN 978-985-11-0746-5
- Республика Беларусь: Энциклопедия в 7 т. Т. 3: Герасименко — Картель / редкол.: Г. П. Пашков и др. — Минск: БелЭн, 2006. — 896 с : ил. — ISBN 985-11-0341-1. — ISBN 985-11-0382-9 (Т. 3)
- Энцыклапедыя літаратуры і мастацтва Беларусі. У 5 т. / Рэд. І. П. Шамякін (гал. рэд.) і інш.. — Мн.: БелСЭ, 1985. — Т. 2: Габой — Карціна. — 702 с. — 9500 ас.
Вонкавыя спасылкі
[рэдагаваць | рэдагаваць крыніцу]- Профіль на бачыне Беларускага саюзу кампазытараў
- Профіль на Беларускім харавым партале
- Леанід Захлеўны на сайце «Discogs» (анг.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
