Дынама Кіеў
Поўная назва	Футбольний клуб «Динамо» Київ
Заснаваны	13 траўня 1927
Горад	Кіеў, Украіна
Стадыён	НСК «Алімпійскі» Умяшчальнасьць: 70 050
Кіраўнік	Ігар Суркіс[d]
Галоўны трэнэр	Аляксандар Шаўкоўскі
Чэмпіянат	Прэм’ер-ліга
· 2023—2024	2 месца
Хатнія колеры Выязныя колеры
Галерэя здымкаў у Вікісховішчы fcdynamo.com (укр.)​ (анг.)

«Дына́ма» (па-ўкраінску: Динамо) — украінскі футбольны клюб з Кіева. Клюб быў заснаваны ў 1927 годзе як частка савецкага спартовага таварыства «Дынама», у цяперашні час гуляе ва ўкраінскай Прэм’ер-лізе. Хатнім стадыёнам клюбу зьяўляецца НСК «Алімпійскі», які мае ёмістасьць у 70 050 гледачоў.

З 1936 году «Дынама» ўдзельнічала ў найвышэйшай лізе савецкага, а потым украінскага футболу. Найбольш пасьпяховы пэрыяд клюбу зьвязаны з Валерыем Лабаноўскім, дзякуючы якому каманда не аднойчы атрымлівала шматлікія айчынныя і эўрапейскія тытулы. Дэрбі паміж маскоўскім «Спартаком» і «Дынама» стала самым захапляльным футбольным суперніцтвам у Савецкім Саюзе, амаль цалкам зацямніўшы дэрбі паміж «Спартаком» і маскоўскім «Дынама». З канца 1960-х гадоў клюб браў удзел у кантынэнтальных турнірах УЭФА амаль кожны год. Адзін з двух клюбаў (разам з маскоўскім «Дынама»), які ўдзельнічаў ва ўсіх чэмпіянатах СССР у найвышэйшым дывізіёне.

Кіеўскае «Дынама» і «Дынама» з Тбілісі былі адзінымі савецкімі клюбамі, якія атрымлівалі посьпех у спаборніцтвах УЭФА. Першая каманда «Дынама» стала базай для нацыянальнай зборнай СССР па футболе ў 1970—1980-я гады і ў нацыянальнай зборнай Ўкраіны ў 1990—2000-я гады.

13 траўня 1927 году быў афіцыйна зарэгістраваны Статут кіеўскага пралетарскага спартовага таварыства «Дынама» міжведамаснай камісіяй па справах грамадзкіх арганізацыяў і зьвязаў Кіеўскай акругі. Пад сьцягам «Дынама» сабраліся прадстаўнікі АДПУ, футбалісты якога абаранялі колеры клюбу «Савгандальслужбоўцы». Таму спробы кіраўніцтва «Дынама» стварыць падчас сэзону сваю футбольную каманду посьпехам ня скончыліся, бо «Савгандальслужбоўцы» былі аднымі з галоўных прэтэндэнтаў на прызавыя месцы ў чэмпіянаце Кіева і стварэньне «Дынама» было вельмі рызыкоўнай справай. Таму першая згадка пра футбольны клюб «Дынама» зьявілася толькі 5 красавіка 1928 году ў газэце «Вячэрні Кіеў»^[1]. Менавіта тады па ініцыятыве Сямёна Западнага, начальніка Кіеўскага АДПУ, была заснаваная футбольная каманда. Ягоны намесьнік стаў фармаваць склад каманды, у які ўвайшлі як кадравыя чэкісты, гэтак і футбалісты іншых кіеўскіх камандаў. Прычым усе футбалісты або ўваходзілі ў зборную Кіеву, або былі чэмпіёнамі гораду. І толькі 1 ліпеня 1928 году клюб правёў сваю першую афіцыйную гульню ў горадзе Белая Царква супраць зборнай гэтага места^[1]. Госьці забілі першы мяч ужо на 5 хвіліне, аднак у выніку саступілі зь лікам 1:2.

З-за арганізацыйных памылак 1928 год «Дынама» не ўдзельнічала ў першынстве гораду сярод прафзьвязаў і вымушана было праводзіць толькі таварыскія матчы. 1 верасьня 1928 году кіяне ў таварыскай гульні прынялі маскоўскае «Дынама», якое на той момант было чэмпіёнам Масквы. Госьці разграмілі ўкраінскі клюб зь лікам 6:2. Сэлекцыйныя мэтады навастворанай каманды былі раскрытыкаваныя, бо каманда перацягвала ў свае шэрагі найлепшых футбалістаў, падаючы ім больш высокааплатную і прэстыжную працу ў ДПУ. Гэта тлумачыцца тым, што на той момант у СССР вайскоўцы і чэкісцкія ведамствы былі фінансава забясьпечаны лепей за іншых.

14 верасьня 1929 году «Дынама» правяло свой першы міжнародны матч з працоўнай камандай Ніжняй Аўстрыі «Дойч Ваграм», аднак футбалісты прайгралі зь лікам 3:4. У 1935 годзе футбалісты «Дынама» ў складзе зборнай Украіны ажыцьцявілі паездку ў Францыю і Бэльгію, дзе ў таварыскай гульні разграмілі чатырохразовага ўладальніка Кубка Францыі «Рэд Стар» зь лікам 6:1.

У 1936 годзе ў СССР было вырашана стварыць адзіны камандны чэмпіянат замест мноства разнастайных рознаўзроўневых турніраў. Прадстаўніком ад Украіны стала наймацнейшая на той момант каманда УССР — «Дынама». Дэбют клюбу ў чэмпіянаце адбыўся ў Кіеве 24 траўня 1936 году, калі маскоўскае «Дынама» разграміла гаспадароў зь лікам 5:1. Адзіны гол нападніка Мікалая Махіні стаў для ўкраінскага клюбу першым голам у чэмпіянатах Савецкага Саюзу. Паводле вынікаў турніру, у якім узялі ўдзел 7 клюбаў, кіеўскае «Дынама» фінішавала на другім месцы, саступіўшы першы радок аднаклюбнікам з Масквы.

• Чэмпіён СССР (13):
  • 1961, 1966, 1967, 1968, 1971, 1974, 1975, 1977, 1980, 1981,
  • 1985, 1986, 1990

• Уладальнік Кубка СССР (9):
  • 1954, 1964, 1966, 1974, 1978, 1982, 1985, 1987, 1990

• Чэмпіён Украіны (16):
  • 1993, 1994, 1995, 1996, 1997, 1998, 1999, 2000, 2001, 2003,
  • 2004, 2007, 2009, 2015, 2016, 2021

• Уладальнік Кубка Ўкраіны (13):
  • 1993, 1996, 1998, 1999, 2000, 2003, 2005, 2006, 2007, 2014,
  • 2015, 2020, 2021

• Уладальнік Супэркубка Ўкраіны (9):
  • 2004, 2006, 2007, 2009, 2011, 2016, 2018, 2019, 2020

• Кубак уладальнікаў кубкаў УЭФА:
  • 1975, 1986

• Супэркубак УЭФА:
  • 1975

Клюб мае стадыён «Дынама» імя Валера Лабаноўскага, дзе раней каманда праводзіла свае хатнія матчы. З 2012 году сваіх супернікаў клюб прымае на НСК «Алімпійскі», які мае большую зьмяшчальнасьць.

Актуальны на 13 верасьня 2024 году

№ Пазыцыя Імя Год нараджэньня 1 Бр Георгі Бушчан 1994 2 Аб Канстанцін Віўчарэнка 2002 3 Аб Максім Дзячук 2003 4 Аб Дзяніс Папоў 1999 6 ПА Уладзімер Бражко 2002 7 Нап Андрэй Ярмоленка 1989 8 ПА Уладзімер Шэпелеў 1997 9 Нап Назар Валошын 2003 10 ПА Мікола Шапарэнка 1998 11 Нап Уладзіслаў Ванат 2002 15 ПА Валянцін Рубчынскі 2002 18 ПА Аляксандар Андрыеўскі 1994 20 Аб Аляксандар Караваеў 1992 22 Нап Уладзіслаў Кабаеў 1995 23 Аб Навін Малыш 2003

№ Пазыцыя Імя Год нараджэньня 24 Аб Аляксандар Тымчык 1997 28 Аб Браян Сэбальяс (ар. Фарталеза) 2001 29 ПА Віталь Буяльскі (капітан) 1993 32 Аб Тарас Міхаўка 2005 35 Бр Руслан Нешчарат 2002 39 Нап Эдуарда Герэра 2000 40 Аб Крыстыян Білавар 2001 44 Аб Уладзіслаў Дубінчак 1998 45 Нап Максім Брагару 2002 51 Бр Валянцін Маргун 2001 76 ПА Аляксандар Піхалёнак 1997 91 ПА Мікола Міхайленка 2001 99 Нап Мацьвей Панамарэнка 2006 — Аб Антон Боль 2003

• Афіцыйны сайт
• «Дынама Кіеў» ад Шурыка
• Неафіцыйны сайт заўзятараў «Дынама»