Дзьмітры Ліхтаровіч (нарадзіўся 1 сакавіка 1978 году, Магілёў, БССР) — беларускі футбаліст, паўабаронца. Майстар спорту міжнароднай клясы. Уваходзіць у Клюб Сяргея Алейнікава для беларускіх футбалістаў, якія згулялі 500 і болей афіцыйных матчаў.

Выхаванец магілёўскага футболу, доўгі час гуляў за мясцовы «Дняпро-Трансмаш», у складзе якога стаў чэмпіёнам краіны ў 1998 годзе. У 2001 перайшоў у барысаўскі БАТЭ, за які бесьперапынна гуляў з таго часу. У 2009 годзе стаў капітанам каманды. 1 кастрычніка 2009 году забіў першы гол беларускіх клюбаў у групавым этапе Лігі Эўропы, у браму ангельскага «Эвэртану». Зьяўляецца дзевяціразовым чэмпіёнам Беларусі, што зьяўляецца рэкорднай колькасьцю чэмпіёнскіх тытулаў.

Завяршыў кар’еру пасьля сэзону 2015 году^[1]. З студзеня 2016 году ўваходзіць у трэнэрскі штаб дублёраў БАТЭ^[2].

У 2007 годзе правёў сваю адзіную гульню ў складзе нацыянальнай зборнай Беларусі супраць зборнай Ірану.

• Чэмпіён Беларусі ў складзе:
  • Дняпро Магілёў: 1998
  • БАТЭ: 2002, 2006, 2007, 2008, 2009, 2010, 2011, 2012, 2014
• Кубак Беларусі: 2006, 2010
• Супэркубак Беларусі: 2014
• Срэбраны прызэр чэмпіянату Беларусі ў складзе БАТЭ: 2003, 2004
• Найлепшы футбаліст чэмпіянату Беларусі: 2002
• У сьпісе 22 найлепшых футбалістаў чэмпіянату: 1999, 2000, 2002, 2003, 2006, 2007, 2008, 2009, 2010, 2011

• ФК БАТЭ: Лихтарович Дмитрий (рас.)
• Статыстыка «ПБ-Инфо» (рас.)