An tataghan o salag iyo an sarong hilomloman kan mga sugok, estaran kan ogbon o siwo o lugar na kun saen pinadadakula an mga ini kan saindang magurang. Ini parati gibo sa mga giring, doot, dahon, dagami. Pwede man masabing tataghan an kinalot o kinayas sa daga na magkaigwang pilwak, o sarong guang sa kahoy, piwang sa kagagapoan, sa sarong bongag o sa sarong harong na ginagamit na tagoan o sarayan kan mga sinogok. Kun minsan man an materyales na ginagamit mga lubid, plastik, yamit, buhok, papel o kun ano sanang magkapurorot kan hayop sa paghaman nin tataghan.

Lambang species sinasabing may sadiring gawe sa pagporma nin tataghan asin makukua ini sa manlaenlaen na habitat. Primeramente an mga ini ginigibo asin binibilog nin mga gamgam, alagad an mga nagpapasusong mga hayop, arog kan kino o amid, mga sira, insekto (arog kan kutakti, taboan, potyokan, aloy) asin mga reptilya (halimbawa, halas asin baoo). Sa mga hayop, ordinaryo an paghaman nin tataghan kun madali nang magsugok o mag'ogbon.

• 
  Tataghan sa doot
• 
  An linalaog kan sarong tataghan nin gamgam
• 
  An mga Redwing tipikal nagibong tataghan sa daga
• 
  Dagang tataghan gibo kan mga balinsyawan
• 
  Babaeng Bald Eagle naghihilomlom sa saiyang mga sugok
• 
  Sarong tataghan sa ilawan
• 
  Gamgam naggigibong salagan na garo sildok
• 
  Mga kutakti nagpoon maggibo nin tataghan
• 
  Mga insekto may hinaman na tataghan sa imburnal Wilcannia, New South Wales Australia
• 
  Tataghan nin mga aloy sa Mehiko
• 
  Sarong tataghan na garo na kararaw
• 
  Sarong tataghan nin gorilya

• www.earthlife.net/birds/nests.html