Pasaporte kan Singapur
![](https://upload.wikimedia.org/wikipedia/commons/thumb/e/eb/2018_singapore_passport_cover.jpg/220px-2018_singapore_passport_cover.jpg)
(with chip
![](https://upload.wikimedia.org/wikipedia/commons/thumb/f/fb/EPassport_logo.svg/20px-EPassport_logo.svg.png)
An pasaporte kan Singapur iyo an dokumento sa pagbyahe asin pasaporte na pig-iisyu sa mga namamanwaan kan Republika kan Singapur. Pigtatawan kaiyan nin kakayahan an paradara na magluwas sa Singapur asin maglaog giraray sa Singapur na mayo nin kaulangan; magbyahe pasiring sa asin gikan sa ibang nasyon susog sa rekisitos para sa bisa; pigpasilitar an proseso kan pag-asegurar sa asistensya gikan sa opisyal kan konsular kan Singapur sa ibang nasyon, kun kinakaipuhan; asin maghagad nin proteksyon para sa paradara mantang yaon sa ibang nasyon.
Gabos na pasaporte pig-iisyu kan Immigration and Checkpoints Authority (ICA) sa ngaran kan Ministry of Home Affairs. Solamenteng an mga namamanwaan kan Singapur an mapupwedeng magkaigwa nin pasaporte.Balido an pasaporte sa laog nin sampolong taon. An pasaporte kan Singapur iyo an saro sa poderosong pasaporte sa kinaban, ibinugtak sa lugar bilang pinakapoderosong pasaporte sa nagkapirang mga okasyon. Kaidtong 2023, an pasaporte kan Singapur rinaggo na pinakapoderosong pasaporte sa kinaban, na may visa-free o visa on arrival na akses sa 194 na nasyon asin teritoryo.[1]
Minsan siring, an pasaporte kan Singapur bantog na target para sa mga paragibo nin pekeng pasaporte huli sa saiyang relatibong liberal na rekisitos sa visa para sa mga Singapuriano asin an tendensiya para sa opisyal nin imigrasyon tanganing ma-clear nin marikas an mga paradara kan pasaporte kan Singapur.[2] Bilang kasimbagan, an ICA nag-adaptar nin nagkapirang measures tanganing madakop an suspek, kabali an pagdugang nin digital na ladawan asin espesyal na tinta poon kan Oktobre 1999, asin magkonbertir sa biometrikong pasaporte poon kan Agosto 2006.
Toltolan
[baguhon | baguhon an source]- ↑ "Global Passport Power Rank | The Passport Index 2023". Passport Index – All the world's passports in one place.
- ↑ Zaihan Mohd Yusof, Serangoon Rd man asks undercover reporter: Psst, want to buy a passport? Archived 30 September 2007 at the Wayback Machine., The New Paper, 9 June 2004. Retrieved 11 November 2006.
Text is available under the CC BY-SA 4.0 license; additional terms may apply.
Images, videos and audio are available under their respective licenses.