Kurusong
![](https://upload.wikimedia.org/wikipedia/commons/thumb/c/c6/Aodai-nonla.jpg/220px-Aodai-nonla.jpg)
An kurusong o sayap, o apod man kondong sarong klaseng pansaklob sa payo ngani dai mainitan o mauranan o tangarig magsirbing proteksyon sa payo asin lalawgon. Ini halakbang an paldea, gibo sa dahon kan buri o nipa asin kawayan na iyo an bala na nagtatalidong kan paldea. An gayad kan paldea nagigin higot asin pusog ta ini binibilitan. An bilit pwedeng simple o maarteng gayo. Ini binalisongsong sa porma. Ngani ini dai basang mahulog sa pakasu'lot, may nakatahi nin inaapod na barangka' sa katangaan kan kurusong asin ngani dai mahulog sa payo, may lubid na pansa'long. An natural na pantahi kaini sa pagporma, gamit an nito' o nawe. Alagad, mas madali sa pagtrabaho na ngonyan kun an inuusar iyo an inaapod na plastik na nawe imbes na huyo'. Igdi sa Camarines Sur, an bantogan na mga paragibo nin kurusong iyo an mga taga-Burabod, Lagonoy. [1][2]
Sa ibang mga nasyon sa Asya pwedeng manlaenlaen man an materyales na gamit sa paggibo kaini depende kun anong madidisponer na materyales sa lugar..
An kupya na siring an porma usong-uso igdi sa Sur-subangan na Asya asin pinabantog na gayo kan mga Viet Cong kan Biyetnam kan panahon nag'agi ini sa gera sibil. Sa presente, ini uso sa Bangladesh, Bhutan, Tsina, Kambodya, Northeast India, Indonesya, Hapon, Korea, Laos, Malaysia, Myanmar, Nepal, Filipinas, ibang parte kan Outer Manchuria, Taiwan, asin Byetnam.
Taytay nin ladawan
[baguhon | baguhon an source]-
Sugo' sa China nakasu'lot kan inapod nadǒulì
-
Paggibong (nón lá) sa pwera kan Huế , Byetnam
-
Souvenir na nón lá para sa mga turista
-
Para-uma na Bangladeshi su'lot an Mathal(মাথাল).
-
Alukaba kan baoo asin silver na kurusong gibo sa Filipinas
-
Kurusong sa Filipinas na inartehan nin pirak.
-
Koreano sulot an inapod na satgat
-
Kurosong na uso sa Filipinas
Toltolan
[baguhon | baguhon an source]Text is available under the CC BY-SA 4.0 license; additional terms may apply.
Images, videos and audio are available under their respective licenses.