Wois-Siaznham
| Wois-Siaznham Wals-Siezenheim | ||
| Wobben | Ésterreich-Korten | |
|---|---|---|
|
| |
| Basisdaten | ||
| Stoot: | Ésterreich | |
| Bundeslånd: | Salzburg | |
| Pólitischer Bezirk: | Salzburg-Umgebung | |
| Kfz-Kénnzaachen: | SL | |
| Haubtort: | Wals | |
| Flechen: | 26,61 km² | |
| Koordinaten: | 47° 46′ N, 12° 58′ O | |
| Heechen: | 446 m ü. A. | |
| Eihwóner: | 14.246 (1. Jen. 2023) | |
| Bevökarungsdichten: | 535 Eihw. pró km² | |
| Póstlaatzoin: | 5071, 5072 | |
| Vurwoi: | 0662 | |
| Gmaandkénnziffer: | 5 03 38 | |
| NUTS-Región | AT323 | |
| Adress voh da Gmaandvawoitung: |
Hauptstraße 17 5071 Wals-Siezenheim | |
| Nétzseiten: | ||
| Politik | ||
| Burgermaaster: | Joachim Maislinger (ÖVP) | |
| Gmaandrot: (Wahljahr: 2014) (25 Midgliader) |
||
| Quelle: Gmaanddaten bei da Statistik Austria | ||
Wois-Siaznham oda Wois-Siaznhom (amtli: Wals-Siezenheim) is a Gmoa im Soizburga Laund, in Estareich. Sie hod 13.243 Eihwohna (2016) und wead dessweng "gressts Doaf" vo Estareich gnennt, weis koa Stod und ned amoi a Morktgmoa is. 1948 han Siaznham und Wois zua ner Doppegmoa zommglegt worn. Im sejm Joar is as Woppm afkemma, des en songhoftn Woisa Bianbaam vua da Beagkulissn vam Untaschbeag zoagg.
Geografie
[Werkeln | Am Gwëntext werkeln]De Gmoa liegg an Flochgau, glei newa da Stod Soizburg. De gressan Ortstei wern mid Buslinien vasorgg.
Ortstei vo Wois han: Woiserberg, Woiserfejd, Käfaham, Siaznham, Himmereich, Klessham, Gois, Viehhausen[1], Greanau, Rott, Ed und Edlweiss. De letzden drei han ower neamma so offiziej.
Nochbargmoana han: Gredig, Grossgmoa, de Stod Soizburg und Freilassing, Oahring und Reichahoi in Boarn drent.
Sport
[Werkeln | Am Gwëntext werkeln]In Klessham steets EM-Staadion vo Red Bull Soizburg, da derzeid erfoigreichsten Fuassboimoschoft a da Region Soizburg.
Daneem gibbs aa noh an Ringavareih (AC Wois), der da erfoigreichste in gonz Estareich is.
Wirtschafd & Infrastruktur
[Werkeln | Am Gwëntext werkeln]s „Airportcenter“ in Himmereich is bis zan Juni 2006 as zwoatgreessde Eihkaffszentrum bzw. Gewerbeosommlung in da Stodregion voh Soizburg gwen. Bis zan Fruahjoar 2009 is a neis Factory-Outlet-Center ferdiggstejd worn. s neie Center hod a Nettovakaffsflächn voh eppan 25.000 m².
In Siazenham befindt se d' Schworzenbergkasern, d' greesste Kasern vam estareichischen Bundesheer und oane vo d' greessten in Middleiropa.
Osässige Unternemen
[Werkeln | Am Gwëntext werkeln]- Alpine Bau GmbH
- dm-drogarie markt GmbH & Co. KG
- Hogast Einkaufsgenossenschaft reg. Gen.mbH
- Kaindl Flooring GmbH
Vakea
[Werkeln | Am Gwëntext werkeln]Da Soizburga Flughofm in Maxgloan is ad Passagierzoin gmessen, da zwoatgreesste Flughofm vo Estareich und grenzt direkt on an Ortstei Himmereich o.
Wois is iwa d' stodingerrischen Buslinien 1 (EM-Staadion), 2 (Flughofm, Woiserfejd) 27 (Viehausen) und 28 (Siazenham) ans stodingerrische Busnetz ogschlossen sowia mid d' Regionoibuslinien 142 und 150 zan daglonger.
Af 'm Woiser Gmoandgebiat bfindt se a da „Knoten Soizburg“, a dem se d' estareichischen Bundesautoboner A1 (Westautobo) und d' A10 (Tauernautobo) kreizen. D' A1 buidt am Grenziwagong Woiserberg 'n Iwagong zur deitschen Bundesautobo A8 (Soizburg-Minger-Stuggart).
Woppm
[Werkeln | Am Gwëntext werkeln]s Woppm vo da Gmoand is: „In Blau a launggstreckda weissa Berg (Unterschberg) und dodavur af greaner Bon a natyrlicher, greaner, gejbbfuchterder Birnbaam.“
Politik
[Werkeln | Am Gwëntext werkeln]Longjaariga Buagamoasta is da „Bundesroot Bieringer Ludwig“ vo da ÖVP. Da Gmoandroot setzd se wia foigt zomm (noch da letzden Gmoandrootswoi 2014):
Prominenz
[Werkeln | Am Gwëntext werkeln]- ÖkR Georg Neumaier (*24. September 1940 in Wois; + 18. Oktoba eemdo), longjariger Vizeburgermoaster und Eernbyrger vo Wois-Siaznham
- Franz Berger (Ringer) (* 1940 in Wois), estareichischer Ringer
- Bartolomäus Brötzner (1928) (* 13. Feewer 1928 in Wois), estareichischer Ringer
- Bartolomäus Brötzner (1957) (* 20. Feewer 1957 in Wois), estareichischer Ringer
- Ludwig Viktor von Österreich (* 15. Mai 1842 in Wean; † 18. Jenner 1919 in Klessham)
- Anton Marchl (* 19. März 1965 in Wois-Siazenham), estareichischer Ringer
- Georg Marchl (* 22. Jenna 1964 in Wois-Siaznhoam), estareichischer Ringer
- Georg Neumaier (* 13. Feewer 1966 in Wois-Siazenham), estareichischer Ringer
- Josef Preis (* 19. September 1867 in Siazenham, domois ba Liafaring; † 25. Oktoba 1944 eemdo), Burgamoaster vo da Londeshauptstod Soizburg
- Karl Thurwieser (* 30. Mai 1789 in Kromsoch in Tiaroi; † 25. Jenner 1865 in Soizburg), Huifspriaster in Siazenham
Im Netz
[Werkeln | Am Gwëntext werkeln]
Commons: Wois-Siazenham – Sammlung vo Buidl, Videos und AudiodateienBeleg
[Werkeln | Am Gwëntext werkeln]- ↑ Da Naum im oiden Dialekt is aundeascht, der wead noh ausgforscht.
|
Anif | Åhdaring | Bergham | Berndorf | Birmóus | Dorfbeiern | Ewenau | Elixhausen | Ejsbeten | Eingdorf | Foastnau | Fusché | Gróussgmoah | Géming | Grédig | Håiwång | Hehdorf | Hintersee | Hóf ba Soizburg | Kóbbé | Késtendorf | Låmbéhausen | Mottsee | Neimorkt | Nussdorf | Ówerndorf | Ówerdrumm | Bloahfejd | Schleedorf | Seeham | Seekirer | St. Georng | St. Gieng | Strosswoicher | Strówé | Toigau | Wois-Siazenhoam |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
