Winterland
S Winterland isa kommods Gebeide gwen, glei dabaud nom Eadbem vo 1906, am Eck Post Street/Steiner Street, z San Francisco, Kalifornien.
Da Soi is uaschbringle a Eislaafhoin gwen, de Ice Follies hom duad gschbuid.
1967 hod da Impresario Bill Graham de Hittn iwanumma und hods zan Musetheata fia 5400 Leid umbaud. In de nexdn zwejf Joh san im Winterland an haffa Bands afdren, wia The Rolling Stones, The Who, Jimi Hendrix, Kiss, Sex Pistols, The Band (se hom am 26. Novemba 1976 era Obschidskonzeat The Last Waltz gem), Bruce Springsteen und Grateful Dead, de hom duat glei 59 Konzeate gem.[1]
1978, des Gebeide sejm zimle marod, a Saniarung waar noudwende gwen, hods da Bill Graham zan 31. Dezemba 1978 zuagmochd. S Obschidskonzeat hom The New Riders of the Purple Sage, The Blues Brothers und af Neijoh, Grateful Dead mim John Cipollina ois Gastmusika gem.
1985 hodma s Winterland ogrissn. Heid is duat a Heisl mit Wonunga.
Einzelnachweise
[Werkeln | Am Gwëntext werkeln]Koordinaten: 37° 47′ 6,5″ N, 122° 26′ 6″ W
Text is available under the CC BY-SA 4.0 license; additional terms may apply.
Images, videos and audio are available under their respective licenses.
