Da Tofu, boarisch Boanlkaas, is a Viktualie, wo uaspringle aus Kina kimmt. Ea hod an recht hochn Oaweißghoid und nua relativ weng Kalorien.

Da Tofu wead aus Sojamilli heagschdejd. As Vafoarn is a weng wia de Produktion vo Kaas aus Milli (aa duach Denaturierung und Koagulation vom Oaweiß).

Tofu is voa meara wia 2000 Joar in Kina entstandn. De Millivaoarbatung vo de Mongoin woa woascheinle as Voabiid. Vo do hod da Tofu in Ostasien ausbroadd. De Vabroadung vom Buddhismus hod dabei woarscheinle a wichitge Roin gspiit, wei des fia de vegetarischn Buddhistn ois Oaweiß wichtig woo. Buddhisten, voa oim Zen-Buddhistn, ham en Tofu aa af Eiropa brocht. Heit wead da Tofu ois Fleisch- und Kaaseasozz duach de Vegetaria und Vegana bei uns aa imma populeara.

Tofu hod praktisch koan Gschmoch. Ma ko dahea vaschiedanste Sochan damit mocha: kochn, brodn, frittian und bocha - in oin Gschmochrichtunga, ois Hauptspeisn oda Siaßspeisn.

• 
  Rouda Tofu (mid Gwiazn)
• 
  Drickada Tofu
• 
  Tofu Nuuln
• 
  Mousse aus Tofu
• 
  Tofusoatn auf an Schtandl in Kina
• 
  Misosuppn

 Commons: Tofu – Sammlung vo Buidl, Videos und Audiodateien

• Tofu Chronologie (engl.)
• Video: Tofu Produktion (Discovery Channel – in englisch)
• Fotoreih: In oana Tofurei
• „Die Öko-Nomen“ Das Geschäft mit dem Tofu. Der Marktführer „Life Food“ im Porträt. brand eins, 5/2009
• Video iwa de kinäsische Tofu Kuitua. 6/2012