Simpl
| Der Artikl is im Dialekt Owaöstareichisch gschriem worn. |
S'Simpl is a Kabareetheata in da Weana Innenstod, des 1912 entstaundn is. Es woa aufaungs bekaunnt fia artistische und musikalische Doabietungen, mim Karl Farkas hot duat daun s'Revüetheata Einzug gnumma, wos bis kuaz voam Aunschluss duat im Programm woa.
Im Zwoatn Wöödkriag haum netta reichsdeitsche Schauspüila mitmocha deafn, und s'Theata hod ma ois Luftschutzkella heagnumma.
Nochm Kriag haums wieda normal weidagmocht, oba eascht, wia da Farkas 1950 zruckkemma is, is da Erfoig aa wieda kemma. Aundare berühmte Leid aus dera Zeit woan da Ernst Waldbrunn, da Hugo Wiener, da Otto Schenk und a bor aundare. Dozumois woa s'Simpl aa im ORF oft a fixa Programmpunkt.
Da Farkas hod s'Simpl bis zu seim Tod 1971 gleitet, nochhant kuaz da Hugo Wiener und daun da Martin Flossmann. Seit 1993 is da Michael Niavarani da Leita vum Simpl.
Aa heid nu is s'Simpl ane vu de erfoigreichstn Kabareebühnen in Wean.
Im Netz
[Werkeln | Am Gwëntext werkeln]- https://web.archive.org/web/20200115094253/https://simpl.at/
- Aitrog iwer Simpl im Estareich-Lexikon vo aeiou
- 95 Jahre Simpl auf Ö1
Text is available under the CC BY-SA 4.0 license; additional terms may apply.
Images, videos and audio are available under their respective licenses.
