A Linux-Distribution is a Zamstejung vom Linux (Kernel) mid vui andana Software um doraus a Betriabssystem zum macha.

A Distribution bstäd nomalaweis imma ausm Linux-Kernel und da zuakerign GNU-Software, wos as grundlegende Basissystem dostejd. Danoch kimmd bei de meistn imma a X-Window-System und einige grafische Nutzaobaflächn. De vabreitstn san dbei GNOME, KDE und Xfce. Dbei is fosd imma a Boot-Manager, deas System parallel zua andane Betriabssystem startn ko. Oft san a Programme füad Paketvawoidung und zua Installation dabei.

Beim Standard Grundsystem is nua a Bruchtei vo da vafigboan Software installiad. De meistn Distributionen ham speziäe Paketmanager zua Programmvawoidung dbei, womids Nochrüsten domid rechd oafach is. Zuasätzliche Software san meistens vaschiedene Owendungsprogramm, wie beispuisweis Office-Pakete, Editoren, E-Mail-Programm, Browser aba a vui Serva-Software. Fia Entwickla san aa imma oanige Programme wia Compiler oda Intapreta fia a vuizoa an Programmiasprochn voahandn.

Linux-Distributionen wern in da Regl ned - wia andare Betriabssysteme - iban Einzlhandl vatriem oda voainstalliad mid m Rechna vakafd, sondan wern meistns üwa kostnlose Beilang-CDs (oda DVDs) in Zeitschriftn vatriem oda kennan kostnlos vo da Webseitn vo de Anbieta owaglodn wern. Es gibt Distributionan de ma vom obieta ois CD kostnlos bstejn koo. In Afrika gibts extrig Stationan wo ma se fian Preis vo am CD-Rohling des Betriabssystem und de de ganze Software de ma se sunst vom Intanet owelon koo, brenna lassn koo. De Distributorn finanzian si iba Spendn (z. B. Ubuntu wead finanziad vom Mark Shuttleworth und Serviceleistunga (Support) füa kommerzielle Owenda. Es gibt owa inzwischn aa a poar Distributionen, de iban Einzlhandl vatriem wern, wobei ma dbei moastns des beiliegade Buach mid na Installationsoleitung und na Bedeanungsoleitung zoihd.

A de Voainstalliade Veasion kimmd middlaweiln auf vasteakte Kundnnochfrog imma efta voa, so hod z. B. Fujitsu-Siemens scho seid a boar Joar de Lindows-Installationsmedien in da Standardausstattung vo de Gschäfts-PCs und Dell installiad bei am Großdail seina Rechna Ubuntu vorweg ois Betriabssystem.

• S. Wendzel, J. Plötner: Linux. Das distributionsunabhängige Handbuch. Galileo-Press, Bonn 2006, ISBN 3-89842-677-7
• Michael Kofler: Linux. Addison-Wesley, Minga 2007, 8. Auflage, aktualisierter Nachdruck März 2008, ISBN 978-3-8273-2478-8

• Distributionsüwasicht mid a Ranglisten auf DistroWatch.com
• Auflistung da Live CD Distributionen
• Zeitleistn da Linuxdistributionen ois Grafik
• Linux Distribution Chooser – a Huifsweakzeig füad Woi zwischen vaschiedne vabreitete Linux-Distributionen
• Wechseln Sie zu GNU/Linux! (Auswoi zwischen Ubuntu, Fedora und gNewSense)
• Mind Map of Linux distributions – a Üwasicht üwad Linux-Stammbaum