Eazbeag Erzberg
Da Eazbeag vom Pfaffenstein gseng
Häh	1466 m ü. A.
Log	Steiermark, Österreich
Beag	Eisenerzer Alpen
Geographische Log	47° 31′ 30″ N, 14° 54′ 42″ O47.52514.9116666666671466Koordinaten: 47° 31′ 30″ N, 14° 54′ 42″ O
Bsundaheidn	Die Höhe vor Beginn des Tagbergbaus betrug 1532 m ü. A.

Da Eazbeag (dt.: Erzberg) is a Beag im Steirischn bei da Stood Eisenerz in da Gebiagsgruppn vo de Eisneaza Oipn. Wenigstns seitn 11. Joarhundat wiad dodan Eisneaz obaut, zum greßtn Täu Siderit. Es is da greßte Dogbau vo gaunz Middleiropa und fia Siderit speziöö übahaupt vo da gaunzn Wööd. Ma haaßt den Beag as „Steirischer Brotlaib“, wäu a aa heit no wiatschoftlich fia de gaunze Gegng, de jo a bißl schwach auf da Brust is, a eche Aussereißa is. Wichtige Eirichtungan wia de Voestalpine mid eanare Stoiweak in Linz und Leobn-Donawitz odaraa de Montanuniversität Leoben vadaunkn dem Beag eana Existenz. Ea woa de Grundlog fian wirtschaftlichen Aufschwung vo da Region Eisenwurzen und da estlichn Obasteiamoak vom 16. bis zum 20. Joahundat. Heit betreibt do de „VA Erzberg GmbH“, de wos aa zum Voestalpine-Konzean gheat, in Beagbau.

Da Eazbeag gheat zua Grauwackenzone. Ea güüt ois des allagreßte Vuakumman wöödweit vo Siderit (fia de Chemika: FeCO₃). Danem is im obautn Materiäu no aa Ankerit und des eisnreiche Gstaa Dolomit. Wegn dera Mischung mit weniga eisnreichn Zeig liegt da effektive Eisngehoit bei 22-40 %, im Durchschnitt sans ziaka 33 %.

Im Joa wean vuileicht 2 Millionen Tonnen Eaz obaut, de daun mid da Eisnbau entweda noch Linz (1,5 Millionen Tonnen) oda noch Leoben-Donawitz (750.000 Tonnen) gschickt wean.^[1] Noch aktuöön Schätzungan maanan de Fochleit, doss de Eazvuarät no fia viazg bis fuffzg Joa reichn wean.

1. ↑ Eisneaz – da wichtigste Rohstoff fia de Eisn- und Stoi-Industrie (PDF; 89 kB) bei da VOESTALPINE ogruafn am 25. Mai 2015

 Commons: Eazbeag – Sammlung vo Buidl, Videos und Audiodateien

• voestalpine Erzberg
• Eindrog iwa Eazbeag in: Austria-Forum, dem östareichischen Wissnsnetz – online  (auf AEIOU)
• Eindrog iwa Eazbeag in: Austria-Forum, dem östareichischen Wissnsnetz – online  (im Heimatlexikon)
• Eindrog iwa Wassermannloch am Erzberg in: Austria-Forum, dem östareichischen Wissnsnetz – online  (im Heimatlexikon)