Ring kimia, satunggil watek, golongan, utawi seka (taler kaloktah dados kulawarga)^[1] inggih punika kolom datu ring tabél périodik datu kimia. Wénten 18 golongan manomor ring tabél périodik; 14 kolom blok-f, riantara golongan 2 miwah 3, nénten kaicain nomor. Datu-datu ring satunggil golongan ngelah cecirén fisika utawi kimia sané mersib saking kulit éléktron pinih jaba atomné (punika, muatan inti sané pateh), krana makéhan sifat kimia kautamayang olih genah orbit éléktron pinih jaba.

Wénten tiga sistem panomoran watek antuk golongan; nomer sané pateh prasida kaicain nuju grup sané maliyanan mawitin ring sistem sané kaanggén. Sistem panomeran modérn saking "golongan 1" ngantos "golongan 18" sampun karékomendasiyang olih Asosiasi Kimia Murni miwah Terapan Internasional (IUPAC) saking 1988. Punika ngentosin kalih skéma pangaranan sané riin sané sampun nénten marsidayang kaanggén malih, sané kaanggén olih Layanan Abstrak Kimia (CAS, sané kaloktah ring Amérika Serikat), miwah olih IUPAC sadurung warsa 1988 (kaloktah ring Éropa). Sistem pelekutus watek umumné katampi olih komunitas kimia, sakéwanten wénten pabinayan panampen indik kaanggotaan datu nomer 1 miwah 2 (hidrogén lan hélium). Soroh sarupa ring logam transisi kantun wénten ring suratan buku, yadiastun pagenahan sané patut sampun kauningin saking warsa 1948 miwah ping kalih kacumpu olih IUPAC ring warsa 1988 (sinarengan panomeran 1–18) lan 2021.

1. ↑ "The Periodic Table Terms". www.shmoop.com (ring Inggris). Kaarsipin saking versi asli tanggal 2019-04-06. Kaaksés 2018-09-15.