Voivodeship Wielkopolska (Polandia: Województwo wielkopolskie; [vɔjɛˈvut​͡stfɔ vjɛlkɔˈpɔlskʲɛ]), taler kaloktah dados Provinsi Wielkopolska, Voivodeship Polandia Raya, utawi Provinsi Polandia Raya, inggih punika silih tunggil voivodeship (propinsi), ring kauh-tengah Polandia. Punika kaadegang pinanggal 1 Januari 1999 saking lad Voivodeship Poznań, Kalisz, Konin, Piła miwah Leszno.

Voivodeship Wielkopolska magenah ring nomer kalih antuk jimbar miwah akéh panjak katiga ring riantara nem welas voivodeship Polandia, antuk jimbar wawidangan 29,826 kilométer persegi (11,516 sq mi) miwah akéh panjak nampekin 3.5 yuta. Ibukotané punika Poznań; kota-kota utama liyanan ring sajeroning Kalisz, Konin, Piła, Ostrów Wielkopolski, Gniezno (ibu kota purwa Polandia) miwah Leszno. Wawidangan ipun mawatesan sareng pitu voivodeship liyané: Zachodniopomorskie ring kalér kauh, Pomorskie ring kalér, Kuyavian-Pomeranian ring kalér kangin, Łódź ring kelod kangin, Opole ring kelod, Dolnośląskie nuju kelod kauh miwah Lubusz ring kauh.